شىنخۇا ئاگېنتلىقى، دەمەشق، 22 – ئىيۇل تېلېگراممىسى. سۇرىيەدىكى ئۆكتىچىلەر – ‹‹سۇرىيە پىدائىيلار قوشۇنى›› بۈگۈن: سۇرىيەنىڭ شىمالىي قىسمىدىكى ھەلەب ئۆلكىسىنىڭ كانسا بازىرىنى پۈتۈنلەي ئىگىلىدۇق، دەپ جاكارلىغان بولسىمۇ، ھۆكۈمەت ئارمىيەسى بۇ خەۋەرنى ئىنكار قىلدى.

    باش ئىشتابى ئەرەب بىرلەشمە خەلىپىلىكىنىڭ دۈبەي شەھىرىدە تەسىس قىلىنغان ئەرەبىيە تېلېۋىزىيە ئىستانسىسى شۇ كۈنى قوراللىق ئۆكتىچىلەر ئوفىتسېرىنىڭ خەۋىرىدىن نەقىل كەلتۈرۈپ مۇنداق دېدى: ‹‹سۇرىيە پىدائىيلار قوشۇنى›› ھۆكۈمەت ئارمىيەسى بىلەن بىرقانچە كۈن كەسكىن جەڭ قىلغاندىن كېيىن، 22 – ئىيۇل ھەلەب ئۆلكىسىنىڭ غەربىي جەنۇبىدىكى كانسا بازىرىنى پۈتۈنلەي ئىگىلىدى.

    بۇ ئوفىتسېر يەنە مۇنداق دېگەن: ‹‹سۇرىيە پىدائىيلار قوشۇنى›› يېقىندا ھۆكۈمەت ئارمىيەسى بىلەن كەسكىن جەڭ قىلىپ، ھۆكۈمەت ئارمىيەسىنىڭ 60 ئوفىتسېر – ئەسكىرىنى ئېتىپ ئۆلتۈردى ھەم نۇرغۇن قورال – ئوق دورا غەنىيمەت ئالدى.

    