قەلبىنۇر ئىلياس : نەسرى ئەسەرلىرى

بۇ يازمىنى ئاخىرىدا   مۇنەۋۋەر ئابدۇق تەھرىرلىگەن. ۋاقتى  2012-5-3 16:10  

ياخشى تىلەك  پاكىزە يۈرەكنىڭ بەلگىسى مېھرىبان . سىزگە كۆپ تەشەككۈر .مانا بىر ياخشى دوست تېپىۋالغىنىمدىن خوشالمەن .
ئاللا خالىسا دېدار نىسىپ بولار بىزلەرگە.
سىزگە بىر دەستە گۈل سۇنغۇم بارتى بىراق بۇنچىلىك ئېختىدار بولمىغاشقا  يوللامىدىم .ئەمما ياخشى كۆڭلۈمنىڭ ئۆزى بىر گۈل بۇنىڭغا ئىشىنىڭ.
بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-3 15:29  

لىرىكىغا تۇيۇنغان نەسىرلىرىڭىز تەپتىدىن يۈرىكىم شۇررىدە ئېرىپلا كەتتى .قەلەم تەۋرەتكەن قولىڭىزغا دەرد كەلمىسۇن!

   ھەقىقەتەن  ياخشى  يېزىپسىز  ئاچا...

ئەسىرىمنى ياختۇرغان  زۆھرەگۈل ھامۇت ۋە باھارى قاتارلىقلارغا تەشەككۈر !

يېڭى يىل مۇناسىۋىتى بىلەن قەلەمكەش تورداشلارغا بېغىشلاپ يېزىلغان كۆڭۈل سوغامنى بارلىق دوسلارنىڭ ياخشى كۆڭلىگە تەشەككۈر ئېتىش يۈزىسىدىن قايتا يوللاپ قوياي! بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-4 12:29  

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-4 12:28  

بۇ يازمىنى ئاخىرىدا   مۇنەۋۋەر ئابدۇق تەھرىرلىگەن. ۋاقتى  2012-5-4 17:23  

كۆڭۈل ئارامىڭىزغا سۇنغان ناخشامدىن ھوزۇر ئېلىڭ دوستۇم، ئۆزۈم سۈرەت كىرۈشتۈرگەن ناخشا ئېدى

كۆپ تەشەككۈر  !
مىنەۋەر بىلەن  ئەلقىزنىڭ كۆڭۈل سوغىسى تەپەككۈرۈمنى يەنىمۇ دولقۇنلاتتى .
مىنەتتارلىق ئۈچۈن تۈۋەندىكى يازمامنى يوللاپ قوياي !

كۆڭۈل دېگەن بىردەستە تىلەك   


كۆڭۈل دېگەن ـ بىر دەستە تىلەك ،گويا گۈل سىياقىدا يۈرەكتىن ئۇچۇپ چىقىپ، يەنە بىر يۈرەككە سۇنۇلغان .
كۆڭۈل دېگەن ـ بىر ساپاق ئۈزۈم ،ئىزگۈ بارىڭىدا ئېسىلىپ تۇرغان ،سۆيگۈ قوياشىغا قاقلىنىپ پىشقان .
قەلبىڭنىڭ مىكرو دولقۇنلىرىدىكى لېرىك تەۋرىنىشنى سەزمەكتە تۇيغۇلۇرۇم، ۋۇجۇدۇمدا چايقالماقدا دەريا ئۆركەشلىرىدەك مىنەتتارلىق ئۇرغۇلۇرۇم ...
كۆڭۈل دېگەن ـ مۇزىكىلىق سىمفۇنىيە ، ۋەزىن ئۇلانمىلىرى بىلەن يۈرەكنى ئاشكارلايدىغان .
كۆڭۈل دېگەن ـ ھەسەتسىز ئالقىش ،بىر يۈكسەكلىك باغچىسىدا ئۇتۇقلارنى باغاشلايدىغان .
قەلبىڭنىڭ پىنھان بۇلۇڭلىرىدىكى شەيدالىقىڭنى كۈزەتمەكتە نۇرانە كۆزۈم. ئىلھام شەربىتىڭنى ئىچىپ ،تەپەككۈر بوزلىقىدا، ئاق ئات كەبى چاپماقتا سۆزۈم...
كۈڭۈل دېگەن ـ سۆزسىز مەدھىيە ، تەسەۋۇرنىڭ ئىشتىياقىغا  ئۇزۇتۇلغان بۈيۈك ئامانەت.
كۆڭۈل دېگەن ـ مەخسەتسىز بەدەل، شۇڭا قىلما ئىزگۈ ئۈچۈن  ھەرگىز خىيانەت!  
قەلبىڭنىڭ بوستانلىقىدىن ، بىر تۈپ ھۆرمەت كۆچىتىنى باغرىغا  كۈچۈرمەكتە  يۈرىكۈم .
تاڭلا بىر كۈنى، ئەجىر تەخسەمدە ساڭا سۇنىلار ، ئەقىدە شېخىمدا  مەي بولۇپ پىشقان ئۆرۈكۈم...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-4 18:07  

