جۇڭگو ئۇيغۇرچە رادىيو تورى 14-نويابىر بېيجىڭ خەۋىرى:

    شىنجاڭ ئۇيغۇر ئاپتونوم رايونىدىكى شىنجاڭدىن چىقىدىغان ئىككىنچى تۆمۈر يول بولغان كورلىدىن چىڭخەينىڭ گولموتقا بارىدىغان تۆمۈر يولىدا كېلەر يىلى قۇرۇلۇش باشلىنىدۇ. مۆلچەرلىنىشىچە 36 مىليارد 500 مىليون يۈەن مەبلەغ سېلىنىدىكەن، ئومۇمىي ئۇزۇنلۇقى 1200 كىلومېتىر كېلىدىكەن، قۇرۇلۇش بەش يىلدا تاماملىنىدىكەن. ھازىر شىنجاڭدا پەقەت لەنجۇ شىنجاڭ تۆمۈر يولىلا ئىچكىرى بىلەن شىنجاڭنى تۇتاشتۇرۇپ تۇرىدىغان غول لىنىيە بولۇپ، كورلىدىن گولموتقىچە بولغان تۆمۈر يول قۇرۇلۇشى تاماملانغاندىن كېيىن شىنجاڭلىقلارغا شىنجاڭدىن چىقىش چوڭ يولى ئېچىلىدۇ.