قەلبىنۇر ئىلياس : نەسرى ئەسەرلىرى

قەلبىنۇر ئېلياس · ۋاقتى: 2012-4-10 11:26:42


	ئۇپۇققا سوزۇلغان لەۋلەر 1 بىزنىڭ قەلبىمىز ئۇپۇققا كۆمۈلگەن ئەمما جىسمىمىز زىمىنغا يىلتىز تارتقان شۇڭا ئارمانلىرىمىز ئۇپۇق بىلەن زىمىن ئارلىغىدىكى مۇساپىدە يولۇچى ... 2 سەن ئوتقاشتەك تاۋلانغان مۇھەببەت، لەۋلىرىم ساڭا سوزۇلغان بۈيۈكلۈك... سەن ئادىمزات مۈلكىنىڭ نىشان كۆركى ، مەن ئىستىخبال ئىلكىدىن سېنى ئىزدەپ ماڭغان يولۇچى... 3 سەن پەرىشتىلەر ماكانىغا يوشۇرۇنغان تىلسىم . زىمىندىن قەلبىمنى ئوغۇرلاپ كەتكەن ئاقار يۇلتۇز ... 4 ئۇپۇق ئىشىكىنى چېكىمەن ،قولىمدا ۋاقىتنىڭ تاياقچىسى .ھوجراڭدىن چىق دىلبىرىم !گۈزەل ئىمالىرىڭ بىلەن بەختىمگە رىغبەت شولىسىنى تاشلا... 5 ئۇپۇقلارنى چۈشەپ باق قەۋمىم ! شاراپ ئازگىلىدا بىخسىغان ئۈندۈرمىلىرىڭگە غەزەپ ئاتۇم بومبىسىنى تاشلا! كۇكۇم تالغان بولسۇن ئەبجەخ روھىيەت... 6 ئۇپۇققا سوزۇلغان لەۋلەر شېرىنلىكىنى ھېس قىلامدىكىن سۆيۈشلەرنىڭ . ئاسمان زىممىنى سۆيۈپ كەلگەندەك چەكسىزلىك تۇيغۇلىرىدا... 7 قۇملۇقلارنىڭ چۈشىدەك بۈيۈك ،مېنىڭ سېنى سۆيۈشۈم ، گويا سېنى سۆيۈشنى ئىستەپ كەلگەن پەيلاسوپلاردەك... . ئىخ ھاياتنىڭ ئاچچىق يېردە تۇرۇپ، ھايات لەزىتىنى ئىستىگەن دىلبەر ، تاقىتىڭنى ئۇپۇق پەردىسىگە يوشار ،ئازاپلارنى كۈلكە بىلەن يوشارغاندەك. چىدام شوتىسىدا چىقىمەن بىر كۈن ، لەۋلىرىڭدىن گۈل ئۈندەرگىلى... 8 بىر گۈزەل پىلانىتا ، تىلەك كۆكىدە توخىتىماي چۆرگىلەپ تۇرغان، سېنىڭ مۆجىزىدەك مەۋجۇتلۇغۇڭ ... بادام دوپاڭغا يۇلتۇزلارنى كەشتە قىلىپ تىك دىلبىرىم ، خان ئەتلىسىدەك رەڭدارلىغىڭدىن ئۆرنەك ئالسۇن ھاسان– ھۈسەنمۇ ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-10 11:31

قەلبىنۇر ئېلياس · ۋاقتى: 2012-4-10 17:43:13


	قىيداش ھوزۇرى 1 قەلبىڭنىڭ ۋارىغى ئۆرۈلمىگەندۇ؟ بىر قۇچاق تەشۋىش گۈللىرىنى قۇچاغلاپ ، يۈرەك قەپىزىڭنىڭ سىرتىدا تىۋىشسىز تۇرۇپ قالدىم . ئىچىڭدىن غۇدۇرغان بىر سادا چىقتى، ئەمما مەن ئۇنى ئاڭلامىدىم . تۇرۇپلا ئاشۇ غۇدراشلىرىڭنىڭ شەيدالىقى ھېسلىرىمنى ئۇلغايتى، شۇڭا يېشىل قاناتلىرىمنى يەلپۈتۈپ، كۆز ئالدىڭدا ئۇچۇپ باختىم ئەمما يەنىلا تەشۋىشلەندىم . كۆزلىرىڭ ئەما بولمىغاندۇ؟! شۇ تاپ شەبنەمدەك كۆز ياشلىرىمنى ۋىسال قۇتىسىغا قاچىلاپ ،ئالقانلىرىمدا ساڭا ئېلىپ كەلدىم . ـــــ كۆزلىرىڭنى ئاچقىنە تېمىتىپ باقاي!ـ دىدىم ئىلتىجا بىلەن . ــــ ھاجەتسىز كۆزلىرىم روشەن،ـ دېدىڭ قوپاللا. مەن شۇندىلا قىيداش شارابىدىن مەس بولغىنىڭنى بىلدىم . دىلىم نازۇك يارىلاندى، تەشۋىش گۈللىرىمنىڭ بەرگىگە بىر گۈزەل ئاھانەت يەڭگىل تۆكۈلدى . مەن شۇ تاپ سۈكۈت بىلەن قىيداشلىرىڭنىڭ ھوزۇرىنى سۈرمەكتە ئىدىم... 2 مېنىڭ ئىلتىجالىرىم ئۇپۇقنى ئاۋاتلاشتۇردى. ـــ كىبىرلىرىڭنىڭ شوتىسىغا يامىشىپ تۇرۇپ ، باھارىڭنىڭ قۇياشلىق سەھىرىگە ئۆرلەيمەن ،-دىدىمەن بېتاقەتلىك ھالدا. سەن پەرۋاسىز قىياپەتكە كىرۋالدىڭ . مەن ئۆلۈم لېۋىنى لەۋلىگەندەك ئەندىكىم كەتتىم، ئارقىدىن ھۇ تارتىپ راسا يىغلىدىم . سەن قەغىشلىكىم ئۈچۈن تىقىپ قويۇلغان قول ياغلىقىڭنى ئالدىڭدە كۆز ياشلىرىمنى سۈرۈتتۈڭ. 3 تىنجلان ! بىردەم تىنىجلان ! قالايمىقان چېچىلغان پىكىرلىرىڭ چالۋاقاپ كەتتى. مەن مىيىغىدا كۈلۈش بىلەن قەستەنلىك چۈمبىلىنى قايرىپ ،چىرايىڭغا زەڭ سالماق بولدۇم. شۇ تاپ ياۋۇزلۇقۇڭ سولانغان قەپىزىنى چاقماقتا . ئەمدى ئۆزىنى يىغىشتۇرۇش كويىغا چۈشكەن غىدىقلاشلىرىم، تاملار تۆشۈكلىرىدىن دالدا ئىزدەشكە باشلىدى . سەن سۈر ھەيۋەڭ بىلەن مۇشتۇمۇڭنى تۈگۈپ ، پوپۇزا بىلەن كەلدىڭيۇ تۈگۈلۈپ قالغان ئەپتىمگە قاراپ قاقاقلاپ كۈلۈپ كەتتىڭ . بىز قىيداشلار ھوزۇرى ئىلكىدە ، بالىلىقنىڭ خىيالى دۇنياسىغا ئەنە شۇنداق ئاستا- ئاستا سىڭىپ بارماقتا ئىدۇق . بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-10 17:48

