خەلقئارا تورىدىكى ئۇچۇر: شۇ يەر ۋاقتى 23-مارت، تايلاند زۇڭلىسى يىنلا زۇڭلى مەھكىمىسىدە زىيارەتكە كەلگەن كانادانىڭ زۇڭلىسى Harper بىلەن كۆرۈشكەن. سۆھبەت ئاياغلاشقاندىن كېيىن بىرلەشمە مۇخبىرلارنى كۈتۈۋېلىش يىغىنىدا، يىنلا ئۆزىنىڭ Harper بىلەن ئىككى دۆلەتنىڭ ئەركىن سودا كېلىشىمى ئۈستىدە مۇھاكىمە خاراكتېرلىك سۆھبەت ئېلىپ بارغانلىقىنى كۆرسەتكەن ھەمدە Harper غا تايلاندنىڭ كانادا كارخانىلىرىنىڭ ئېلېكترون، ماشىنىسازلىق، ئۇچۇر تېخنىكىسى، پاكىز ئېنېرگىيە قاتارلىق ساھەلەردە تايلاندقا مەبلەغ سېلىشىنى قىزغىن قارشى ئالىدىغانلىقىنى بىلدۈرگەن. Harper مۇ كانادانىڭ تېخىمۇ كۆپ دۆلەتلەر بىلەن ئەركىن سودا كېلىشىمى تۈزۈشنى ئۈمىد قىلىدىغانلىقىنى بىلدۈرگەن.
تايلاندتىكى زىيارەتنى ئاخىرلاشتۇرغاندىن كېيىن، Harper ياپونىيىگە بېرىپ ياپونىيە باش ۋەزىرى نوداشى بىلەن كۆرۈشىدىكەن ھەمدە ياپونىيە بىلەن ئەركىن سودا سۆھبىتى ئېلىپ بېرىش ئېھتىماللىقى بار ئىكەن.
