يەر شارى تورى مۇخبىرى لى لياڭ خەۋىرى:
ئامېرىكىنىڭ كېلەر نۆۋەتلىك زۇڭتۇڭ نامزاتى، جۇمھۇرىيەتچىلەر پارتىيىسىدىن رومنېي 29- سېنتەبىر جۇڭگوغا ھەدەپ ھۇجۇم قىلدى. ئۇ جۇڭگونى ئامېرىكىنىڭ ئىقتىسادىي تەھدىتى، مەدەنىيەت تەھدىتى دەپلا قالماستىن، جۇڭگو يەنە كۈچلۈك ئارمىيە قۇرماقتا، بۇنىڭدىكى مەقسەت ئامېرىكىنىڭ جەنۇبىي دېڭىزغا كېمە ۋە ھەربىي پاراخوت ئەۋەتىشىنى توسماقچى، دېدى.
فرانسىيە ئاخبارات ئاگېنتلىقىنىڭ 28- سېنتەبىردىكى خەۋىرىگە ئاساسلانغاندا، رومنېي 28- سېنتەبىر ئامېرىكا يۇمشاق دېتال مەملىكەتلىك رادىئو- تېلېۋىزىيە شىركىتىنىڭ زىيارىتىنى قوبۇل قىلغاندا: ئۆزىنىڭ جۇڭگوغا قاتتىق قول مۇئامىلە قىلىدىغان ئۆي- مۈلۈك ماگناتى دونالد ترومپ (Donald Trump) بىلەن ئوخشاش قاراشتا ئىكەنلىكىنى بىلدۈرگەن. دونالد ترومپ بولسا ئىزچىل تۈردە ئاقساراينىڭ جۇڭگو قارىتىلغان سودا ھەرىكىتىنىڭ دائىم مەغلۇپ بولغانلىقىنى ئەيىبلەپ كەلگەنىدى.
رومنېي مۇنداق دېدى: بىز جۇڭگودا قارىتا ئوخشاش قاراشتا. جۇڭگو بىر ئىقتىسادىي تەھدىت، مەدەنىيەت تەھدىتى بولۇپلا قالماستىن، جۇڭگو يەنە كۈچلۈك ئارمىيە قۇرماقتا، بۇنىڭدىكى مەقسەت ئامېرىكىنىڭ جەنۇبىي دېڭىزغا كېمە ۋە ھەربىي پاراخوت ئەۋەتىشىنى توسماقچى.
خەۋەردە مۇنداق دېيىلدى: رومنېي ئىلگىرى ئامېرىكا ماسساچۇسېتس شتاتىنىڭ باشلىقى بولغان بولۇپ، ھازىر جۇمھۇرىيەتچىلەر پارتىيىسى ئىچىدە 2- ئورۇندا تۇرىدىغان پرېزىدېنت نامزاتى ھېسابلىنىدۇ. بۇنىڭدىن ئىلگىرى، ئۇ ئۆزىنىڭ دۇنيادىكى 2- چوڭ ئىقتىسادىي گەۋدە بولغان جۇڭگوغا قارشى تۇرغۇچى ئىكەنلىكىنى بىلدۈرگەن. 9- ئاينىڭ بېشىدا، ئۇ ئىقتىسادىي تەشەببۇسىنى ئوتتۇرىغا قويغاندا ئۆزىنىڭ باجنى ئازايتىدىغانلىقى، ھۆكۈمەتنىڭ خىراجىتىنى تېجەيدىغانلىقى، ھەمدە جۇڭگو قاتارلىق دۆلەتلەرگە قارىتا سودا "تەسلىمىچىلىك" ىنى ئاخىرلاشتۇرىدىغانلىقىنى بىلدۈرگەن. ئۇ ئىلگىرى يەنە جۇڭگو ئىجرا قىلىۋاتقان ئىقتىسادىي سىياسەت ئامېرىكا كارخانىلىرىغا قارىتا ئادالەتسىز سودا ۋە بۇ كارخانىلارنىڭ بىلىم مۈلۈك ھوقۇقىنى ئوغرىلاشقا تايىنىدۇ، دەپ ئەيىبلىگەن.
رومنېي 28- سېنتەبىر مۇنداق دېدى: بىز ئامېرىكا قىتئەسىگە قارىتا بازارنى ئېچىۋېتىش سىياسىتىنى يۈرگۈزىمىز، جۇڭگو ئالدامچىلىق قىلغاندا جۇڭگونى ئىسكەنجىگە ئالىمىز.
ئۆتكەن ھەپتە، ئۇ يەنە ئوبامانى تەيۋەنگە F16-C/D تىپلىق كۈرەش ئايروپىلانى سېتىپ بېرىش قارارىنى چىقارمىدى، بېيجىڭ "زىچ ئارمىيە قۇرۇۋاتقان" پەيتتە، ئوباما قول قوشتۇرۇپ قاراپ تۇردى، دەپ ئەيىبلىدى.