مەن قەلبىڭگە كۆمۈلگەن لېرىكا

1

جىرالىرىڭنىڭ باغرىدا  يانتاق بولۇپ ئۈنەلمىدىم ، چاڭقاقلىرىڭنىڭ بەرگىگە شەبنەم بولۇپ تۆكۈلەلمىدىم . قاناتلىرى پەرلەنگەن قۇش ئىدىم ، ئەقىدىسى يۇڭۇزلانغان قۇشقاشتەك ئىلاجىسىزلىق قەپىزىدە تېپىرلىدىم .
باغلىرىڭنىڭ ئاۋۇنلىرىدا سەيلىزارلىق بولسىمۇ ، ئۈزۈمنى پىنھانلىق بۇلۇڭلىرىغا قاچۇردۇم ،تەشنالىق مېۋلىرىمنى قاقلىغىدەك ئاپتىۋىڭ بولسىمۇ ، روھىمنىڭ زەئىپ بۇلۇڭلىرىدا ئارزۇلىرىمنى قاق قىلىپ قۇرتۇشنى  ئۇلۇغ بىلدىم .
سۈكۈتكە يۇتۇلغان گۈزەللىكتە ،بىر ئېتقات پارلاپ تۇرسىمۇ ،ئەڭ بۈيۈك بىر قەبرىنى قەلبىم ئۈچۈن راسلاپ قويدۇم  . ئەمما ئۇنىڭدىن پىكىرلىرىم سۆيگۈ بولۇپ كۆكلەيدۇ...

2
مەن قەلبىڭگە كۈمۈلگەن  قەرەللىك بومبا،روھىڭنى تالان- تاراج قىلغان زوراۋان .مەن بەرنا كۈلۈمسىرەش لەشكەرلىرى بىلەن باغرىڭنى چەللىگەن ئوۋچى ، سەن ئەسىرگە چۈشكەن بىر ئارمان . مەن پەرۋاسىزلىق ئېقىنىغا باغرىڭنى غەرىق قىلغۇچى ، سەن ئىپپەت يۈكسەكلىكىدە تۇرۇپ مەۋجۇتلىقىمغا پەشۋا ئاتقۇچى. مەن كۆزگە كۈرۈنمەس گۈل دەستىلىرىنى سېنىڭ ئۈچۈن تىزىپ ئاۋارە بولغۇچى ، سەن دەستىلىرىمنىڭ بەرگىلىرىنى قانغا بويۇغۇچى ...
مەن قەلبىڭگە كۈمۈلگەن ئۈكتەم يولۇچى،روھىڭنى تۇيغۇ ئەگلىكىدە تاسقىغان ، سەن قەلىب ئاسمىنىم غا يېيىلغان مامۇق ئاق بۇلۇت ، سۈيگۈ يامغۇرى بولۇپ  ياغمىغان ، مەن رەڭلىك سىياغا چىلانغان بىر تال  موي قەلەم  ئەمما  كەچمىشنى تارىخ قىلىپ يازالمىغان ،  سەن بىر تىلسىمدەك پەزىلەت قۇياشى ، مىكىرلەر ئالدىدا دانالىغىدىن ئازمىغان .    مەن روھىڭنىڭ  چۈللىكىدە   ئۈنگەن بىر تۈپ چىداملىق قار ياغاچ، ھاياتنىڭ قۇرغاقچىلىقىدىمۇ  ياشناپ  تۇرۇشتىن تايمىغان.
دېمەك  مېنىڭ  مەۋجۇتلۇغۇم  سېنىڭ  مەۋجۇتلىغىڭنىڭ سايىسى...

3
مەن قەلبىڭگە كۈمۈلگەن لېرىكا ،سىماپ دەرياسىدىن چاچراپ چىقىپ  روھىڭغا تېمىپ كەتكەن . مەن ئىزگۈ دېڭىزىدىن سۈزۈلگەن سۈزۈك مەرۋايىت ، نادان ئالقىنىدىن سەكرەپ چۈشۈپ ئۇلۇغلۇقىڭغا ئېقىپ كەتكەن. مەن يېشىلمىگەن پۈتۈكلەر ئارسىدىكى بىر تال ئىبارە ،تەغدىر سەبرىسىگە    قاناەت   دەپ يېزىپ كەتكەن.
مەن قەلبىڭگە كۈمۈلگەن لېرىكا ، تەپەككۈرۈك  ئۈچۈن  ھەسرەت كانلىرىنى قېزىپ كەتكەن، مەن پەرىشتە قولىدىكى رەڭگارەڭ بوياق ،ئۆڭمەس بىر سېمانى  قەلبىڭگە سىزىپ كەتكەن ،مەن لوخمان بارمىقىنىڭ ئەڭگۈشتەرى،شىپالىق كۇملىچىدا   ئۇچار  قۇشلىرىڭغا ئاراملىق  چاڭگىسىنى  تىزىپ كەتكەن .
دىمەك مېنىڭ ئۆلۈشۈم سېنىڭ يارالمىشىڭ ئۈچۈن بىر داستان...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-7 11:43  

