ئەنگلىيە «كۈندىلىك پوچتا گېزىتى»خەۋىرى، پاكىستانلىق ئاتا-ئانىسى بىلەن بىللە ئەنگلىيە ۋولتون شەھىرىدە ياشاۋاتقان 17ياشلىق قىز شافىللە،غەرب ئەللىرىنىڭ تۇرمۇش ئۇسۇلى يۇقتۇرۇۋالغانلىقى ئۈچۈن، ئاتا-ئانىسى بۇنى بىر خىل ئىزا-ئاھانەت ھېس قىلىپ، 2003-يىلى ئاتا-ئانىسى ئۇنى ئۆلتۈرۈپ پارچىلىۋەتكەن.
 

شافىللە غەرب ئەللىرى كىشىلىرىدەك كىيىنگەن، ئالىي مەكتەپنىڭ قانۇن فاكۇلتېتىدا ئوقۇماقچى بولغان، يەنە ئۆزى بىلەن تەڭ دېمەتلىك قىزلاردەك ئوغۇل دوست تۇتقۇسى كەلگەن. بۇلارنىڭ ھەممىسى ئاتا-ئانىسىنىڭ نەزىرىدە ئۆزلىرىنىڭ كۈتكىنىدەك بولمىغان، ھەمدە ئائىلىگە نومۇس،ئىزا-ئاھانەت ئېلىپ كەلدى دەپ قارىغان. شۇنىڭ بىلەن، ئۇنىڭ ئاتا-ئانىسى ئۇنى زورلاپ پاكىستانغا قايتۇرۇۋەتكەن ھەمدە شۇ يەردىكى بىر ئەرگە ياتلىق قىلىۋەتكەن. ئاتا-ئانىسىنىڭ بۇرۇق-پەرمانىغا بوي سۇنمىغان قىز ئاقارتقۇچى ئاگېنت ئىچىۋالغان، ھەمدە ئامالسىز ئەنگلىيەگە قايتۇرۇپ ئەكېلىنىپ قۇتقۇزۇلغان.
 

شافىللەنىڭ سالامەتلىكى ئەسلىگە كەلگەندىن كېيىن، ئۇ 2003-يىلى9-ئايدا بىر ئالىي مەكتەپكە تىزىملاتقان، ھەمدە دەرستىن سىرت خىزمەت تاپقان،نەچچە كۈن ئۆتكەندىن كېيىن شافىللە مەكتەپتىن تۇيۇقسىز يوقاپ كەتكەن، ئۇنىڭ ئاتا-ئانىسى بۇنىڭغا قارىتا ئىپادە بىلدۈرمىگەن. بەش ئايدىن كېيىن، ساقچىلار دەريا بويىدىكى چاتقاللىقتىن قىزنىڭ پارچىلىتىۋېتىلگەن جەسىتىنى تاپقان.
 

بۈگۈنكى كۈندە،شافىللەنىڭ ئاتا-ئانىسى ئۆزى قىزىنى ئۆلتۈرگەنلىك بىلەن ئەيىبلەنگەن، لېكىن ئۇلار بۇنى ئىنكار قىلغان. شافىللەنىڭ سىڭلىسى ئالىشانىڭ ئېيتىشىچە،ئۇ ئاتا-ئانىسىنىڭ ئاچىسىنى ئۆلتۈرگەنلىكىنى ئۆز كۆزى بىلەن كۆرگەنىكەن، ھەمدە سوتقا چىقىپ گۇۋاھلىق بېرىدىغانلىقىنى ئېيتقان. بۇ دېلو نۆۋەتتە داۋاملىق تەكشۈرۈپ بىر ياقلىق قىلىنىۋېتىپتۇ.