| ياۋ مىڭ NBA دىن رەسمىي چېكىنىدىغانلىقىنى جاكارلىدى |
تېڭشۈن تەنتەربىيە قانىلىنىڭ بېيجىڭ ۋاقتى 7-ئاينىڭ 9-كۈنىدىكى خەۋىرى، NBA نىڭ ئورگان تور بېكىتى، ESPN ۋە ئامېرىكا ياخۇ تەنتەربىيە قانىلى قاتارلىق نوپۇزلۇق ئاخبارات ۋاسىتىلىرىنىڭ خەۋەرلىرىگە ئاساسلانغاندا، 2002-يىلى NBA گە كىرىپ، ئىزچىل تۈردە ھيۇستون راكېتا كوماندىسىدا توپ ئويناپ، مەزكۇر كوماندىغا ئۆزىنىڭ بىر كىشىلىك ھەسسىنى قوشۇپ كېلىۋاتقان جۇڭگونىڭ ۋاسكېتبول چولپىنى ياۋ مىڭ رەسمىي ھالدا NBA دىن چېكىنىدىغانلىقىنى قارار قىلىپ، ئۆزىنىڭ نۇرغۇنلىغان شان-شەرەپلەرگە ئېرىشكەن ھەمدە ئاغرىق-سىلاق، ئازاب-ئوقۇبەت بىلەن ئۆتكەن NBA دىن توققۇز يىللىق ھاياتىنى ئاخىرلاشتۇرىدىغانلىقىنى ئېلان قىلغان.
2002-يىلى ياۋ مىڭ ئەليۇلئەلا سالاھىيىتى بىلەن راكېتا كوماندىسىغا قېتىلغانىدى. ئەينى ۋاقىتتا ئۇ جۇڭگودىكى سانسىزلىغان ۋاسكېتبول مەستانىلىرىنىڭ غايەت زور ئۈمىدىنى زىممىسىگە ئارتقانىدى. ئەمما بۈگۈنكى كۈنگە كەلگەندە ئۇ جۇڭگو، ھەتتا ئاسىيا ۋاسكېتبول مۇنبىرىدىن ھالقىپ، NBA دىكى ئەڭ مۇۋەپپەقىيەت قازانغان ۋاسكېتبول چولپىنىغا ئايلاندى. ئۇ ئۆزىنىڭ توققۇز يىللىق كەسپىي ھاياتىدا جەمئىي 486 مەيدان مۇسابىقە ئوينىغان. ئۇ يېڭىدىن بايقالغان مۇنەۋۋەر شەخس قوشۇنىغا تۇنجى بولۇپ كىرگەنىدى. سەككىز قېتىم پۈتۈن چولپانلار مۇسابىقىسى غەربى قىسىم قوشۇنىغا تاللانغان، ئىككى قېتىم NBA غەربىي قىسىم ئايلىق ئەڭ ياخشى توپچى بولۇپ باھالانغان. ئىككى قېتىم NBA دىكى ئەڭ ياخشى قوشۇن 2-ئەترەتكە كىرگەن. ئۈچ قېتىم NBA دىكى ئەڭ ياخشى قوشۇن 3-ئەترەتكە تاللانغان. توققۇز يىل ئىچىدە، ياۋ مىڭ بەش قېتىم ئەترەتتىكىلەرگە ياردەم قىلىپ ۋە ئۇلارنى يېتەكلەپ كوماندىنى پەسىلدىن كېيىن مۇسابىقە (季后赛) گە ئېلىپ كىرگەنىدى (ياۋ مىڭ 08-2007 مۇسابىقە مەزگىلىدىكى پەسىلدىن كېيىنگە مۇسابىقىگە قاتنىشالمىغانىدى). بۇنىڭ ئىچىدە 09-2008 مۇسابىقە مەزگىلى ئۇ كوماندىنى تېخىمۇ يېتەكلەپ نۇرغۇن يىللاردىن بۇيان تۇنجى قېتىم پەسىلدىن كېيىنكى مۇسابىقىنىڭ ئىككى باسقۇچىغا ئېلىپ كىرگەنىدى».
