شىنجاڭ سەنئەت يۇرتى مىللىي ئوركېستىرى پارتىيە ياچېيكىسىنىڭ شۇجىسى، ئوركىستېرنىڭ مۇئاۋىن باشلىقى، 1-دەرىجىلىك كومپوزىتور: شۆھرەت كېرەم

    سەنئەتنىڭ ھاياتى يېڭىلىق يارىتىشتا، يېڭىلىق يارىتىشنىڭ ئاچقۇچى ئىدىيەدە ئازاد بولۇش، قاراشنى ئۆزگەرتىشتە. يېڭىلىق يارىتىشنى تونۇپ يەتكەنلىك سەنئەتنىڭ ماھىيىتىنى بىلگەنلىك، شۇنداقلا بۇ يەنە دەۋر تەرەققىياتىنىڭ زۆرۈر تەلىپى. بىز يېڭىلىق يارىتىش جەريانىدا ئەنئەنىۋىلىككە ھۆرمەت قىلىش ۋە تىرىشىپ يېڭىلىق يارىتىشتىن ئىبارەت پىرىنسىپنى ئىگىلىشىمىز كېرەك. مەدەنىيەتكە ۋارىسلىق قىلىش ئاساسىدا كەڭ قورساق بولۇش، تىرىشىپ ئۆگىنىش، يېڭىلىق يارىتىش روھىنىڭ ئۆزى ئاساسى پۇختا بولغان مەدەنىيەتنىڭ سىمۋولىدۇر.