ئايشەمگۈل بارات · ۋاقتى: 2012-4-10 17:46:18


	بۇ يازمىنى ئاخىرىدا ئايشەمگۈل بارات تەھرىرلىگەن. ۋاقتى 2012-4-10 17:53

قەلبىنۇر ئېلياس · ۋاقتى: 2012-4-11 11:56:25


	دەرەخلەرنىڭ دەردى زىمىستان سۈكۈناتىنىڭ بۇرۇختۇمىلىقىدىن قۇتۇلغان دەرەخلەر ، بىر گۈزەل ئىجادىيىتى بىلەن تەبىئەتنىڭ پايانسىزلىقىغا باھار مەناسىنى قوشۇشقا ئالدىرىدى . ئۇنىڭ قەلبىدىكى ئارمان گويا ۋاقىت كۈتۈپ دېقىلدىغان يۇمران چىملىقلارنىڭ قەلبىدىكى ئارزۇسىدىنمۇ بەھەيۋەت ئىدى . ئۇ ئوتتەك قىزغىنلىقى بىلەن تەشۋىش ئىشىكىنى ئاشقىنىچە ئۆز جىسمى قارار تاپقان باغچىغا غايىۋى ئۈممۈتلىرىنى قوندۇرماق بولدى بىراق ھەر بىر نورۇز كېلىشى بىلەن پاك– پاكىز ئادالىنىپ ، باھار شاتلىقىنى كۈتۋالىدىغان بۇ باغچا، تېخىچىلا ئۆتكەنكى كۈزنىڭ چىرىندى غازاڭلىرىغا كۈمۈلگەن ھالدا تۇراتتى . دەرەخلەرنى بىردىنلا ئازاپ چۇلغىۋالدى — باغۋىنىمىزنى قايسۇ غەپلەت ئۆزىگە قىزىقتۇرغاندۇ؟ ئۇنىڭ چىچەنلىكى ، بىزگە بولغان ھېرئىسمەنلىكى نەگە كەتتى؟ ئۇ بىزنى سېغىنمىغانمىدۇ؟... دەرەخلەر، چېچەكلىرىنى شۇنچە تەشنالىق بىلەن كۈتۋالىدىغان باغۋەننىڭ ئۆز تەبئىتىدىن ياتلاشقانلىقىدىن مەيۈسلەندى . زورۇقۇپ كۈتۈش پەيتىنىڭ ئالمىشىپ قېلۋاتقانلىقى ئۇلارغا ئاچچىق قىسمەت تىراگىديەسىنىڭ مۇڭلۇق مۇزىكىسىنى چالغاندەك تۇيۇلدى. ئارزۇسىنى چۈشكۈنلىك شېخىغا قوندۇرۇشتىن ئاۋال، باغۋەن روھىنىڭ شەخسىيەت دەرىزىسىنى چىكىپ ،ئۇنى ئۇيغۇتۇش نىيىتىگە كەلگەن دەرەخلەرنىڭ مەسۇليەت تۇيغۇسى ، قانات چىقىرىپ ئۇشقۇنىچە باغۋەننى ئىزدەپ ، ئۇنىڭ ئۆيىنىڭ دەرىزىسى ئالدىدا توختىدى. تاك، تاك تاك . بىر توپ دەرەخ بېتاقەتلىك ھالدا دەرىزىنى چەكتى — قايسىڭ ؟ ئۇيقۇمنى بۇزماي يۇقىلە ماڭ! باغۋەننىڭ قوپال ئاۋازى دەرەخلەرنىڭ ئۈمۈدىگە سۇغۇق سۇ سەپتى، شۇندىمۇ ئۇلار سەۋرى قىلىپ تۇرۇپ مۇنداق دېدى. — ئۇلۇغ باغۋىنىمىز ، باغچىدىكى بارلىق دەرەخلەرنىڭ چىچەكلەش پەيتى كەلدى بىزنىڭ باھار ئۈچۈن ئۆتكۈزۈلىدىغان چىچەك مۇراسىمىمىزغا ھەر يىلى ئۆزىڭىز رىياسەتچىلىك قىلاتتىڭىز ، بۇ يىل نىمە بولدىڭىز ؟بىلەلمىدۇق شۇڭا سىزنى چىللاپ كېلۋىدۇق . — ھە سەنلەمىدىڭ، ئالدىراپ كەتسەڭلا ئېچىلىۋىرىڭلار ، مېنىڭ سىلەرگە قارىغىدەك ۋاختىم يوق، دىدى باغۋەن پەرۋاسىزلا . باغۋەننىڭ ماھيىتىدىن ياتلاشقان ئالامىتىگە ھۆكۈم قىلىشقان دەرەخلەرنىڭ بىردىنلا ئىرادىسى كۈچەيدى شۇڭا ئۇلار ئەمدى گۇرۇپىلارغا بۆلىنىپ باغۋەننىڭ بىر كۈنلۈك ھەركىتىنى نازارەت قىلىش ،مۇشۇ ئارقىلىق ئۇنىڭغا قىلمىشىنى ھىس قىلدۇرۇپ، يامان يولدىن ياندۇرۇش نىيىتىگە كېلىشتى. ئەنە! ئورنىدىن ئېزلەڭگۈلىك بىلەن تۇرغان باغۋەن ئالدىغا قويۇلغان چاينىڭ ئىلمانلىقىنى باھانە قىلىپ ، ئالدىدا مۇلازىمەتچىدەك ئېگىلىپ تۇرغان ئايالىغا چىنىنى پېقرىتىپ ئاتتى . بولۇمسىزدىن بولۇمسىزغا ، ئەقىلسىزدىن ئەقىلسىزگە سېلىپ تىللاشلارغا چىدىمىغان ئايال زەردە بىلەن چالۋاقىدى شۇنىڭ بىلەن قار يامغۇردەك ئاھانەت قامچىلىرى بىچارە ئايالنىڭ قەلبىگە تاراسلاپ تېگىشكە باشلىدى . رايى قايتقان ئايال نەرسە كېرەكلىرىنى ئالغىنىچە، باللىرىنى ئەگەشتۈرۈپ ئۆيدىن چىقىپ كەتتى . گويا ساختا ئەركىنلىكنىڭ نىمىلىكىنى چۈشەنمىگەن باغۋەن غەلبىسىدىن مەمنۇنلانغاندەك كېرىلدى ،بىر مەغرۇر ئىنسانى كىبىر ئۇنىڭ شەخسىيىتىدە بىخ سۈردى ،ئۆزىنى ئاخلاش ۋە چوڭ تۇتۇشنىڭ ئەقىلسىزلىكى ئۇنى بەخىتتىن مەھرۇم قىلغان ئىدى. شۇڭا ئۇ ھۆتمە تۆشۈك بولغان مەنىۋى ئېچىرقىشىنى سۆرىگىنىچە قاۋاقخانىغا كىرىپ كەتتى. چۈشكۈنلىكنىڭ گىرىمسەن پەيتىدە غەرىق مەس بولغان روھى بىلەن دەلدەڭشىگىنىچە بىر ئېزىتقۇ شەيتاننى قولتۇقلىغان باغۋەن ئۆيىگە قاراپ يول ئالدى شۇنداق قىلىپ دەرەخلەر قەلبىدىكى بۇ گۈزەل ئوبراز گويا چۈشكۈنلىك ئەۋرىزىدە ياتقان نىجاسەتتەك تۇيۇلدى ، دەرەخلەرنىڭ نەسىھەتلىرى ئېتىبارسىز قالدى. ھاياتلىقتىن رايى قايتقان دەرەخلەر چۈشكۈنلىك ھازىسىنى توۋلىدى .بىراق يىلتىزى بىلەن قومۇرلۇپ، باشقا باغققا تىكىلىپ قالىدىغان غايىۋى قۇدرەت ئۇلاردا بولمىغاشقا نائىلاج غازاڭ باسقان بۇ باغچىدا چىچەكلەشكە مەجبۇر بولدى بىر شېرىن كۈتۈشتە چاڭقىغان چىچەكلەر ،بىر تېمىم شەرۋەتكە تېۋىندى ئەمما ھەۋەسلەرنىڭ قايمۇقتۇرىشى پەپىلىگەن باغۋەن روھى، شېرىن خىيال كۆرپىسىدىن تېخىچىلا قوپالمايۋاتاتى ... مۇھەببەتنىڭ ئېرىقلىرىدا سۆيگۈ سۇلىرى دەۋرەپ تۇرمىغاشقا ، چېچەكلەرنىڭ بەرگىمۇ قۇرغاقلاشتى .شۇ سەۋەپتىن ئىستىخبالمۇ پۈچەكلەشتى ھەتتا غورۇچە بولالمىغان چىچەكلەر ئارمانلىرى، شاخلاردىن ۋاقىتسىزلا ئۈزۈلۈپ چۈشتى... ئاھ چېچەكلىرىم !دىدى دەرەخلەر يۇم– يۇم يىغلاپ تۇرۇپ ، سىلەر ئاجايىپ بىر يۈكسەكلىكنىڭ ئۈممۈدى ئىدىڭلارغۇ ! زىمىستان خورلىقىدىن قۇتۇلۇپ ،ئەمدىلەتىن باھارغا ئېرىشكەندە ، باغۋەننىڭ پەرۋاسىزلىقىدىن غازاڭلار ئارىسىغا كۆمىلىپ قالارسىلەرمۇ ؟ پۇتۇلۇپ تۇرمىغان جىسمىمنى ھارام شاخلارنىڭ ھۈررەكلىرى قاپلاپ كېتەرمۇ ؟ سىلەرنىڭ ئەقىلسىزلىقىڭلار بېشىڭلارغا چىقىدۇ ئىنسانلا!...بىر گۈزەل ئارماننى خورلىغان ئادەم، مەغلۇبىيەتنىڭ ھاڭىغا يىقىلغان ھاماقەتتۇر .روھى پۈچەكلىك بىلەن تەبىئەتنىڭ سېخىلىكىنى مەنسىتمىگەن قەلىبگە ،چۈشكۈنلىكنىڭ زىمىستانى مەڭگۈلىك پېچەتلەنگەن . سىلەر چىچەكلەرنىڭ ئازابىنى تارتىسىلەر ، دەرەخلەرنىڭ قارغىشىغا قالىسىلەر... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-11 11:59