ﺋﯚﻟﻤﻪس ﺋﻪﺳﻪر

ﺋﻮﺗﻠﯘق ﺗﯩﻠﻪﻛﺘﯩﻦ ﺳﺎﻗﯩﻐﺎن، ﭼﯜﭼﯜك ﻣﯩﺴﺮالارﻧﯩﯔ ﻣﻪﻧﺎﺳﯩﺪا ﺋﯜزۈۋاﺗﻘﺎن ﺑﯩﺮ ﻗﻪﻟﻪﻣﻜﻪش ،رﯨﺌﺎﻟﻠﯩﻘﺘﯩﻦ ﻗﺎﯕﻘﯩﭗ ﻛﻪﺗﻜﻪن ﺗﻪﭘﻪﻛﻜﯜرﮔﻪ ﺗﻪﺋﻪﺟﺠﯜپ ﺑﯩﻠﻪن ﺋﯜﻧﺪەش ﻳﺎﻧﺪاﺷﻘﺎن ﺳﻮﺋﺎل ﺑﻪﻟﮕﯩﺴﯩﻨﻰ ﻗﻮﻳﺪﯨﺪە، ﺧﯘددى ﻗﺎﺳﺴﺎﭘلاردەك، ﻗﯩﭙﻴﺎﻟﯩﯖﺎش ﺑﻮﻟﻤﯩﻐﺎن ﮔﻮﯕﮕﺎ ﭘﯩﻜﯩﺮﻟﻪرﻧﯩﯔ ﺑﻮﻳﻨﯩﻨﻰ ﻗﺎﻳﺮﯨﭗ ﺗﯘرۇپ، ﻏﻪزەپ ﺑﯩﻠﻪن ﻗﻪﻟﻪم ﭘﯩﭽﯩﻘﯩﻨﻰ ﺳﯜردى.
ﭼﺎلا ﺑﻮﻏﯘزلاﻧﻐﺎن ﻣﯩﺴﺮالارﻧﯩﯔ ۋۇﺟﯘدﯨﺪﯨﻦ دﯨﻘﯩﺮاپ ﭼﯩﻘﯩﯟاﺗﻘﺎن ﮬﻪﻗﯩﻘﻪت ﻗﺎﻧﻠﯩﺮﯨﻐﺎ ﺑﻪرداﺷﻠﯩﻖ ﺑﯧﺮەﻟﻤﯩﮕﻪن ﺋﺎﭘﺘﻮر ﺋﯩﯖﺮاپ ﻳﺎﺗﻘﺎن ﺋﯩﺠﺎدﯨﻴﯩﺘﯩﻨﯩﯔ ﻧﯘراﻧﻪ ﮔﻪۋدﯨﺴﯩﻨﻰ ﺑﺎﻏﺮﯨﻐﺎ ﺑﯧﺴﯩﭗ، ﺳﯜﻛﯜﺗﻜﻪ ﺗﻮﻟﻐﺎن ﺋﻪﻗﯩﺪﯨﺴﯩﮕﻪ ﺋﯘﻧﻰ ﮬﺎﭘﺎﺷلاپ ﻣﺎﯕﺪى. ﺗﻪﻧﮭﺎ ﺋﯚزى ﻗﻪﻟﺐ ﮬﻮﺟﺮﺳﯩﻨﯩﯔ ﺷﯩﭙﺎﻟﯩﻖ ﻛﺎرۋﯨﺘﯩﺪا ﺑﯧﮭﯘش ﻳﺎﺗﻘﺎن ﻣﯩﺴﺮالارﻧﻰ ﭼﻮﯕﻘﯘر ﻣﯘﮬﻪﺑﺒﯩﺘﻰ ﺑﯩﻠﻪن ﺑﯧﻘﯩﭗ ﭘﻪرۋﯨﺸﻠﯩﺪى.
ﺋﻪﻣﻤﺎ ﻗﺎﻧﺴﯩﺮاپ ﻛﻪﺗﻜﻪن ﻣﯩﺴﺮالار ﻳﻪﻧﯩلا ﺋﯚﻟﮕﻪﻧﺪەك ﻳﺎﺗﺎﺗﺘﻰ. ﺋﯩلاﺟﺴﯩﺰ ﻗﺎﻟﻐﺎن ﺋﺎﭘﺘﻮر ﺋﯜﻣﯩﺪﺳﯩﺰﻟﯩﻚ ﺋﯩﭽﯩﺪە ﭼﯜﺷﻜﯜﻧﻠﯜك ﮬﺎزﯨﺴﯩﻨﻰ ﺗﯘﺗﯘﺷﻘﺎ ﺑﺎﺷﻠﯩﺪى.
دەل ﺷﯘ دەﻗﯩﻘﯩﺪە ﺗﯜﮔﻪل ﺑﻪرﺑﺎت ﻗﯩﻠﯩﻨﯩﭗ ﺑﻮﻟﯘﻧﻤﯩﻐﺎن ﻣﯩﺴﺮالار ﺗﯧﻨﯩﺪﯨﻜﻰ ﻳﺎﻟﻘﯘﻧﻠﯘق ﺋﯩﺴﺘﻪك ﺑﯩﺮدﯨﻨلا ﮬﯘﺷﯩﻐﺎ ﻛﻪﻟﺪى - دە، ﺗﻪﺳﻪﻟﻠﯩﻲ ﻗﻮل ﻳﺎﻏﻠﯩﻘﻰ ﺑﯩﻠﻪن ﺋﺎۋاﻳلاپ ﺗﯘرۇپ ﺋﯚز ﺑﯧﺸﯩﺪا ﻳﯘم - ﻳﯘم ﻳﯩﻐلاۋاﺗﻘﺎن ﺋﺎﭘﺘﻮرﻧﯩﯔ ﮬﻪﺳﺮەﺗﻠﯩﻚ ﻛﯚز ﻳﺎﺷﻠﯩﺮﯨﻨﻰ ﺳﯜرﺗﯜپ، ﺋﯘﻧﯩﯖﻐﺎ ﺋﯜﻣﯩﺪ ﺑﯧﻐﯩﺸﻠﯩﺪى.
