شىنجاڭ مەدەنىيەت يادىكارلىقلىرى ئارخېئولوگىيەلىك تەتقىقات ئورنىنىڭ مۇئاۋىن باشلىقى، مەدەنىيەت يادىكارلىقلىرى تەتقىقاتچىسى: ئەنۋەر قاسىم

    تارىخقا نەزەر سالغىنىمىزدا، ئىنسانىيەت جەمئىيىتىنىڭ تەرەققىياتى بىلەن ھەر مىللەتنىڭ مەنىۋى مەدەنىيەت تەرەققىياتى تۈرلۈك مۇنەۋۋەر مەدەنىيەتنىڭ ئۆزئارا تەسىر قىلىشىغا تايىنىپ كەلگەنلىكىنى بىلەلەيمىز. تۈرلۈك مەدەنىيەت ئۆزئارا ئالماشتۇرۇش جەريانىدا چوقۇم ئارتۇقچىلىقنى قوبۇل قىلىپ، كەمچىلىكنى تۈگىتىشى كېرەك، بۇ جەمئىيەت مەدەنىيلىكى تەرەققىياتىنىڭ زۆرۈر ھادىسىسى.

    مەدەنىيەت مىللەتنىڭ بەلگىسى، مەدەنىيەتنىڭ ھايات – ماماتلىقى مىللەت ھايات – ماماتلىقىنىڭ مۇھىم ئالدىنقى شەرتى. ئەگەر تار مىللىي ھېسسىيات بىلەن ئەنئەنىۋىگىلا ئېسىلىۋېلىپ، ئەنئەنە ئارقىلىق ئۆزىمىزنى بېكىنمە قىلىپ قويساق، كونا، ۋاقتى ئۆتكەن ئەنئەنىۋى مەدەنىيەت ئەندىزىسىدە مۇتەئەسسىپلىك بىلەن چىڭ تۇرۇۋالساق، بۇ تەبىئىيلا مىللەتنىڭ تەرەققىياتىغا پايدىسىز بولىدۇ.