قەلبىنۇر ئېلياس · ۋاقتى: 2012-4-11 16:14:55


	ﺋﺎدەﻣﻠﻪر ﺳﯧﻐﯩﻨﯩﺪۇ ﺋﺎدەﻣﻠﻪرﻧﻰ ﺋﺎدەﻣﻠﻪر ﺳﯧﻐﯩﻨﯩﺪۇ ﺋﺎدەﻣﻠﻪرﻧﻰ... ﮔﻮﻳﺎ زﯦﻤﯩﻦ ﺑﯩﻠﻪن ﻛﯚك ﺑﯩﺮ ﺑﯩﺮﯨﮕﻪ باﻗﻘﺎن ﻣﻪﯕﮕﯜﻟﯜك ﻣﯘﮬﻪﺑﺒﻪت ﻳﺎﻟﻘﯘﻧﻠﯩﺮﯨﺪەك. ﺷﯘﯕﺎ ﺗﻪﺷﻨﺎﻟﯩﻘﻨﯩﯔ ﺋﯜزۈﻟﻤﻪس رﯨﺸﺘﻰ ﺑﺎﻏلاپ ﺗﯘرﻏﺎن ﮬﻪﻣﻤﻪ ﮬﻪﻣﻤﯩﻨﻰ... ﮬﺎﻳﺎﺗﻠﯩﻖ دەﺳﺘﯘرﺧﺎﻧﯩﺪا ﺟﻪﻣﻠﻪﺷﻜﻪن ﺋﺎرﻣﺎن، ﺗﯩﻠﻪپ ﺗﯘرار ﻏﺎﻳﯩﭙﺘﯩﻜﻰ روھ، ﮬﻪﺗﺘﺎ ﻛﯧﻠﻪﻟﻤﯩﮕﻪن ﺑﯘدرۇق ﻣﯧﮭﻤﺎﻧﻨﻰ ... ﺋﺎدەﻣﻠﻪر ﺳﯧﻐﯩﻨﯩﺪۇ ﺋﺎدەﻣﻠﻪرﻧﻰ... ﺗﻪﻧﮭﺎﻟﯩﻘﻘﺎ ﻛﯚﻧﻪﻟﻤﻪس ﻳﯜرەك، ﺋﯧﭽﯩﺮﻗﯩﻐﺎن ﺳﯚﻳﮕﯜ ﻟﯧﯟﯨﺪە ﺳﯚﻳﯜپ ﻛﻪﻟﮕﻪن ﺋﯩﻨﺴﺎن ﺋﻪﺳﯩﺮﻟﻪپ، ﻧﺎزاﻛﻪﺗﻠﯩﻚ ﻣﯘﯕﺪﯨﺸﯩﺸلارﻧﻰ. ﺋﺎدەﻣﺴﯩﺮاپ ﻛﻪﺗﻤﯩﮕﻪن زﯦﻤﯩﻦ، ﺋﺎۋۇﻧﺪۇرﻏﺎن ﺳﯧﻐﯩﻨﯩﺶ ﺋﯘﻧﻰ... 1 ﭘﯩﻠﯩﻠﺪﯨﻐﺎن ﺳﯚﻳﮕﯜ ﺷﺎﻣﯩﻨﻰ، ﻳﯧﻘﯩﭗ ﻣﻮﻣﺎم ﻗﯩلار ﺗﯩلاۋەت. ﺑﻮۋام روﮬﻰ ﻛﯜﻟﮕﻪﻧﺪۇ ﺑﻪﻟﻜﯩﻢ ﺟﻪﻧﻨﯩﺘﯩﺪە ﻣﻮﻣﺎم ﻗﻪﻟﺒﯩﻨﯩﯔ. ﭼﻮﺧﯩﭽﯩلاﻳﺪۇ ﻏﯘۋالاﺷﺴﺎ ﺷﺎم، لاۋﯨﻠﺪاﻳﺪۇ ﮬﯩﺠﺮان ﭘﯩﻠﯩﻜﻰ... 2 ﺋﻪﻗﯩﺪﯨﻨﯩﯔ ﻗﺎزاﻧﻠﯩﺮﯨﺪا، ﻗﺎﻳﻨﺎپ ﭘﯩﺸﻘﺎن ﻳﯘﻣﺸﺎق ﻛﯚﯕﯜﻟﻨﻰ، ﺋﯩﺴﺴﯩﻘﻘﯩﻨﺎڭ ﻳﻪۋاﻟﺴﯩﭽﯘ دەپ ﻛﯜﺗﯜپ ﺗﯘرار ﺋﺎﻳﺎل ﺋﯧﺮﯨﻨﻰ... 3 ﺗﯜن ﺗﯩﻤﺘﺎﺳﻠﯩﻘﯩﻐﺎ ﺷﯘﯕﻐﯩﻐﺎن ﺑﻪﯕﯟاش ﺋﻪﮔﯩﭗ ﻳﯜرەر ﺳﯚﻳﮕﯜ ﻛﻮﭼﯩﺴﯩﻨﻰ. ﺋﯧﻴﺘﯩﭗ ﻳﯜرەر ﺋﯧﮭﺘﯧﻤﺎل ﮬﺎرﻣﺎي، ﺑﻮۋام ﺋﯧﻴﺘﯩﭗ ﺗﯜﮔﯩﺘﻪﻟﻤﯩﮕﻪن، ﺗﯜﮔﯩﻤﻪﻳﺪﯨﻐﺎن ﺋﺎﺷﯘ ﻧﺎﺧﺸﯩﻨﻰ... 4 ﺗﯧﻤﯩﻢ - ﺗﯧﻤﯩﻢ ﺋﺎﻗﺎر ﺋﻮﻏﯘز ﺳﯜت، ﻣﯧﮭﺮى ﺋﺎﺗﻪش ﺋﺎﻳﺎل ﻛﯚﻛﺴﯩﺪﯨﻦ. ﺋﻪﺳﻜﻪ ﺋﺎﻟﺴﺎ ﺗﻪﻟﭙﯜﻧﯜپ دەرﮬﺎل، ﺑﯚﺷﯜﻛﺘﯩﻜﻰ ﺋﻮﻣﺎق ﺑﺎﻟﯩﻨﻰ... * * * ﺋﺎدەﻣﻠﻪر ﺳﯧﻐﯩﻨﯩﺪۇ ﺋﺎدەﻣﻠﻪرﻧﻰ... ﺗﻮﺧﯩﺘﯩﻤﺎﻳﺪۇ ﺗﺎﺷﻘﯩﻨﻠﯩﻐﺎن ﮬﺎﻳﺎﺗﻠﯩﻖ ﻛﯜﻳﻰ. ﻗﯩﺴﺎﺳلار ﻗﯩﻠﯩﭽﯩﯖﻨﻰ ﻏﯩلاﭘﻘﺎ ﺳﺎل! ﺋﯩﻨﺴﺎن ﺋﻪﻣﻪس ﮬﻪﺗﺘﺎ ﺳﯧﻐﯩﻨﯩﺶ ﺳﯜﻛﯜﻧﺎﺗﯩﻐﺎ ﭼﯚﻛﻪر زﯨﻤﯩﺴﺘﺎﻧﻤﯘ، ﺑﺎﮬﺎر ﭼﯜﺷﻪپ ﻗﺎﻟﻐﺎن ﺳﻪﮬﯩﺮى... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-11 16:18

يانغىن · ۋاقتى: 2012-4-11 16:17:50


	قەلبىنۇر ھەدەمنىڭ نەسىرلىرىنى بەكمۇ ياخشى كۆرىمەن . ئىجادىيتىڭىز ئۇتۇقلۇق ، ئەزىز تېنىڭىز سالامەت بولسۇن ھەدە .

يانغىن · ۋاقتى: 2012-4-11 16:17:52


	قەلبىنۇر ھەدەمنىڭ نەسىرلىرىنى بەكمۇ ياخشى كۆرىمەن . ئىجادىيتىڭىز ئۇتۇقلۇق ، ئەزىز تېنىڭىز سالامەت بولسۇن ھەدە .

قەلبىنۇر ئېلياس · ۋاقتى: 2012-4-11 16:34:34


	[ قەلبىنۇر ھەدەمنىڭ نەسىرلىرىنى بەكمۇ ياخشى كۆرىمەن . ئىجادىيتىڭىز ئۇتۇقلۇق ، ئەزىز تېنىڭىز سالامەت بولسۇن ھەدە ]. ئىنىم يانغىن مەنمۇ نەسىرلىرىڭىزنىڭ ئوقۇرمىنى بىزدە ئىجاديەت ئورتاقلىقى بار . ھەدە -ئىنى بولۇپ ئورتاق تىرىشايلى! ئەسەرلىرىمگە ياخشى باھالارنى بېرىپ تۇرغان بارلىق ئوقۇرمەنلەرگە جۈملىدىن لىرىكىلىق كۈيلەرنى تەغدىم قىلىپ ئۆزگىچە رەڭ بېرۋاتقان سىڭلىم ئايشەمگۈل باراتقا مەندىن ئېھتىرام بولسۇن! بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-11 17:04

مەسئۇد ئىسا · ۋاقتى: 2012-4-11 16:57:28


	تۇرمۇش پۇرىقىغا قويۇق ۋە ئانىلىق قەلبىڭىز ، ئاياللىق نەزىرىڭىز بىلەن كۈزىتىپ قەلەمگە ئېلىنغان نەسىزلىرىڭىزدىن ئىنساننىڭ قىممىتىنى يارىتىشتىكى سادالىرىڭىزنى ئاڭلىدىم !