ياۋ مىڭ كەسپىي ھاياتىدا ئوتتۇرا ھېساب بىلەن ھەر مەيدان مۇسابىقەدە 19 نومۇر ئالغان بولۇپ، 9.3 دانە قايتقان توپ، 1.9 قېتىم باشقىلارنىڭ توپىنى تورىغان. ئۇنىڭ سالامەتلىكى ياخشى ۋاقتىدا ئۇ مەيداندا ئۆزىنىڭ بارلىقى ھاياتىنى كۈچىنى نامايان قىلغانىدى. 07-2006 مۇسابىقە مەزگىلىدە ئۇنىڭ سالامەتلىكى ياخشى بولمىغانلىقتىن ئۇ ئاران 48 مەيدان مۇسابىقەگە قاتنىشالىدى. ئەمما ئۇ بۇ مۇسابىقە مەزگىلىدە ھەربىي مەيدان مۇسابىقەدە ئوتتۇرا ھېساب بىلەن 25 نومۇر، 9.4 قايتقان توپ ئېلىپ، ئۆزىنىڭ ئۆزىنىڭ يەككە مەيدان مۇسابىقەسىدە رېكورت ياراتتى. 08-2007 مۇسابىقە مەزگىلىدە، 55 مەيدان مۇسابىقىگە قاتناشقان ياۋ مىڭ ھەر بىر مەيداندا ئوتتۇرا ھېساب بىلەن 22 نومۇر، 10.8 قايتقان ئالدى. ھەمدە 2.3 قېتىم ياردەمچى ھۇجۇم قىلدى. بۇ ئۇنىڭ ھەر بىر مەيداندىكى قايتقان توپ ئېلىش ۋە ياردەمچى ھۇجۇم قىلىش تارىخىدىكى ئەڭ يۇقىرى سەۋىيە بولۇپ قالدى.
ئەمما، 2009-يىللىق پەسىللىك مۇسابىقەدىن كېيىنكى مۇسابىقەنىڭ ئىككىنچى باسقۇچى ۋە لوس ئانژېلېس كۆلچى مۇسابىقىسىنىڭ ئۈچىنچى مەيدانىدا ياۋ مىڭ ئېغىر يارىلانغاندىن كېيىن، ئۇنىڭ يارىسىنىڭ ساقىيىشى تەسكە توختىدى. بۇ ۋاقىتتا مىكاھىل مۇنداق دېگەنىدى:«ئەگەر ياۋ مىڭ قايتىدىن مەيدانغا قايتىپ كېلەلىگەن بولسا، ئۇنداقتا بىز ھەقىقەتەن خۇشال بولغان بولاتتۇق، مەن ئۇنىڭ بۇنى قىلالىشىنى ئۈمىد قىلىمەن». ئەمما ھازىردىن قارىغاندا، مىكاھىل، راكېتا كوماندىسى ھەتتا پۈتۈن NBA دىكى ياۋ مىڭغا قىزىقىدىغان كىشىلەرنىڭ ھەممىسىنىڭ ئۈمىدى كۆپۈككە ئايلاندى.
بۇ يىل 5-ئايدا ئەگەر ياۋ مىڭ سول پۇت ئوشۇقى ئوپېراتسىيىدىن كېيىن ئەسلىگە كەلسە، ئۇ يەنىلا داۋاملىق تۈردە NBA گە قايتىپ، توپ ئوينايدىغانلىقىنى بىلدۈرگەنىدى. ئەپسۇس، ئىشلار ئويلىغان يەردىن چىقماي قالدى، ئامېرىكا ياخۇ تەنتەربىيە قانىلى ۋە ھيۇستون مۇھىم ئىشلار گېزىتىدە نۇرغۇنلىغان كەسپىي ئەربابلارنىڭ ئاشكارىلىشىچە، ياۋ مىڭ ئۆتكەن 48 سائەت ئىچىدە بىرلەشمە تەرەپكە ئۆزىنىڭ رەسمىي چېكىنىشنى قارار قىلغانلىقىنى ئۇقتۇرغان.
مەيلى قانداق بولمىسۇن، ياۋ مىڭ ھەقىقەتەن NBA ۋاسكېتبول مەيدانىدىن خوشلىشىدىغاندەك تۇرىدۇ. ئۇ گەرچە نۇرغۇنلىغان شان-شەرەپ ۋە نەتىجىلەرنى قولغا كەلتۈرگەن بولسىمۇ، ئەمما سان-ساناقسىز توپ مەستانىلىرىگە دەپ تۈگەتكۈسىز دەرىجىدە ئېچىنىش ۋە ئەپسۇس قالدۇردى. بۇ يىل 9-ئايدا 31 تاشقا كىرىدىغان ياۋ مىڭ ئۆزىنىڭ توققۇز يىللىق كەسپىي ھاياتىنى ئاخىرلاشتۇرۇپ، كىشىلىك ھاياتىنىڭ يېڭى سەھىپىسىنى ئېچىش ئالدىدا تۇرۇۋاتىدۇ.
| [ئاپتورى: مەنبەسى: ۋاقتى: 2011/7/9 19:35:54 ئۇقۇلۇشى: 332 قېتىم] |
|
