خەلقئارا لىنىيە خەۋىرى: ۋېنجۇلۇق سودىگەر پاي چېكىنى كونترول قىلغان «جۇڭخۇا يۇلتۇزى» ناملىق پوچتا پاراخوتى 8- مارت سىناق تەرىقىسىدە سۇغا سېلىنماقچى بولدى.
بۇ پوچتا پاراخوتىنى ئۆتكەن يىلى ۋېنجۇ ئەلئارا كاپىتال مەبلەغ سېلىش مۇلازىمەت مەركىزى فوند تەشكىللەپ، جۇڭگو پوچتا پاراخوتى شىركىتى قۇرۇپ سېتىۋالغان بولۇپ، باھاسى 65 مىليون ئامېرىكا دوللىرى كېلىدۇ، بۇنى ئەينى چاغدىكى پېرېۋوت نىسبىتى بويىچە خەلق پۇلىغا سۇندۇرغاندا 416 مىليون يۈەن ئەتراپىدا بولىدۇ.
خۇاڭ ۋېيجيەن بۇ قېتىمقى سېتىۋېلىش ھەرىكىتىنىڭ باشلامچىسى بولۇپ، ئۇ كۆپ خىل سالاھىيەتكە ئىگە. ھازىر ئۇ مەملىكەتلىك ياشلار بىرلەشمىسىنىڭ ئەزاسى، جېجياڭ ئۆلكىلىك پۇقراۋى مەبلەغ سېلىش كارخانىلىرى بىرلەشمىسىنىڭ باشلىقى، ۋېنجۇ ئەلئارا كاپىتال مەبلەغ سېلىش مۇلازىمەت مەركىزىنىڭ مەسئۇلى، ۋېنجۇ پۇل مۇئامىلە تەرەققىيات چەكلىك شىركىتىنىڭ باش مۇدىرى.
2011- يىلى، ۋېنجۇدا مەبلەغ زەنجىرى كرىزىسى يۈز بەرگەن چاغدا، ئۇ كەسىپ فوندى ئارقىلىق كەسىپ قۇرۇلمىسىدا ئۆزگىرىش ھاسىل قىلىش بويىچە پوچتا پاراخوتىنى سېتىۋالغان. ھازىر ۋېنجۇدا يەنىلا «قاتمۇ- قات كرىزىس مەۋجۇت»، - دېدى ۋېنجۇ ئەلئارا كاپىتال مەبلەغ سېلىش مۇلازىمەت مەركىزىنىڭ مەسئۇلى خۇاڭ ۋېيجيەن، - «جۇڭخۇا يۇلتۇزى» ناملىق پوچتا پاراخوتى يەنە بازارغا سېلىنىپ مەبلەغ يۈرۈشتۈرۈش ئارقىلىق يەنە تۆتتىن بەشكىچە پوچتا پاراخوتى سېتىۋېلىنىدۇ، شۇ ئارقىلىق پوچتا پاراخوتى بازىرى زورايتىلىدۇ.