ﺋﯚز دۇﻧﻴﺎﺳﯩﺪا ﺗﯘرۇپ رﯨﺌﺎﻟﻠﯩﻘﻨﻰ ﻛﯚزﯨﺘﯩﭗ ﺑﯧﻘﯩﺸﻨﻰ ﺋﺎرزۇ ﻗﯩﻠﻐﺎن، ﺋﯩﻠﺘﯩﺠﺎﻟﯩﻖ ﺗﯩﻠﻪﻛﻠﯩﺮى ﺑﯩﻠﻪن ﺋﻮﻗﯘرﻣﻪن ﭘﯩﻜﺮﯨﮕﻪ ﺗﯩﯟﯨﻨﻐﺎن ﺷﺎﺋﯩﺮ ﮔﻮﻳﺎ ﻗﯩﺸﻨﯩﯔ ﻧﻪﺷﺘﻪردەك ﺋﺎﭼﭽﯩﻖ ﺗﻪﻧﻪ ﺷﯩﯟﯨﺮﻏﯩﻨﯩﺪا ﻣﯘزلاپ ﺗﯘرۇپ ﺑﺎﮬﺎر ﺳﯧﻐﯩﻨﻐﺎن ﻣﻪۋﺟﯘداﺗﺘﻪك ﺷﯧﺮﯨﻦ ﺑﯩﺮ ﭘﯩﻜﯩﺮ دۇﻧﻴﺎﺳﯩﻨﯩﯔ ﺋﯚز ﺗﻪﺳﻪۋۇرى ﺑﯩﻠﻪن ﮔﯩﺮەﻟﯩﺸﯩﺸﯩﻨﻰ ﺷﯘب ﻗﻪررەر ﻛﯜﺗﺘﻰ.
ﺑﯩﺮاق ﺋﻪﭘﺴﯘس.
ﮬﯧﻠﯩﻘﻰ ﺋﻪدﯨﭙﻨﯩﯔ ﻛﯚز ﻗﺎرﯨﺸﯩﻨﻰ ﻣﯘﺗﻠﻪق داﺗلاﺷﻤﺎﻳﺪﯨﻐﺎن ﺋﯜﺗﻜﯜر ﭘﯩﭽﺎق دەپ ﻗﺎرﯨﻐﺎن ﻳﻪﻧﻪ ﺑﯩﺮ ﮬﻪۋەﺳﻜﺎر ﺋﯘﻧﯩﯔ ﺋﯩﺪﯨﻴﯩﺴﻰ ﺑﯩﻠﻪن ﺳﯘﻏﯘرۇﻟﻐﺎن زەﮬﻪرﻟﯩﻚ ﻗﺎﻣﭽﯩﺴﯩﻨﻰ دﯨﯟﯦﺘﯩﭗ، ﺟﺎراﮬﻪﺗﻠﻪﻧﮕﻪن ﻣﯩﺴﺮالارﻧﯩﯔ ﺋﺎﺟﯩﺰ ﺗﯧﻨﯩﮕﻪ رەﮬﯩﻤﺴﯩﺰﻟﻪرﭼﻪ ﻳﻪﻧﻪ ﺑﯩﺮﻧﻰ ﺳﺎﻟﺪى.
ﭼﻪﻛﺴﯩﺰ ﺗﯧﺮەﻧﻠﯩﻜﯩﺪە ﮬﯧﻜﻤﻪت ﻳﻮﺷﯘرۇﻧﻐﺎن، ﺋﺎﺟﺎﻳﯩﭗ ﺑﯩﺮ ﺳﯧﮭﺮﯨﻲ ﻛﺎراﻣﻪت ﺑﯩﻠﻪن ﭘﻪردازلاﻧﻐﺎن ﻧﺎزاﻛﻪﺗﻠﯩﻚ ﻣﯩﺴﺮالارﻧﯩﯔ ﻏﯘرۇرﯨﻐﺎ ﺗﻪﻛﻜﻪن ﺋﺎﮬﺎﻧﻪت ﻗﺎﻣﭽﯩﺴﻰ ﺋﯘﻧﯩﯔ ﻗﻪدرى - ﻗﯩﻤﯩﺘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﻳﺎغ ﺋﺎﺳﺘﻰ ﻗﯩﻠﺪى.  
