تېڭشۈن تورىنىڭ 3-ئاينىڭ 3-كۈنىدىكى ئەتىگەنلىك خەۋىرى، Delta ئاۋىئاتسىيىسى جۈمە كۈنى ئېلان قىلغان دوكلاتىدا، بۇ يىلى 2-ئايدا مەزكۇر شىركەتنىڭ يولۇچىلار مىقدارى ئالدىنقى يىلى ئوخشاش مەزگىلدىكىدىن %2.6 ئاشقان بولۇپ، ئۇدا 6 ئايلىق تۆۋەنلەش يۈزلىنىشىنى ئۆزگەرتىپ، مەزكۇر شىركەتنىڭ دۆلەت ئىچى ۋە سىرتىدىكى ئاۋىئاتسىيە لىنىيىسىدىكى يولۇچىلار مىقدارى ئەھۋالىنىڭ ياخشىلىنىپ بارغانلىقىنى ئەكس ئەتتۈرۈپ بەردى، دېيىلگەن.

دوكلاتتا يەنە، 2-ئايدا Delta ئاۋىئاتسىيە شىركىتىنىڭ يولۇچىلار سىغىم مىقدارىنىڭ ئالدىنقى يىلى ئوخشاش مەزگىلدىكىدىن %1.7 تۆۋەنلىگەنلىكى، مەزكۇر شىركەتنىڭ يېقىنقى بىر نەچچە ئاي ئىچىدە يولۇچىلار سىغىم مىقدارىنى كەڭ دائىرىدە ئازايتىش ئارقىلىق يېقىلغۇ تەننەرخىنىڭ ئۆسۈشىنى ئازايتقانلىقىنى كۆرسەتكەن.

2-ئايدا Delta ئاۋىئاتسىيىسىدىكى يولۇچىلار ئورنىنىڭ پايدىلىنىش نىسبىتى ئالدىنقى يىلى ئوخشاش مەزگىلدىكى %73.7 تىن %76.9گە ئاشقان؛ ئۈنۈملۈك ئورۇنلۇق مۇساپە يولۇچىلىرىنى توشۇش كىرىمى ئالدىنقى يىلى ئوخشاش مەزگىلدىكىدىن %13 ئاشقان. Delta ئاۋىئاتسىيە شىركىتى، يولۇچىلار مىقدارى ئەھۋالىنىڭ ياخشىلىنىشى ئاساسلىقى ئاتلانتىك ئوكيان ۋە تىنچ ئوكيان ئاۋىئاتسىيە لىنىيىسىدىكى يولۇچىلار ئورنى نىسبىتىنىڭ يۇقىرى كۆتۈرۈلۈشىدىن بولغان، دەپ كۆرسەتكەن.

Delta ئاۋىئاتسىيە شىركىتىنىڭ 1-ئايلىق دوكلاتىدىكى تۆتىنچى پەسىللىك پايدىسى يۇقىرى ئۆرلىگەن، بۇ ئاساسلىقى كۈچلۈك بولغان تىجارەت كىرىمى ئىپادىسىنىڭ مەزكۇر شىركەتنىڭ يېقىلغۇ تەننەرخىنى يوق قىلىشىغا ياردىمى بولغانلىقى سەۋەبىدىن بولغان.