سىرىنگۈل · ۋاقتى: 2012-4-12 00:27:58


	باھاردىكى ھىسلىرىڭىزدىن سۆيۈندۈم ،قەلەم قۇۋۋىتىڭىزگە بارىكاللا !!!

قەلبىنۇر ئېلياس · ۋاقتى: 2012-4-12 12:43:23


	تەنھالىققا يۇتۇلۇش 1 تەنھالىققا يۇتۇلۇش ،چۈشكۈنلۈكنىڭ قوينىغا غۇلاش ئەمەس دوستۇم ! بىز تەنھا ئېگەمنىڭ يىگانە ئىجادىيىتى ، شۇڭا تەنھالىقىمىزغا ھېكىمەتنى يوشۇرغان . سەن تەنھالىق ئىچىدە غېرىپلاشتىڭ ، بىر چەكسىز قىيالماسلىق تەنھالىقىڭ ئىچىدە لەيلەپ تۇرىدۇ . تەنھالىق سۆزى ـ شېرىن تۇيغۇنى ئىپادلەشنىڭ نىقابى. تەنھالىق – روھىيەت قاناەت تاپالمىغان ئادەملەردىن يىراغلىشىش ئەمەس، بەلكى قەلىب تەلپۈنگەن ئادەم ئۈچۈن ساخلىغان ھېسيات ئارلىقى . تەنھالىق ــ ئادەمسىز ماكاندا يىگانە قېلىش ئەمەس ، ئادەمگە لىپمۇ- لىق تولغان ھاياتلىقتا ، ئۇلارنىڭ كەلكۈندەك يالماپ كېتىدىغان ۋەھىمىلىرىدىن ئۆزىنى قاچۇرۇشنىڭ ئامالىمۇ ئەمەس بەلكى بىر يوشۇرۇن ئەقىدىنىڭ قەلىبگە يېيىلغان بەخىت ۋەسۋەسىسى . 2 تەنھالىق جىسمىڭنى غاجىلايدۇ ئەمما روھىڭنىڭ مەنىۋى ئىنىرگىيەسىنى كۈچلەندۈرىدىغىنى يەنىلا شۇ. چۈنكى ئۇنىڭدا ئىجاديەتنىڭ ئۇرۇقلىرى ساخلانغان سەن بىر سىقىم ئەقىل ئۇرۇقىڭنى ھاياتلىقنىڭ شاۋقۇنلىرىغا ئىسراپ قىلۋەتمەي ، تەنھالىقىڭنىڭ مۇنبەت باغرى ئۈچۈن ساخلاپ قوي ! 3 شاماللار شەپسىز يېنىڭدىن غۇيۇلداپ ئۆتسىمۇ ، ئۇ لەۋلىرىڭگە قانغان مەيىن تۇيغۇلىرى بىلەن مەمنۇنلىنىدۇ. گۈللەر بەرگى، شاخلىرىدىن لەيلەپ چۈشسىمۇ ، ئۇ كۆز مايىللىقىڭنى ئوغۇرلاپ، خۇش ھىددىنى دىماقلىرىڭغا پۇراتقىنىدىن قاناەتلىنىدۇ . چىملىقلار، قەلبىڭنىڭ باغچىلىرىغا ئەينەن كۆچۈرۈلمىسىمۇ، ئەمما ئۆزىدىن ئەنداز ئالىدىغان يېشىللىق ماھىيىتى بىلەن كىبىرلىنىدۇ . بىراق سەن تەنھالىقىڭنى كىم ئۈچۈن ھەدىيە قىلۋاتقىنىڭنى بىلسەڭمۇ ، ئەمما ئۇنى چەكسىز غېرىپلىقىڭ ئىچىگە چۆكتۈرۋىتىسەن ،بۇ سېنىڭ ئۇلۇغلۇقىڭدۇر بەلكىم... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-12 12:51