ﺑﯘ ﺧﻮرﻟﯘﻗﻘﺎ ﭼﯩﺪﯨﻤﯩﻐﺎن ﻣﯩﺴﺮالارﻧﯩﯔ ﺋﯚﭘﻜﯩﺴﻰ ﺋﯚرۈﻟﯜپ، ﺗﺎرام - ﺗﺎرام ﺋﺎﻗﻘﺎن ﻳﯧﺸﻰ ﺑﯩﻠﻪن ﺋﯚزﯨﻨﻰ دۇﻧﻴﺎﻏﺎ ﺋﺎﭘﯩﺮﯨﺪە ﻗﯩﻠﻐﺎن ﺋﯘﻟﯘغ ﺷﺎﺋﯩﺮﻧﯩﯔ ﺋﯩﻨﺎۋﯨﺘﯩﻨﻰ ﻗﯘﻏﺪاش ﻳﻮﻟﯩﺪا ﺋﯩﺰدەﻧﺪى - دە، ﺋﻮﻗﯘرﻣﻪﻧﻠﻪرﮔﻪ ﺋﯚزﯨﻨﻰ ﺗﻪﻧﺘﻪﻛﻠﯩﻚ ﺑﯩﻠﻪن ﺑﺎﮬﺎﻟﯩﻐﺎن ﻛﯩﺸﯩﻠﻪر ﺋﯜﺳﺘﯩﺪﯨﻦ ﺋﺎدﯨﻞ ﮬﯚﻛﯜم ﭼﯩﻘﯩﺮﯨﭗ ﺑﯧﺮﯨﺸﻨﻰ ﺋﯚﺗﯩﻨﯩﭗ ﺋﯩﻠﺘﯩﻤﺎس ﺳﯘﻧﺪى.
ﺑﯩﺮاق ﻳﻪﻧﯩلا ﺋﻪﭘﺴﯘس.
ﮬﻪﻗﻘﺎﻧﯩﻲ ﺗﻪﻟﻪپ ﺑﯩﻠﻪن ﻳﯧﺰﯨﻠﻐﺎن ﺋﯩﻠﺘﯩﻤﺎس، ﻣﻪﺳﺨﯩﺮﯨﻠﯩﻚ ﺋﺎﮬﺎﻧﻪﺗﻠﻪر ﺳﻮلاﻧﻐﺎن ﮬﻪﺳﻪﺗﺨﯘرﻟﯘق دەرۋازﯨﺴﯩﻨﯩﯔ ﻗﯘﻟﯩﭙﯩﻨﻰ ﭼﯧﻘﯩﯟەﺗﺘﻰ . ﺋﯚز ﺳﻪۋﯨﻴﯩﺴﯩﻨﯩﯔ ﺗﻪﻛﺸﯩﺴﯩﺰﻟﯩﻜﯩﺪﯨﻦ دەﻣﺎﻟﻠﯩﻘﻘﺎ ﮬﯚﻛﯜم ﭼﯩﻘﯩﺮاﻟﻤﯩﻐﺎن ﺋﻮﻗﯘرﻣﻪن ﻏﯘل - ﻏﯘلا ﺋﯩﭽﯩﺪﯨﻜﻰ ﮬﯧﺴﺪاﺷﻠﯩﻘﻰ ﺑﯩﻠﻪن ﺧﯘددى ﺷﯩﯖﯩﻠﺪاپ ﻗﻮﻳﯘپ ﻗﺎﻳﻨﯩﻤﯩﻐﺎن ﻗﺎزاﻧﺪەك ﺋﯩﻨﻜﺎﺳﺴﯩﺰ ﮬﺎﻟﻪﺗﺘﻪ ﺗﯘرﯨﯟەردى. ﺋﯚز ﺋﯩﺪﯨﻴﯩﺴﯩﻨﯩﯔ ﺋﺎﻗﻠﯩﻨﯩﺸﯩﻨﻰ زارﯨﻘﯩﭗ ﻛﯜﺗﯜۋاﺗﻘﺎن ﻣﯩﺴﺮالار ﺋﺎﺳﺘﺎ - ﺋﺎﺳﺘﺎ ﮬﺎردﯨﺪە، ﺋﺎزاپ زﯨﻨﺪاﻧﯩﻨﯩﯔ ﺗﯩﻤﺘﺎس ﻗﺎراﯕﻐﯘﻟﯩﻘﯩﺪا ﺋﯘﺧلاپ ﻗﺎﻟﺪى.
ﺋﺎﻳلار ﺋﯚﺗﺘﻰ، ﻳﯩﻠلارﻣﯘ ﺋﯚﺗﺘﻰ.
ﺗﻪرەﻗﻘﯩﻴﺎﺗﺘﯩﻦ ﻛﯧﯖﻪﻳﮕﻪن ﺋﯩﻨﺴﺎن ﺗﻪﭘﻪﻛﻜﯘرى ﺋﯚز ﺧﯩﺴﻠﯩﺘﯩﮕﻪ ﺳﯩﻐﯩﺸﯩﺪﯨﻐﺎن ﮬﯧﻜﻤﻪت دەﺳﺘﯘرﻟﯩﺮى ﺋﯜﺳﺘﯩﺪە ﻗﺎﻳﺘﯩﺪﯨﻦ ﺋﯩﺰدەﻧﺪى. دەل ﺷﯘ ﮬﻪﻗﯩﻘﯩﺪە ﻛﯚﻣﯜﻛﺘﻪ ﻗﺎﻟﻐﺎن دەرﺗﻤﻪن ﻣﯩﺴﺮالار ﺋﯩﻨﺴﺎن ﺑﺎﻳﻘﺎﺷﻠﯩﺮﯨﻨﯩﯔ ﺳﻪزﮔﯜر ﭼﻮﻳﻠﯩﺴﯩﻐﺎ ﻟﯩﭙﭙﯩﺪە ﭼﯩﻘﯩﭗ ﻗﺎﻟﺪى - دە، ﺋﺎﺟﺎﻳﯩﭗ ﺑﯩﺮ ﺳﯧﮭﺮى ﻛﺎراﻣﻪﺗﻠﯩﻚ ﻣﻪﻧﺘﯩﻖ ﻛﯜﭼﻰ ﺑﯩﻠﻪن ﺟﯘلاﻟﯩﺪى.
