خەلق تورى ئۇيغۇرچە قانىلىنىڭ 4-ئىيۇل بېيجىڭدىن بەرگەن تېلېگراممىسى: ئامېرىكا خەنزۇچە تورىنىڭ 3-ئىيۇلدىكى خەۋىرىگە ئاساسلانغاندا، روسسىيىلىك سابىق ئايال جاسۇس ئاننا چاپمان 3-ئىيۇل ئامېرىكا دۆلەت خەۋپسىزلىك ئىدارىسىنىڭ مەخپىيەتلىكىنى ئاشكارىلىغۇچى سنوۋدىنغا بىر پارچە «توي تەكلىپى» مىكرو بلوگى ئەۋەتتى. ئۇنىڭدا:«سنوۋدېن، مېنى ئېلىشنى خالامسىز؟» دېيىلگەن.

    نيۇيورك كۈندىلىك گېزىتىنىڭ خەۋىرىگە ئاساسلانغاندا، سنوۋدېن 23-ئىيۇندىن بۇيان موسكۋا ئايرودرومىنىڭ چىگرادىن ئۆتۈش رايونىدا قامىلىپ قالغان، پاسپورتىنى ئامېرىكا بىكار قىلغان. ئۇ 21دۆلەتكە سىياسىي پاناھلىق ئىلتىماسى سۇنغان بولۇپ، 10نەچچە دۆلەتنىڭ رەت قىلىشىغا ئۇچرىغان.

    بۇ يىل 31ياشلىق چاپمان 2010-يىلى نيۇيوركتا مۈلۈك ۋاكالەتچىلىكى قىلىۋاتقان مەزگىلدە روسسىيە جاسۇسى بولغانلىقتىن چىگرادىن قوغلاپ چىقىرىلغان.

    ئۇ روسسىيەگە قايتۇرۇپ كېلىنىش ئالدىدا ئۆزىنىڭ چەتئەل جاسۇسى ئىكەنلىكىنى ئېتىراپ قىلغان. ئۇ يەنە باشقا 9 كىشى بىلەن بىرلىكتە ئامېرىكا روسسىيە ئىككى دۆلەتنىڭ ئالماشتۇرۇشى بىلەن روسسىيەگە قايتىپ كەلگەن.