قەلبىنۇر ئېلياس · ۋاقتى: 2012-4-12 19:11:34


	ﺳﺎلام ﺋﯧﻴﺘﯩﭗ ﻗﻮي ﺋﻪي ۋاﭘﺎدار ﺋﺎﺷﯩﻖ! ﺳﯚﻳﮕﯜﻧﯩﯔ ﻣﯘﺷﻪﻗﻘﻪت ﭼﯚﻟﻠﯜﻛﻠﯩﺮﯨﺪە، ﻣﻪﺟﻨﯘن ﻛﻪﺑﻰ ﺋﺎﻳﻠﯩﻨﯩﭗ ﻳﯜرﮔﯩﻨﯩﯖﺪە، دﯨﻠﺒﯩﺮﯨﯔ ﺋﯜﭼﯜن ﺗﻪرﻛﻰ دۈﻧﻴﺎ ﺑﻮﻟﻐﺎن روﮬﯩﯖﻨﻰ ﺗﻪﻧﮭﺎﻟﯩﻖ ﺋﺎرﯨﻠﯩﻐﺎ ﺑﻪﻧﺖ ﻗﯩﻠﯩﺸﻨﻰ ﺋﯩﺴﺘﯩﮕﯩﻨﯩﯖﺪە، ﺑﻪﺧﺘﯩﯔ ﺋﯜﭼﯜن ﻳﯜرﯨﻜﯩﻨﻰ ﻗﯘرﺑﺎﻧﻠﯩﻖ ﻗﯩﻠﯩﺶ ﺋﺎرﻣﯩﻨﯩﺪا ﻳﯧﻨﯩﯟاﺗﻘﺎن ﺋﺎﺗﺎ-ﺋﺎﻧﺎﯕﻨىڭ ﻳﺎﻟﻘﯘﻧﻠﯘقﻣﯘﮬﻪﺑﺒﯩﺘﯩﻨﻰ ﺳﯧﻐﯩﻨﺎﻣﺴﻪن؟ ﮬﯩﺠﺮان ﺋﺎزاﺑﯩﺪا، ﮬﺎﻳﺎﺗﻠﯩﻘﻨﯩﯔ ﻗﺎق ﺳﻪﮬﯩﺮﯨﺪە ﺗﯘرۇپ، ﺋﯘﻟﯘغ ﺗﯩﻠﻪﻛﻠﻪرﻧﯩﯔ ﺷﺎﻣﯩﻠﯩﺪا، ﭼﻮﯕﻘﯘر ﺋﻪﻗﯩﺪەﯕﻨﻰ ﺳﯚﻳﮕﯜﻧﯩﯖﻨﯩﯔ ﻗﻪﻟﺒﯩﮕﻪ ﺋﯘﭼﯘرﻏﺎﻧﺪا، ﺋﯚز رﯨﺴﻘﯩﻨﻰ ﻧﻪﭘﺴﯩﺪﯨﻦ ﻗﺎﭼﯘرۇپ، ﺳﯧﻨﯩﯔ ﺳﺎﻏلام، ﻗﺎۋۇل ﺋﺎدەم ﺑﻮﻟﯘﺷﯩﯖﻨﻰ ﺋﺎرزۇ ﻗﯩﻠﯩﭗ، ﻗﻮش ﻗﻮﻟلاپ ﺳﺎﯕﺎ ﺳﯘﻧﻐﺎن ﻗﻪۋم - ﻗﯧﺮﯨﻨﺪاﺷﻠﯩﺮﯨﯖﻐﺎ ۋاﭘﺎ ﺳﺎﻟﯩﻤﯩﻨﻰ ﺋﯧﻴﺘﺎلاﻣﺴﻪن؟ ﻣﯘﮬﻪﺑﺒﻪت ﭼﻪﻛﺴﯩﺰ ﺗﯧﻤﯩﻴﻪت ﺋﯩﭽﯩﺪﯨﻜﻰ ﮔﯜزەﻟﻠﯩﻚ. ﻣﻪﻳﻠﻰ ﺳﻪن ﻳﯘرت ﻳﺎﻛﻰ دۆﻟﻪت ﭼﯧﮕﺮﯨﺴﯩﺪﯨﻦ ﮬﺎﻟﻘﯩﻐﺎن ﺳﯧﻐﯩﻨﯩﺶ ﺋﯩﻠﻜﯩﺪﯨﻜﻰ ﺋﺎدەم ﺑﻮل، ﻗﻪﻟﺒﯩﯖﻨﯩﯔ ﺗﻪﺷﻨﺎﻟﯩﻖ ﺋﯚرﻛﻪﺷﻠﯩﺮﯨﻨﻰ ﺋﻮﺧﭽﯘﺗﻘﺎن ﮬﯧﺴﺴﯩﻴﺎت ﻧﻪﭘﻪﺳﻠﯩﺮﯨﺪە ﻳﺎﻟﻐﯘز ﻧﯩﮕﺎرﯨﯖﻨﯩلا ﻧﻪﭘﻪﺳﻠﻪﻧﺪۈرﻣﻪ، ﺑﯩﻤﺎرﻟﯩﻖ ﻛﯚرﭘﯩﺴﯩﺪە ﺳﺎﯕﺎ ﺗﻪﻟﻤﯜرۈپ ﻳﺎﺗﻘﺎن ﺑﯘرادەرﻟﯩﺮﯨﯖﻨﯩﻤﯘ ﻧﺎ ﺋﯜﻣﯩﺪﺗﻪ ﻗﻮﻳﻤﺎ. ﺗﺎﺗﻠﯩﻖ ﺋﯧﺸﯩﯔ ﺑﻮﻟﻤﯩﺴﯩﻤﯘ ﻣﻪﻳﻠﻰ، ﺋﻪﻣﻤﺎ ﺗﺎﺗﻠﯩﻖ ﺳﯚزۈڭ ﺋﯜﭼﯜن ﺑﯧﺨﯩﻠﻠﯩﻖ ﻗﯩﻠﺴﺎڭ ﺋﺎدﯨﻤﯩﻴﻠﯩﻚ ﺧﯩﺴﻠﻪت ﺳﻪﻧﺪﯨﻦ داﺟﯩﻴﺪۇ. ﺷﻪﺧﺴﯩﻴﻪﺗﭽﯩﻠﯩﻚ ﺋﯩﻨﺴﺎﻧﭽﯩﻠﯩﻖ ﺑﯧﻐﯩﺪا ﻛﯚﻛﻠﯩﮕﻪن ﻳﺎۋا ﺋﯚرۈﻛﺘﻪك ﺋﺎﭼﭽﯩﻖ. ﮔﯜزەل ﺳﺎﮬﯩﭙﺠﺎﻣﺎل ﺋﯜﭼﯜﻧلا ﺑﺎرﻟﯩﻘﯩﻨﻰ ﺗﻪرك ﺋﻪﺗﻜﻪن ﺋﺎﺷﯩﻘﻨﯩﯔ ۋاﭘﺎ ﻗﺎزﯨﻨﻰ ﮬﺎﻣﯩﻨﻰ ﺗﯚﺷﯜك. ﭼﻮﯕﻘﯘر ﺋﻪﻗﯩﺪﯨﺴﯩﻨﻰ ﺋﯚز ﺧﻪﻟﻘﯩﺪﯨﻦ ﻗﯩﺰﻏﺎﻧﻐﺎن ﮬﺎﻣﺎﻗﻪت - ﻧﻪﭘﺮەت زﯨﻨﺪاﻧﯩﺪﯨﻦ ﻗﯧﭽﯩﭗ ﻛﯧﺘﻪﻟﻤﻪﻳﺪﯨﻐﺎن ﻣﻪﮬﺒﯘس. ﻣﯧﮭﺮ - ﻣﯘﮬﻪﺑﺒﻪت ﺑﯩﻠﻪن دوﺳﺘلار ﻗﻪﻟﺒﯩﻨﻰ ﺋﯩﻠﻠﯩﺘﻤﯩﻐﺎن ﺋﯩﻨﺴﺎن - ﺗﻪﻧﮭﺎﻟﯩﻖ ﻛﻮﭼﯩﺴﯩﺪا ﺑﯩﺮ ﺋﯚﻣﯜر ﻳﯩﮕﺎﻧﻪ ﻳﺎﺷﺎﻳﺪﯨﻐﺎن ﻳﯧﺘﯩﻢ، ﻣﺎﻧﺎ ﺑﯘ ﺋﺎﭼﭽﯩﻖر ﯨﺌﺎﻟﻠﯩﻘﻨﯩﯔ ﺗﻪﺟﺮﯨﺒﻪ ﺗﻮﻟﻐﺎﻗﻠﯩﺮﯨﺪا ﺗﯘﻏﯘﻟﻐﺎن ﮬﻪﻗﯩﻘﻪت. ﮬﺎﻳﺎﺗﻠﯩﻘﺘﺎ ﺳﻪن ﻣﻪن ﺑﯩﻠﻪن ﺋﺎدەم، ﺋﯘﻧﯩﯔ ﺑﯩﻠﻪﻧﻤﯘ ﺋﺎدەم. ﺑﯩﺰ ﺳﯩﻠﻪرﮔﻪ، ﺳﯩﻠﻪر ﺋﯘلارﻏﺎ ﺑﺎﻏلاﻧﻐﺎن. ﺋﺎرزۇ - ﺋﺎرﻣﯩﻨﯩﻤﯩﺰ ﺑﯩﺰﻧﻰ ﺷﺎدﻟﯩﻖ ﺋﯧﯖﯩﻨﻠﯩﺮﯨﮕﻪ ﺋﻮرﯨﻐﺎﻧﺪا، ﻣﻪدﮬﯩﻴﻪ ﻣﯩﺴﺮاﻟﯩﺮﯨﻨﻰ ﺑﯧﺸﯩﻤﯩﺰدﯨﻦ ﭼﺎﭼﻘﯘ ﻗﯩﻠﯩﭗ ﭼﺎﭼﯩﺪﯨﻐﺎﻧلارﻣﯘ ﺷﯘلار، ﺋﯜﻟﻪن ﻧﺎﺧﺸﯩﻠﯩﺮﯨﺪا ۋﯨﺴﺎل ﻛﯜﻟﮕﻪن ﺋﯩﺴﺘﯩﻘﺒﺎﻟﯩﻤﯩﺰﻏﺎ ﺗﯩﻠﻪك ﺗﯩﻠﻪﻳﺪﯨﻐﺎﻧلارﻣﯘ ﺷﯘلار. ﮬﺎﻳﺎﺗﻠﯩﻖ ﻧﻪﭘﺴﯩﻤﯩﺰ ﺋﯜزۈﻟﮕﻪﻧﺪە ﮬﻪﺳﺮەت ﺗﺎۋۇﺗﯩﻐﺎ ﺳﯧﻠﯩﭗ، ﻣﯘﮬﻪﺑﺒﻪت ﻗﻪۋرﯨﺴﯩﮕﻪ ﻗﻮﻳﺪﯨﻐﺎﻧلارﻣﯘ ﺷﯘلار، ﺋﻪﻗﯩﺪە ﻗﺎزﯨﻨﯩﺪا روﮬﯩﻤﯩﺰﻏﺎ ﺋﺎﺗﺎپ ﺳﯧﻐﯩﻨﯩﺶ ﻧﻪزﯨﺮﻟﯩﻜﯩﻨﻰ ﻗﺎﻳﻨﯩﺘﯩﭗ ﺗﯘرﯨﺪﯨﻐﺎﻧلارﻣﯘ ﺷﯘلار. ﺋﻪي ﺋﺎﺷﯩﻖ! ﻣﯘﮬﻪﺑﺒﻪﺗﻨﯩﯔ ﺗﯧﺮەن ﻣﻪﻧﺎﺳﯩﻨﻰ ﭼﯜﺷﯩﻨﯩﺶ ﺋﯩﻘﺘﯩﺪارﯨﯔ ﺗﯜﮔﻪل ﺑﻮﻟﺴﺎ، ﺋﻮﺗﻠﯘق ﺳﺎﻟﯩﻤﯩﯖﻨﻰ ﺋﯘلاردﯨﻦ ﺋﺎﻳﯩﻤﺎ. ﺋﻪﮔﻪر ﻗﻪﻟﺒﯩﯖﺪە ﭘﻪزﯨﻠﻪﺗﻨﯩﯔ ﻧﯘرﻟﯘق ﺟﯩﻠﯟﯨﺴﻰ ﮬﻪﻗﯩﻘﻪﺗﻪن ﻳﯩﻠﯩﻨﺠﯩﺴﺎ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-12 19:17

