تېڭشۈن تورىنىڭ 3-ئاينىڭ 16-كۈنىدىكى خەۋىرى، چەتئەل تارقاتقۇچىلىرىنىڭ دوكلاتىغا ئاساسلانغاندا، ئامېرىكا گېزىتچىلىك جەمئىيىتى (NAA) بۈگۈن ئېلان قىلغان تەتقىقات سانلىق مەلۇماتىدا كۆرسىتىلىشىچە، ئۆتكەن يىلىدىكى ئامېرىكىنىڭ گېزىتلىك ئېلاندىن قىلغان ئومۇمىي كىرىمى 2010-يىلىدىكىگە سېلىشتۇرغاندا %7.3 تۆۋەنلىگەن، باسما ئېلان كىرىمى بولسا %9.2 تۆۋەنلىگەن، لېكىن ئازراق ھالسىراپ قالغان تۆتىنچى پەسىلدىن كېيىن، پۈتۈن يىللىق رەقەملىك ئېلان كىرىمى %6.8 ئاشقان.

ئامېرىكىنىڭ ئۆتكەن يىلىدىكى گېزىتلىك ئېلاندىن قىلغان ئومۇمىي كىرىمى 23 مىليارد 900 مىليون ئامېرىكا دوللىرى بولغان بولۇپ، 2010-يىلىدىكىگە سېلىشتۇرغاندا 1 مىليارد 900 مىليون ئامېرىكا دوللىرى ئازايغان. ئۇنىڭ ئىچىدە، ئۆتكەن يىلىدىكى باسما ئېلان كىرىمى 20 مىليارد 600 مىليون ئامېرىكا دوللىرى بولغان بولۇپ، %9.2 تۆۋەنلىگەن؛ خەۋەرلەر تورىدىكى ئېلان كىرىمى 3 مىليارد 300 مىليون ئامېرىكا دوللىرى بولغان بولۇپ، %6.8 ئاشقان. ئەگەر تارقىتىلغان تەخمىنەن 10 مىليارد ئامېرىكا دوللىرى كىرىمنى قوشقاندا، ئۆتكەن يىلىدىكى ئامېرىكىنىڭ گېزىتچىلىكتىن قىلغان ئومۇمىي كىرىمى 34 مىليارد ئامېرىكا دوللىرى بولغان بولۇپ، بۇ Google نىڭ ئۆتكەن يىلىدىكى كىرىمىدىن تۆۋەن بولغان، Googleنىڭ ئۆتكەن يىلدىكى ئومۇمىي كىرىمى بولسا 37 مىليارد 900 مىليون ئامېرىكا دوللىرى.