ﺋﯘﻧﯩﯔ ﭼﻪﻛﺴﯩﺰ ﻗﻮﻳﻨﯩﻐﺎ ﻳﻮﺷﯘرۇﻧﻐﺎن ﺋﺎﺟﺎﻳﯩﭗ ﻗﯩﻤﻤﻪﺗﻠﯩﻚ روﮬﯩﻴﻪت ﺑﺎﻳﻠﯩﻘﻠﯩﺮﯨﻨﻰ ﻗﯧﺰﯨﺸﻘﺎ ﺗﯘﺗﯘﻧﻐﺎن ﺋﻪدﯨﭙﻠﻪر ﺋﻪﻗﻠﻰ، ﭼﻮﯕﻘﯘر ﮬﯚرﻣﻪت ﺗﯘﻳﻐﯘﺳﻰ ﺑﯩﻠﻪن ﺑﯘ ﺋﯚﻟﻤﻪس ﺋﻪﺳﻪرﻧﯩﯔ ﺋﺎﭘﺘﻮرﯨﻐﺎ ﻣﻪدﮬﯩﻴﻪ ﻗﻪﺳﯩﺪﯨﻠﯩﺮﯨﻨﻰ ﺋﻮﻗﯘﺷﻘﺎ ﺑﺎﺷﻠﯩﻐﺎﻧﺪا، ﺋﯧﻐﯩﺮ ﻗﯩﺴﻤﻪﺗﻠﻪردﯨﻦ ﺗﺎۋلاﻧﻐﺎن ﻣﯩﺴﺮالار ﭼﻮﯕﻘﯘر ﺳﯧﻐﯩﻨﯩﺶ ﺋﯩﻠﻜﯩﺪە ﺋﯚزﯨﻨﻰ دۇﻧﻴﺎدﯨﻜﻰ ﺋﯩﻨﺴﺎﻧلارﻧﯩﯔ ﺗﻪﺳﻪۋۇرﯨﻐﺎ ﭘﻪرزەﻧﺖ ﺳﯜﭘﯩﺘﯩﺪە ﻣﯩﺮاس ﻗﺎﻟﺪۇرۇپ، ﺧﻮرﻟﯘﻗلار ﺳﻪۋەﺑﯩﺪﯨﻦ ۋاﻗﯩﺘﺴﯩﺰ دۇﻧﻴﺎ ﺑﯩﻠﻪن ﺧﻮﺷلاﺷﻘﺎن، ﮬﻪﺳﻪﺗﺨﯘرﻟﯘق ﺗﺎۋۇﺗﯩﻐﺎ ﺳﯧﻠﯩﻨﯩﭗ، ﮬﺎﻗﺎرەت زەرەﺗﻜﺎﮬﻠﯩﻘﯩﻐﺎ ﻛﯚﻣﯜۋﯦﺘﯩﻠﮕﻪن ﺋﺎﭘﺘﻮرﻧﯩﯔ ﻗﻪﺑﺮﯨﺴﯩﮕﻪ ﺑﺎردﯨﺪە، ﭼﻮﯕﻘﯘر ﺋﻪﻗﯩﺪﯨﮕﻪ ﺗﻮﻟﻐﺎن ﺷﺎدﻟﯩﻖ ۋە ﺋﺎزاپ ﮔﯩﺮەﻟﻪﺷﻜﻪن ﺋﯩﺴﺴﯩﻖ ﻳﺎﺷﻠﯩﺮى ﺑﯩﻠﻪن ﺋﯘﻧﯩﯔ ﻗﺎﻏﺠﯩﺮاپ ﻛﻪﺗﻜﻪن ﺗﯘﭘﺮﯨﻘﯩﻨﻰ ﻧﻪﻣﺪﯨﺪى.
ﺋﺎرﯨﺪﯨﻦ ﺋﯘزاق ﺋﯚﺗﻤﻪي ﻛﯩﺸﯩﻠﻪر ﻗﻪﻟﺒﯩﺪﯨﻜﻰ ﺋﯘﻟﯘغ ﻣﺎزارﻏﺎ ﺋﺎﻳﻠﯩﻨﯩﯟاﺗﻘﺎن ﺑﯘ ﻣﯘﻗﻪددەس ﻗﻪﺑﺮﯨﻨﯩﯔ ﺋﯜﺳﺘﯩﮕﻪ ﻳﺎﭘﻴﯧﺸﯩﻞ ﺋﯜﻣﯩﺪ ﭼﯩﻤﻪﻧﻠﯩﺮى ﻛﯚﻛﻠﻪپ ﭼﯩﻘﺘﻰ. ﺑﯘ ﺷﺎﺋﯧﺮ روﮬﯩﻨﯩﯔ ﺋﯚز ﺋﺎرزۇﺳﻰ ﺑﯩﻠﻪن دﯨﺪارلاﺷﻘﺎن ﭘﻪﻳﺘﺘﯩﻜﻰ ﮬﺎﻳﺎﺟﺎﻧﻠﯩﻖ ﺗﻪﺑﻪﺳﺴﯘﻣﻰ ﺋﯩﺪى...


بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-7 18:12  

نەسىرلەرگە چوڭقۇر پىكىرلەر يۇغۇرۇلۇپتۇ ، ھارمىغايسىز قېرىندىشىم .

ﻛﻪل، ﺳﺎﯕﺎ ﻳﯚﻟﯜﻧﯩﯟالاي

ﻛﻪل، ﺳﺎﯕﺎ ﻳﯚﻟﯜﻧﯩﯟالاي !
روﮬﯩﻢ ﻗﺎﻧﺎﺋﻪت ﻛﯚرﭘﯩﺴﯩﺪە ﺋﺎرام ﺗﺎﭘﺴﯘن، ﺋﺎدەم ﺋﺎﺗﯩﻨﯩﯔ ﻣﯧﮭﯩﺮﻟﯩﻚ ﻗﻮﻟﯩﺪەك ﻗﻮﻟﻠﯩﺮﯨﯖﺪا ﻳﯜرﯨﻜﯩﻤﻨﻰ ﺳﯩلاپ ﻗﻮي!  
ﻗﻪﻟﺒﯩﻢ ﮬﺎزا دەﮬﺸﯩﺘﯩﺪە ﻛﯜﻛﯜم ﺗﺎﻟﻘﺎن ﺑﻮﻟﻐﺎﻧﺪا، ﺳﻪﻣﯩﻤﯩﻴﻪت ﻗﻮل ﻳﺎﻏﻠﯩﻘﻰ ﺑﯩﻠﻪن ﻛﯚز ﻳﯧﺸﯩﻤﻨﻰ ﺳﯜرﺗﯜپ  ﻗﻮي!
روﮬﯩﻢ ﺋﺎزار ﭼﯚﻟﯩﺪە ﺗﻪﻣﺘﯩﺮەپ ﻗﺎﻟﻐﺎﻧﺪا، ﻗﯘرﻏﺎﻗلاﺷﻘﺎن ﺋﯜﻣﯩﺪﻟﯩﺮﯨﻤﮕﻪ ﺳﯚﻳﮕﯜ زەﻣﺰﯨﻤﯩﻨﻰ ﺳﯧﭙﯩﭗ ﻗﻮي!
ﻣﻪﻧﯩﯟى ﺗﯩﺮەك ﺑﻮلاﻟﻤﯩﺴﺎڭ، ﭘﻪرۋاﺳﯩﺰﻟﯩﻐﯩﯔ ﻣﻪن ﺋﯜﭼﯜن ﺗﯩﺮاﮔﯩﺪﯨﻴﻪ. ﺗﻪﺳﻪﻟﻠﯩﻴﺪﯨﻦ ﺳﻮﻏﯘﻟﻐﺎن ﺋﯩﺒﺎرﯨﻠﯩﺮﯨﯔ ﺑﯩﻠﻪن روﮬﯩﻴﻪت ﻣﯘﮬﺘﺎﺟﻠﯩﻘﯩﻤﻐﺎ ﺗﻪﺳﺘﻪك ﺋﯘرﺳﺎڭ، ﮔﻮﻳﺎ ﻗﻪﺑﺮە ﺑﯧﺸﯩﺪا ﺋﯩﺮﻏﺎﯕلاپ ﺗﯘرﻏﺎن ﻗﺎﺧﺸﺎل دەرەﺧﻨﯩﯔ ﺳﺎرﻏﺎﻳﻐﺎن ﻳﯘﭘﯘرﻣﯩﻘﯩﺪەك ﻣﻪﻳﯜﺳﻠﯩﻨﯩﻤﻪن.
ﻛﻪل، ﺳﺎﯕﺎ ﻳﯚﻟﯜﻧﯩﯟالاي!
ۋۇﺟﯘدۇم ﺗﻪﺳﻪﻟﻠﯩﻲ ﺋﺎﺳﻤﯩﺴﯩﺪا ﺷﯩﭙﺎ ﺗﺎﭘﺴﯘن، ﺋﻪﻗﯩﺪە ﭘﺎرﻟﯩﻐﺎن ﺳﻪﻣﯩﻤﻴﻪﺗﻠﯩﺮﯨﯔ ﺑﯩﻠﻪن ﻣﺎﻏﺪۇرﺳﯩﺰ ﺗﯧﻨﯩﻤﻨﻰ ﻳﯚﻟﻪپ ﻗﻮي !