قەلبىنۇر ئېلياس · ۋاقتى: 2012-4-13 13:10:04


	ﻳﯩﻠﺘﯩﺰﯨﻤﺴﻪن ﺳﻪﮬﺮاﻳﯩﻢ، ﺋﺎۋام 1 ﺋﯩﮫ! ﺑﻪﺧﺖ ﻳﻮﻟﯩﻐﺎ ﻛﯧﺘﯩﯟاﺗﻘﺎن ﭘﯘﺧﺮاﭼﻪ ﺳﺎلاﮬﯩﻴﻪت، ﺋﺎدﯨﻤﯩﻴﻠﯩﻚ ﺋﯘﻗﯘﻣﯩﻨﯩﯔ ﻣﻪﻧﺎﺳﯩﻨﻰ ﺗﯧﺮەﻧﻠﻪﺷﺘﯜرﮔﻪن دﯦﮭﻘﺎﻧﭽﻪ ﺳﺎلاﭘﻪت. ﺳﺎﯕﺎ ﺳﺎلام ﺑﻪرﮔﯩﻨﻰ ﺋﯩﻨﺴﺎﻧﭽﻪ ﮬﯚرﻣﻪت، ﺋﯩﻠﻤﯩﻲ ﭘﻪزﯨﻠﻪت. ﺳﺎﯕﺎ ﺋﯩﻨﺌﺎم ﺑﻪرﮔﯩﻨﻰ ﺋﻪﻣﮕﻪك ﺳﯜﻳﻪرﻟﯩﻜﯩﯖﻨﯩﯔ ﺷﺎن - ﺷﻪرﯨﭙﯩﮕﻪ ﭼﯧﭽﯩﻠﻐﺎن ﻧﯘﺳﺮەت، دەۋر ﻳﯜﻛﺴﻪﻛﻠﯩﻜﯩﺪﯨﻜﻰ ﺑﯩﺒﺎﮬﺎ ﺧﯩﺴﻠﻪت. ﺳﺎﯕﺎ ﮬﯩﺪاﻳﻪت ﺋﺎﺗﺎ ﻗﯩﻠﻐﯩﻨﻰ ﻳﯜﻛﺴﻪك ﺋﻪﻗﯩﻞ ﺷﻮلا ﺗﺎﺷلاپ ﺗﯘرﻏﺎن ﮬﻪﻗﯩﻘﻪت. ﺑﺎﻳﺎﺷﺎﺗﻠﯩﻖ ﺑﯩﺸﺎرﯨﺘﻰ ﺑﯧﺮﯨﭗ، ﺋﺎۋاﺗﻠﯩﻖ دۇﻧﻴﺎﺳﯩﻐﺎ دالاﻟﻪت ﻗﯩﻠﻐﯩﻨﻰ، ﻣﯘﻗﻪددەس ﺋﯘﻟﯘﻏﻠﯘﻗﻨﻰ ﻧﺎﻣﺎﻳﺎن ﻗﯩﻠﻐﺎن ﺋﯩﻨﺴﺎﻧﭽﻪ ﭘﺎراﺳﻪت. 2 ﻗﻪﻟﺒﯩﻤﻨﻰ ﺑﯩﺮ ﻳﯜﻛﺴﻪﻛﻠﯩﻚ ﭘﻪرۋﯨﺸﻠﯩﺪى، دﯨﻞ رﯨﺸﺘﯩﻤﻨﻰ ﺑﯩﺮ ﺋﯘﻟﯘﻏﻠﯘق ﻣﯘﺳﺘﻪﮬﻜﻪﻣﻠﯩﺪى، ﺋﯧﺘﯩﻘﺎدﯨﻤﻨﻰ ﺋﯚﻟﻤﻪس ﻣﯘﮬﻪﺑﺒﻪﺗﻨﯩﯔ داﻧﺎﻟﯩﻘﻰ ﻳﯧﺘﻪﻛﻠﯩﺪى. ﻣﻪن ﺋﺎددﯨﻲ ﺋﺎدەﻣﻠﻪر ﺋﺎرﯨﺴﯩﺪا ﺋﺎﭘﯩﺮﯨﺪە ﺑﻮﻟﯘپ، ﺋﺎددﯨﻲ ﻳﯧﺰﯨﺪا ﮬﺎلال ﻣﯧﮭﻨﯩﺘﻰ ﺑﯩﻠﻪن ﻳﺎﺷﺎپ ﻛﻪﻟﮕﻪن ﭘﯘﺧﺮالاردﯨﻦ ﺗﻪﻟﯩﻢ ﺋﺎﻟﺪﯨﻢ. ﺷﯘﯕﺎ ﺋﺎﭘﭙﺎق ﺗﯩﻠﻪﻛﻠﻪر ﺑﯩﻠﻪن ﺗﻮﻟﻐﺎن ﺳﻪﻣﯩﻤﯩﻲ ﻧﯩﻴﻪﺗﻠﻪر ﮬﻪر - ﻗﻪدەﻣﺪە ﺋﯩﻠﮭﺎم ﺷﻪرۋﯨﺘﻰ ﺑﯩﻠﻪن روﮬﯩﻤﻨﻰ ﺳﯘﻏﯘرۇپ ﻛﻪﻟﺪى. ﺗﻮﭘﺎ ﭘﯘراپ ﺗﯘرﻏﺎن ﻳﻮﻟلاردا ﻣﯧﯖﯩﭗ ﻛﯚﻧﮕﻪن روﻣﺎﻧﺘﯩﻜﺎم ﺳﻪﮬﺮاﻧﯩﯔ ﺑﯜﻳﯜك ﺧﯩﻠﯟەﺗﻠﯩﺮﯨﺪە، ﺋﯚز ﻗﯩﻤﻤﯩﺘﯩﻨﻰ ﻳﻮﻗﺎﺗﻤﯩﻐﺎن ﺳﯚﻳﮕﯜﺳﯩﮕﻪ ﺗﯩﯟﯨﻨﯩﺶ ﻟﻪۋﻟﯩﺮﯨﻨﻰ ﻳﺎﻗﺘﻰ. ﭼﯜﻧﻜﻰ ﺑﯘ ﭘﻪزﯨﻠﻪت ﮬﯧﻜﻤﯩﺘﯩﻨﻰ ﻣﺎﯕﺎ ﻳﻪﻧﯩلا ﻗﯩﻴﺎﭘﯩﺘﯩﺪە ﺋﺎددﯨﻴﻠﯩﻖ، ۋۇﺟﯘدﯨﺪا ﺳﺎددﯨﻠﯩﻖ ﮬﻪم ﺳﻪﻣﯩﻤﯩﻴﻠﯩﻚ ﺑﺎﻟﻘﯩﭗ ﺗﯘرﻏﺎن، ﺋﯩﻨﺴﺎن ﺑﻪﺧﺘﻰ ﺋﯜﭼﯜن ﺗﻪﺑﻪﺳﺴﯘم ﻗﯩﻠﯩﭗ ﺗﯘرۇﺷﻨﻰ ﺋﯘﻧﺘﯩﻤﯩﻐﺎن ﺋﺎﺷﯘ ﺋﺎۋام ﮬﻪدﯨﻴﻪ ﻗﯩﻠﻐﺎن... 3 ﺳﯚﻳﯜﻣﻠﯜك ﺋﺎۋاﻣﻐﺎ ﺑﻮﻟﻐﺎن ﻛﯩﺒﯩﺮﺳﯩﺰ ﻣﯘﮬﻪﺑﺒﯩﺘﯩﻢ ﺑﯩﻠﻪن ﻳﺎﺷﺎ ﻳﯜرﯨﻜﯩﻢ، ﭼﯜﻧﻜﻰ ﺳﻪن ﻣﻪرﯨﭙﻪﺗﻠﯩﻚ ﺋﺎﺋﯩﻠﯩﺪە ﭘﻪرۋﯨﺸﻠﻪﻧﮕﻪن ﺋﻪﻗﯩﺪە. ﮬﯧﺴﺪاﺷﻠﯩﻖ ﻗﺎزﯨﻨﯩﺪا ﻗﺎﻳﻨﯩﻐﺎن ﺗﺎﺗﻠﯩﻘﻘﯩﻨﺎ ﻣﯧﯟە ﻗﯩﻴﺎﻣﯩﯖﻨﻰ ﺋﻪﻟﻨﯩﯔ ﻣﻪﻣﻨﯘﻧﯩﻴﻪت ﺟﻮزﯨﺴﯩﻐﺎ ﻗﻮي ﺗﯩﻠﯩﻜﯩﻢ، ﭼﯜﻧﻜﻰ ﺋﻪﻟﻨﯩﯔ ﺳﯚﻳﮕﯜﺳﻰ ﺳﻪن ﺋﯜﭼﯜن ﻣﻪﯕﮕﯜﻟﯜك ﺋﺎﺑﯩﺪە... 