يەرشارى تورى خەۋىرى، ئامېرىكا «نىيويورك ۋاقىت گېزىتى» نىڭ خەۋىرىگە ئاساسلانغاندا، ئامېرىكىنىڭ نۆۋەتتىكى زۇڭتۇڭى بىراك ئوباما ۋەزىپىگە ئولتۇرغاندىن باشلاپ، ئىراننىڭ ئۇران قويۇقلاشتۇرۇش ئەسلىھە كومپيۇتېر سىستېمىسى تورىغا ھۇجۇم قىلىش مەخپىي بۇيرۇقىنى تىزلىتىپ، ئامېرىكا تور ئۇرۇشىنىڭ كۆلىمىنى كۈنسېرى كېڭەيتكەن. نەتىجىدە ئامېرىكىنىڭ تور ھۇجۇمى ئىراننىڭ 1000 غا يېقىن سېنترىفۇگنى بىر قېتىمدىلا پالەچ ھالغا چۈشۈرۈپ قويغان.
بۇ پىلان ئەسلىدە ئامېرىكىنىڭ سابىق زۇڭتۇڭى كىچىك بوز ھاكىمىيەت يۈرگۈزۈۋاتقان ۋاقتىدىن باشلانغان بولۇپ، ئومابا تەختكە چىققاندىن كېيىن، ئىراننىڭ يادرو ئەسلىھەلىرىگە بولغان تور ھۇجۇمىنىڭ قەدىمىنى كۈنسېرى تېزلەتكەن.
2010-يىلى يازدا، بىر پروگرامما خاتالىقى سەۋەبىدىن، ئامېرىكا بىلەن ئىسرائىلىيە تەتقىق قىلىپ ياساپ چىققان بىر ئىچكى پارازىت قۇرت ۋىرۇسى «Stuxnet» كۈتۈلمىگەندە ئىراننىڭ نەتانز يادرو ئېلېكتر ئىستانسىسىدىن چىقپ، پۈتۈن يەرشارى ئالاقە تورى سىستېمىسىغا تارقاپ كەتكەن. شۇنىڭ بىلەن ئامېرىكىنىڭ تور ھۇجۇمى پىلانىنىڭ ئاشكارىلىنىپ كەتكەن، ئەمما ئوباما ئۆزىنىڭ تور ھۇجۇمىنى كۈچەيتىش قارارىنى ئۆزگەرتمىگەن. كېيىنكى نەچچە ھەپتە ئىچىدە، ئىراننىڭ نەتانز يادرو ئېلېكتر ئىستانسىسى ئارقا-ئارقىدىن ئىچكى پارازىت قۇرت ۋىرۇسى «Stuxnet» نىڭ ھۇجۇمىغا ئۇچرىغان. بۇ قېتىمقى زەنجىرسىمان تور ھۇجۇمىدا، ئىراننىڭ 1000 گە يېقىن سېنترىفۇگى پالەچ ھالغا چۈشۈپ قالغان. ئەينى ۋاقىتتا ئىران 5000 دانە ئۇران قويۇقلاشتۇرىدىغان سېنترىفۇگقا ئىگە ئىدى.
بۇ قېتىمقى زىيانكەشلىك ھەرىكىتى ئىراننىڭ يادرو قورال ياساش تەتقىقاتىدا زور نەتىجىلەرنى قولغا كەلتۈرۈشكە سەۋەب بولدى. ئەمما ئامېرىكا ئەمەلدارلىرىنىڭ بۇنىڭغا قارىتا پىكرى بىردەك بولمىدى. ئوباما ھۆكۈمىتىنىڭ ئىچكى ئەمەلدارىنىڭ قارىشىچە، ئامېرىكىنىڭ تور ھۇجۇمى ئىراننىڭ يادرو قورال ياساش ۋاقتىنى 18 ئايدىن ئىككى يىلغىچە كەينىگە سۈرۈۋەتكەن. ئەمما ھۆكۈمەتنىڭ ئىچى ۋە سىرتىدىكى بىر قىسىم مۇتەخەسسىسلەرنىڭ قارىشىچە، ئىراننىڭ ئۇران قويۇقلاشتۇرۇش سەۋىيىسى قەدەممۇ-قەدەم ئەسلىگە كەلگەن.
خەۋەردە«بۇ ئامېرىكىنىڭ تۇنجى قېتىم تور ئۇرۇش قوراللىرىنى ئىشلىتىپ باشقا دۆلەتنىڭ ئاساسىي ئەسلىھەلىرىنى پالەچ ھالەتكە كەلتۈرۈشى» دېيىلگەن. ئەمما ئوباما، ئەگەر ئامېرىكا تور ئۇرۇش قورالىنى ئىشلەتكەنلىكىنى بوينىغا ئالسا، بۇنىڭ باشقا دۆلەتلەرگە، تېررورچىلار ۋە خايكېرلارغا دەستەك بولۇپ بېرىدىغانلىقىنى تىلغا ئېلىپ كۆپ قېتىم ئەنسىرىگەنلىكىنى بىلدۈرگەن.