ﺑﯩﻤﺎرﻟﯩﻖ ﻛﺎرۋﯨﺘﯩﺪﯨﻦ ۋۇﺟﯘدۇﻣﻨﻰ ﻗﻮزﻏﯩﺘﯩﺶ ﺋﯜﭼﯜن ﺗﯩﺮﻛﻪﺷﻜﻪﻧﺪە، ﭼﯩﺪام، ﻏﻪﻳﺮەت ﻣﻪدﯨﺘﯩﺪﯨﻦ ﻳﯩﺮاق ﺗﯘرﺳﺎڭ، ﺋﯜﻣﯩﺪ ﮬﺎﺳﯩﺴﻰ ﻗﻮﻟﯘﻣﺪا ﺑﻮﻟﺴﯩﻤﯘ، ﻳﻪﻧﯩلا ﺳﺎﯕﺎ ﺗﯩﯟﯨﻨﯩﺸﻜﻪ ﺋﺎدەﺗﻠﻪﻧﮕﻪن ﺋﯜﻣﯩﺪﺗﻠﯩﺮﯨﻢ ﺳﺎﯕﺎ ﺗﻪﻟﻤﯜرﯨﺪۇ. ﺳﺎﯕﺎ ﺳﻮزۇﻟﻐﺎن ﻗﻮﻟﻠﯩﺮﯨﻤﻨﻰ ﺑﯩﺰارﻟﯩﻖ ﺗﯘﻳﻐﯘﺳﯩﺪا ﺋﯩﺘﺘﯩﺮﯨﯟەﺗﻤﻪ!
ﻛﻪل، ﺳﺎﯕﺎ ﻳﯚﻟﯩﻨﯩﯟالاي! ﺗﻮﻟﯘن ﺋﺎي ﻧﺎﺧﺸﯩﺴﻰ ﻗﻪﻟﺒﯩﻤﯩﺰدە ﺋﯘدۇﻣلاﺷﺴﯘن، ﺑﯩﺰ ﺑﯩﺮﻟﯩﻜﺘﻪ ﺋﻮرﺗﺎﻗﻠﯩﻘلار دۇﻧﻴﺎﺳﯩﺪا ﺳﯩﯖﯩﺸﯩﭗ ﻛﯧﺘﻪﻳﻠﻰ، ﺧﺎﺳﻠﯩﻘﻠﯩﺮﯨﻤﯩﺰ ﺑﯩﺮ ﭼﻪﺗﺘﻪ ﺗﯘرۇپ ﺗﯘرﺳﯘن، ﺋﯘﻧﯩﯔ ﺋﯜﭼﯜن ﺷﻪﺧﺴﯩﻴﻪت دەرۋازﯨﻤﯩﺰﻧﻰ ﺋﯧﭽﯩﭗ ﺑﻪرﻣﻪﻳﻠﻰ! ﻣﻪن ﻗﻪﻟﺐ ۋارﯨﻘﯩﻤﻨﻰ ﺋﻪﻗﯩﺪە ﺑﺎرﻣﺎﻗﻠﯩﺮﯨﺪا ۋاراﻗلاي، ﺳﻪن ﺋﯘﻧﯩﯔ ﺳﯩﺮﻟﯩﺮﯨﻨﻰ ﺋﻮﻗﯘپ ﭼﯜﺷﯜﻧﯩﯟال.
ﻛﻪل، ﺳﺎﯕﺎ ﻳﯚﻟﯜﻧﯩﯟالاي!
ﺋﺎﻟﺪﯨﻤﺪا ﭼﻮﯕﻘﯘر ﭼﯜﺷﻜﯜﻧﻠﯜك ﮬﺎﯕﻰ ﺗﯘرۇﭘﺘﯘ. ﻣﻪن ﺋﯘﻧﯩﯔ ﮔﯩﺮۋﯨﻜﯩﺪە ﮬﺎﻳﺎﺗﻠﯩﻖ ﺋﯜﭼﯜن ﺟﺎن ﺗﺎﻟﯩﺸﯩﭗ ﭼﺎرﭼﯩﺪﯨﻢ، ﺗﻪﺷﻨﺎﻟﯩﻘﯩﻢ ﭼﺎﻛﯩﻠﺪﯨﺪى. ﺷﯘﯕﺎ ﺷﯩﭙﺎﻟﯩﻖ ﺷﻪرۋﯨﺘﯩﻨﻰ ﻧﻪۋاﺋﯩﻨﯩﯔ ﻟﯩﺮﯨﻜﯩﻠﯩﺮى ﺑﯩﻠﻪن ﺋﯧﻠﯩﭗ ﻛﻪل! ﻣﻪن ﺋﯩلاﺟﺴﯩﺰﻟﯩﻘﺘﯩﻦ ﻧﯩﺠﺎدﻟﯩﻘﻘﺎ ﻳﯜزﻟﻪﻧﮕﻪن ﺋﯜﻣﯩﺪﺗﻪك روﮬﯩﻲ ﻣﻪﺳﺘﺨﯘﺷﻠﯘق ﺋﯩﭽﯩﺪە ﺷﯩﭙﺎﻟﯩﻨﺎي...
بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2012-5-8 14:19