4 ﺋﻪﻟﻨﯩﯔ ﻧﻪﭘﺮەت ﺋﯧﻘﯩﻨﻠﯩﺮﯨﺪا ﺋﯧﻘﯩﭗ ﺗﯚﮔﻪ ﻛﯩﺒﯩﺮﻟﯩﺮﯨﻢ، ﻏﻪزەپ ﮔﯜﻟﺨﺎﻧﯩﺪا ﻛﯜل ﺑﻮپ ﻛﻪﺗﻜﯩﻦ ﺗﻪﻛﻪﺑﯘرﻟﯩﻘﯩﻢ، ﻟﻪﻧﻪت ﮔﯚرﯨﺪﯨﻦ ﻗﺎﻳﺘﺎ ﺗﯩﺮﯨﻠﻤﯩﮕﯩﻦ ﭼﯜﺷﻜﯜﻧﻠﯜﻛﯩﻢ. ﻧﺎۋادا ﮬﺎﻳﺎﺗﻠﯩﻘﻘﺎ ﻛﯚز ﻗﯩﻴﻤﯩﺴﺎڭ، ﻛﯚز ﻗﯩﻴﻐﯩﻦ ﺋﯚز ﺷﻪﺧﺴﯩﻴﯩﺘﯩﯖﮕﻪ، ﻧﻪﭘﺴﺎﻧﯩﻴﻪت ﻗﯩﻠﺘﺎﻗﻠﯩﺮﯨﯖﻐﺎ. ﭼﯜﻧﻜﻰ ﺋﺎدەﻣﺴﻪن، ﺋﺎدەﻣﺪەك ﻳﺎﺷﺎ! ﺗﯚﻛمە! ﺋﻪﻟﻨﯩﯔ ﺋﯜﻣﯩﺪ ﻛﯚﻟﭽﻪﻛﻠﯩﺮﯨﮕﻪ ،ﺋﻪﺧلاﻗﺴﯩﺰﻟﯩﻖ ﻳﯘﻧﺪﯨﺴﯩﺪﯨﻦ ﮬﻪﺗﺘﺎ ﺑﯩﺮ ﺗﯧﻤﯩﻢ. ﺋﻪﻟﻨﯩﯔ ﺋﯩﺸﻪﻧﭻ دەرﻳﺎﺳﯩﺪا ﺋﯜزﮔﯩﻦ ﺗﯩﻠﯩﻜﯩﻢ، ﻣﯘﺷﺎﻗﻪﺗﻨﯩﯔ ﺳﯩﻨﺎﻗﻠﯩﺮﯨﺪا ﺗﺎۋلان ﭼﯩﻨﻠﯩﻘﯩﻢ، ﭼﻪﻛﺴﯩﺰ ﭘﻪزﯨﻠﻪت ﻳﯜﻛﺴﻪﻛﻠﯩﻜﻰ ﺑﯩﻠﻪن ﺗﯩﺮﯨﻚ ﺗﯘرﻏﯩﻦ ﻳﯜرﯨﻜﯩﻢ. ﻧﺎۋادا ﻛﯚز ﻗﯩﻴﻤﯩﺴﺎڭ ﺋﺎﻣﻪﺗﻠﯩﺮﯨﯖﮕﻪ، ﻛﯚز ﻗﯩﻴﻐﯩﻦ ﺋﯘﻧﯩﯔ ﺑﯩﺮ ﺋﯜﻟﯜﺷﯩﮕﻪ ﺳﺎﺧﺎۋەت ﺋﯜﭼﯜن، روﮬﯩﯔ ﭘﺎﻛﯩﺰ ﺑﻮﻟﺴﯘن ﺋﯧﭽﯩﺮﻗﺎﺷلاردﯨﻦ... ﭼﯜﻧﻜﻰ ﺋﺎدەﻣﺴﻪن، ﺋﺎدەﻣﺪەك ﻳﺎﺷﺎ! ﭼﯧﭽﯩﭗ ﻗﻮﻳﻤﺎ !ﺋﻪﻟﻨﯩﯔ ﻗﻪﻟﺐ ﺗﯘﭘﺮﯨﻘﯩﻐﺎ ،ﭼﺎۋا - ﭼﺎﺗﻘﺎل ﮬﻪﺗﺘﺎ ﺑﯩﺮ ﻗﯧﺘﯩﻢ... 5 ﺋﯩﭙﺘﯩﺪاﺋﯩﻲ ﺗﯘﻳﻐﯘﻟﯩﺮﯨﻢ ﺑﯩﻠﻪن ﺳﺎﯕﺎ ﭼﻮﻗﯘﻧﯘپ ﻛﻪﻟﺪﯨﻢ، ﺋﻪﭘﺴﺎﻧﯩﯟى روﻣﺎﻧﺘﯩﻜﺎﻣﺪا ﺳﯧﻨﻰ ﺋﺎﻧﺎ ﻳﯩﻠﺘﯩﺰﯨﻢ دەپ ﺗﯩﯟﯨﻨﺪﯨﻢ، ﺋﯚﯕﻤﻪس ﻣﯘﮬﻪﺑﺒﻪﺗﻨﯩﯔ رەﯕﺪار ﭘﯩﻜﯩﺮﻟﯩﺮى ﺑﯩﻠﻪن ﺳﯧﻨﻰ ﺋﯘﻟﯘﻏﻠﯩﺪﯨﻢ، ﺗﯩﺮﯨﻚ ﮬﯧﺴﺴﯩﻴﺎﺗﯩﻤﻨﯩﯔ ﺷﺎﮬﯩﺪى ﺑﻮﻟﻐﺎن ﻳﺎﻟﻘﯘﻧﻠﯘق ﻳﯜرﯨﻜﯩﻤﻨﻰ زۇﻧﻨﺎر ﻗﯩﻠﯩﭗ ﺑﻮﻳﻨﯘﯕﻐﺎ ﺋﯧﺴﯩﭗ ﻗﻮﻳﯘش ﺋﯩﺴﺘﯩﻜﯩﺪە ﺋﯩﺰدەﻧﺪﯨﻢ، ﺋﻪﻗﯩﺪﯨﻠﯩﻚ ﺳﯧﻐﯩﻨﯩﺸلاردا ﺋﺎﻟﺘﯘﻧﺮەڭ ﺗﯘﭘﺮاﻗﻠﯩﺮﯨﯖﻨﻰ ﺑﺎﻏﺎﺷﻠﯩﺪﯨﻢ. ﺋﻪي ﻣﯧﻨﯩﯔ ﮔﯜزەل ﺳﻪﮬﺮاﻳﯩﻢ، ﺟﺎﻧﯩﺠﺎن ﺧﻪﻟﻘﯩﻢ ! ﭼﯘﻧﻜﻰ ﺳﯜﯕﯩﻜﯩﻤﮕﻪ ﻳﯩﻠﯩﻚ ، ﺋﻪﻗﻠﯩﻤﮕﻪ ﺑﯩﻠﯩﮓ ﺑﻪرﮔﻪﻧﻤﯘ ﺋﯚزۈڭ. ﻳﯜرﯨﻜﯩﻤﮕﻪ ﺳﯚﻳﮕﯜ ﺗﻪرﮔﻪن، ﻗﯘﭼﯩﻘﯩﯖﻨﻰ ﻣﺎﯕﺎ ﻛﻪرﮔﻪﻧﻤﯘ ﺋﯚزۈڭ... ﻣﻪن ﮔﯜزەل ﺳﯩﻤﺎﻳﯩﯖﻐﺎ ﺋﺎﺷﻨﺎ ﺑﻮﻟﻐﺎن، ﺳﯚﻳﯜﻣﻠﯜك ﺋﺎۋام ﺑﯩﻠﻪن دﯨﺪارلاﺷﻘﺎن ۋﯨﺴﺎل ﺷﺎدﻟﯩﻘﯩﻨﯩﯔ ۋەزﯨﻨﻠﯩﺮﯨﺪﯨﻦ ﺋﯘرﻏﯩﻐﺎن ﻧﺎۋالارﻏﺎ ﮬﯧﺮﯨﺴﻤﻪن ﻣﻪزﻟﯘﻣﻪ... بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-13 13:20

قەلبىنۇر ئېلياس · ۋاقتى: 2012-4-16 12:44:18


	ﺋﻪﭘﯘ ﻳﯩﻠلار ﺑﻪﯕﯟاش ﺑﺎﻟﯩﻐﺎ ﺑﻮي، ﭘﺎراﺳﻪﺗﻜﻪ ﺗﻮﻟﻐﺎن ﺋﻮي، ﺋﺎدﯨﻤﯩﻴﻠﯩﻚ ﺧﯘي ﺑﻪردى. ﮬﺎﻳﺎﺗﻠﯩﻘﻨﯩﯔ ﺋﻪﮔﺮى ﭼﺎﺗﻘﺎﻟﻠﯩﻖ ﻳﻮﻟﯩﺪا ﺋﯧﺰﯨﭗ ﻗﯧﻠﯩﭗ دادﯨﺴﯩﻨﻰ ﺳﯧﻠﯩﭗ ﻗﻮﻳﻐﺎن ﺑﯩﺮ ﻛﺎﭼﯩﺘﻰ ﺋﯘﻧﯩﯔ ﻗﻪﻟﺐ ﭼﻮﯕﻘﯘرﻟﯘﻗﯩﺪا ﺳﺎﻗﺎﻳﻤﺎس ﻳﺎرا ﺑﻮﻟﯘپ ﻗﺎﻟﻐﺎﻧﯩﺪى. ﺷﯘﯕﺎ ﺋﯘﻧﯩﯔ ﮬﺎﻳﺎت ﺧﯘﺷﺎﻟﻠﯩﻘﻰ ۋﯨﺠﺪان ﺧﻮرﻟﯩﻘﯩﺪا ﺋﯚﺗﺘﻰ. روﮬﯩﻴﯩﺘﯩﺪﯨﻜﻰ ﺑﯘ ﺋﯚزﯨﻨﻰ ﺋﻪﻳﯩﭙﻠﻪش ﺋﯧﯖﻰ ﺋﯘﻧﯩﯔ ﭼﯩﻨﻠﯩﻖ ﻣﺎﮬﻴﯩﺘﯩﻨﻰ ﺗﺎۋﻟﯩﺪى، ﺷﯘﯕﺎ ﺋﯘ ﺋﺎدﯨﻤﯩﻴﻠﯩﻚ ﻣﻪﺟﺒﯘرﯨﻴﯩﺘﯩﻨﯩﯔ دەۋﯨﺘﯩﺪە ﺋﯩﺮادﯨﮕﻪ ﻛﻪﻟﺪى - دە، ﻣﯘﻗﻪددەس ﺋﺎﺗﯩﻨﯩﯔ ﺋﺎﻟﺪﯨﺪا ﺗﯩﺰلاﻧﺪى، ﺋﻪﻣﻤﺎ ﺑﯘ ﺋﯩﺸلار ﺋﺎﺗﯩﻨﯩﯔ ﻗﻪﻟﺐ ﺧﺎﺗﯩﺮﯨﺴﯩﺪە ﺋﺎﻟﻠﯩﻘﺎﭼﺎن ﺋﯚﭼﯜپ ﻛﻪﺗﻜﻪﻧﯩﺪى، ﻳﯩﮕﯩﺖ ﺷﯘﻧﺪﯨلا دادﯨﺴﯩﻨﯩﯔ ﺧﯧﻠﻰ زاﻣﺎن ﺋﯩﻠﮕﯩﺮﯨلا ﺋﯚزﯨﻨﻰ ﺋﻪﭘﯘ ﻗﯩﻠﯟەﺗﻜﻪﻧﻠﯩﻜﯩﻨﻰ ﭼﯜﺷﯩﻨﯩﭗ ﻳﻪﺗﺘﻰ. ﺋﯘﻧﯩﯔ ﻗﻪﻟﺒﯩﺪە ﺋﺎﺗﺎ روﮬﻰ ﮔﻮﻳﺎ ﺗﯜﻣﻪﻧﻤﯩﯔ ﺋﯜﻣﯩﺪ ﻳﯘﻟﺘﯘزﻟﯩﺮﯨﻨﻰ ﺑﺎﻏﺮﯨﻐﺎ ﺋﺎﻟﻐﺎن ﺳﺎﻣﺎ ﻳﻮﻟﯩﺪەك ﭼﻪﻛﺴﯩﺰ ﺗﯘﻳﯘﻟﺪى. ﺑﯘ رﯨﺌﺎﻟﯩﻖ ﺋﻪﻣﻪﻟﯩﻴﯩﺘﻰ ﺋﯘﻧﯩﯖﻐﺎ ﺋﯩﻨﺴﺎﻧﭽﯩﻠﯩﻘﯩﺪﯨﻜﻰ ﺋﻪﭘﯘﻧﯩﯔ ﻳﯜﻛﺴﻪﻛﻠﯩﻜﯩﻨﻰ ﮬﯧﺲ ﻗﯩﻠﺪۇردى، ﺋﯘ ﻗﻪﻟﺐ ﺧﺎﺗﯩﺮﯨﺴﯩﻨﻰ ﺑﯩﺮﻣﯘﺑﯩﺮ ۋاراﻗلاپ، ﺋﯘﻧﯩﻚ ﺑﯧﺘﯩﺪە ﻗﯧﺘﯩﭗ ﻗﺎﻟﻐﺎن ﮬﻪﺳﻪت ۋە ﺋﯚﭼﻤﻪﻧﻠﯩﻜﻨﯩﯔ ﻗﺎرا داﻏﻠﯩﺮﯨﻨﻰ ﺋﻪﭘﯘﻧﯩﯔ ﺳﯩﮭﯩﺮﻟﯩﻚ ﺋﯚﭼﯜرﮔﯜﭼﯩﺪە ﺋﯚﭼﯜرۈﺷﻜﻪ ﺋﯩﺮادە ﺑﺎﻏﻠﯩﺪى.

قەلبىنۇر ئېلياس · ۋاقتى: 2012-4-16 12:45:36


	ﺋﻪﭘﯘ ﻳﯩﻠلار ﺑﻪﯕﯟاش ﺑﺎﻟﯩﻐﺎ ﺑﻮي، ﭘﺎراﺳﻪﺗﻜﻪ ﺗﻮﻟﻐﺎن ﺋﻮي، ﺋﺎدﯨﻤﯩﻴﻠﯩﻚ ﺧﯘي ﺑﻪردى. ﮬﺎﻳﺎﺗﻠﯩﻘﻨﯩﯔ ﺋﻪﮔﺮى ﭼﺎﺗﻘﺎﻟﻠﯩﻖ ﻳﻮﻟﯩﺪا ﺋﯧﺰﯨﭗ ﻗﯧﻠﯩﭗ دادﯨﺴﯩﻨﻰ ﺳﯧﻠﯩﭗ ﻗﻮﻳﻐﺎن ﺑﯩﺮ ﻛﺎﭼﯩﺘﻰ ﺋﯘﻧﯩﯔ ﻗﻪﻟﺐ ﭼﻮﯕﻘﯘرﻟﯘﻗﯩﺪا ﺳﺎﻗﺎﻳﻤﺎس ﻳﺎرا ﺑﻮﻟﯘپ ﻗﺎﻟﻐﺎﻧﯩﺪى. ﺷﯘﯕﺎ ﺋﯘﻧﯩﯔ ﮬﺎﻳﺎت ﺧﯘﺷﺎﻟﻠﯩﻘﻰ ۋﯨﺠﺪان ﺧﻮرﻟﯩﻘﯩﺪا ﺋﯚﺗﺘﻰ. روﮬﯩﻴﯩﺘﯩﺪﯨﻜﻰ ﺑﯘ ﺋﯚزﯨﻨﻰ ﺋﻪﻳﯩﭙﻠﻪش ﺋﯧﯖﻰ ﺋﯘﻧﯩﯔ ﭼﯩﻨﻠﯩﻖ ﻣﺎﮬﻴﯩﺘﯩﻨﻰ ﺗﺎۋﻟﯩﺪى، ﺷﯘﯕﺎ ﺋﯘ ﺋﺎدﯨﻤﯩﻴﻠﯩﻚ ﻣﻪﺟﺒﯘرﯨﻴﯩﺘﯩﻨﯩﯔ دەۋﯨﺘﯩﺪە ﺋﯩﺮادﯨﮕﻪ ﻛﻪﻟﺪى - دە، ﻣﯘﻗﻪددەس ﺋﺎﺗﯩﻨﯩﯔ ﺋﺎﻟﺪﯨﺪا ﺗﯩﺰلاﻧﺪى، ﺋﻪﻣﻤﺎ ﺑﯘ ﺋﯩﺸلار ﺋﺎﺗﯩﻨﯩﯔ ﻗﻪﻟﺐ ﺧﺎﺗﯩﺮﯨﺴﯩﺪە ﺋﺎﻟﻠﯩﻘﺎﭼﺎن ﺋﯚﭼﯜپ ﻛﻪﺗﻜﻪﻧﯩﺪى.ﻳﯩﮕﯩﺖ ﺷﯘﻧﺪﯨلا دادﯨﺴﯩﻨﯩﯔ ﺧﯧﻠﻰ زاﻣﺎن ﺋﯩﻠﮕﯩﺮﯨلا ﺋﯚزﯨﻨﻰ ﺋﻪﭘﯘ ﻗﯩﻠﯟەﺗﻜﻪﻧﻠﯩﻜﯩﻨﻰ ﭼﯜﺷﯩﻨﯩﭗ ﻳﻪﺗﺘﻰ. ﺋﯘﻧﯩﯔ ﻗﻪﻟﺒﯩﺪە ﺋﺎﺗﺎ روﮬﻰ ﮔﻮﻳﺎ ﺗﯜﻣﻪﻧﻤﯩﯔ ﺋﯜﻣﯩﺪ ﻳﯘﻟﺘﯘزﻟﯩﺮﯨﻨﻰ ﺑﺎﻏﺮﯨﻐﺎ ﺋﺎﻟﻐﺎن ﺳﺎﻣﺎ ﻳﻮﻟﯩﺪەك ﭼﻪﻛﺴﯩﺰ ﺗﯘﻳﯘﻟﺪى. ﺑﯘ رﯨﺌﺎﻟﯩﻖ ﺋﻪﻣﻪﻟﯩﻴﯩﺘﻰ ﺋﯘﻧﯩﯖﻐﺎ ﺋﯩﻨﺴﺎﻧﭽﯩﻠﯩﻘﯩﺪﯨﻜﻰ ﺋﻪﭘﯘﻧﯩﯔ ﻳﯜﻛﺴﻪﻛﻠﯩﻜﯩﻨﻰ ﮬﯧﺲ ﻗﯩﻠﺪۇردى، ﺋﯘ ﻗﻪﻟﺐ ﺧﺎﺗﯩﺮﯨﺴﯩﻨﻰ ﺑﯩﺮﻣﯘﺑﯩﺮ ۋاراﻗلاپ، ﺋﯘﻧﯩﻚ ﺑﯧﺘﯩﺪە ﻗﯧﺘﯩﭗ ﻗﺎﻟﻐﺎن ﮬﻪﺳﻪت ۋە ﺋﯚﭼﻤﻪﻧﻠﯩﻜﻨﯩﯔ ﻗﺎرا داﻏﻠﯩﺮﯨﻨﻰ ﺋﻪﭘﯘﻧﯩﯔ ﺳﯩﮭﯩﺮﻟﯩﻚ ﺋﯚﭼﯜرﮔﯜﭼﯩﺪە ﺋﯚﭼﯜرۈﺷﻜﻪ ﺋﯩﺮادە ﺑﺎﻏﻠﯩﺪى. بۇ يازمىنى ئاخىرىدا قەلبىنۇر ئېلياس تەھرىرلىگەن. ۋاقتى 2012-4-16 12:47