كونا فىلىمنىڭ ھەممىسىلا يىڭىسىدىن ناچار بولىشى ناتايىن. شۇنىڭدەك قورقۇنچلۇق فىلىمنىڭمۇ ھەممىسىنىڭ ناھايىتى قورقۇنۇچلۇق بولىشىمۇ ناتايىن. بەزىدە ئۇنىڭدا ئادىمىلىك ۋە ئىنسانى خىسلەتلەرمۇ بايان قىلىنىدۇ. ئەلۋەتتە تېخىمۇ يۇقىرى پەللىگە كۆتۈرۈش ئۈچۈن دائىم ھەرخىل كومېدىيىلىك  ۋە ياكى ۋەھىمىلىك ۋەقەلىكلەرنىڭ ياردىمىگە تايىنىدۇ. شۇڭا مەن تۆۋەندە سىلەرگە تونۇشتۇرماقچى بولغان قورقۇنۇچلۇق فىلىمنى بەك قورقۇنۇشلۇقمىكى دەپ ئەنسىرمەي خاتىرجەم كۆرىۋېرىڭلار.

فىلىم ئىسمى ۋەھىمىلىك 1408-ئۆي (ئۆزۈم قويغان ئىسىم بۇ) . داڭلىق يازغۇچى Stephen King نىڭ شۇ ناملىق ھېكايىسىغا ئاساسەن ئىشلەنگەن. گەرچە بۇ فىلىم مەن كۆرگەن ئەڭ ئېسىل قورقۇنۇچلۇق فىلىم بولمىسىمۇ، ئەمما فىلىم ئۆز ئىچىگە ئالغان ئاجايىپ ۋەقەلىك بىلەن ئۆزگىچە ئۇسلۇب مېنى جەلىپ قىلماي قالمىغان. شۇڭا بەش يىلنىڭ ئالدىدىكى بۇ كونا فىلىمنى تورخۇمارلارغا بىرقۇر تونۇشتۇرۇپ ئۆتكۈم كەلدى.

1408 – تەشۋىق فىلىمى

فىلىم ھەققىدە :

فىلىمدە : قورقۇنۇچلۇق ئەسەرلەر يازغۇچىسى مېك دائىم ھەرخىل ئۈسكۈنىلەرنى ئېلىپ رىۋايەتلەردىكى ئەرۋاھلار ھەققىدە تەكشۈرۈش ئېلىپ بارغاچ ئۆز ئەسەرلىرىگە ماتېرىيال توپلايدىغان ئاددى بىر يازغۇچى. لېكىن ئۇ ئەزەلدىن ئەرۋاھنىڭ مەۋجۇدلىقىغا ئىشەنمەيدىغان بولۇپ ئۆز كۆزى كۆرمىگەن، قۇلىقى ئاڭلىمىغان ھەرقانداق بىر ئەپسانىگە نىسپەتەت سەمىمى پوزىتسىيە تۇتمايدۇ. شۇنداق كۈنلەرنىڭ بىرىدە ئۇ دۇنياغا داڭلىق دېلفىن مېھمانسايىرى ھەققىدىكى بىر قىزىققارلىق ئۇچۇرغا ئىگە بولىدۇ. ئېيتىلىشچە مەزكۇر مېھمانساراينىڭ 1408- نۇمۇرلۇق ئۆيىدە ئىلگىرى كېيىن بولۇپ نۇرغۇن كىشى ئۆزىنى ھەر خىل ھالەتتە ئۆلتۈرىۋالغان بولۇپ، ئۆلۈش سەۋەبى كىشىنى شۈركەندۈرىدۇ. شۇنىڭ ئۈچۈن مېنھانساراي بۇ ئۆينى سىرتقا قارىتا ئىچىشنى توختىتىدۇ. لېكىن مېك بۇ ئۆيدە خۇددى باشقىلار پەرەز قىلىشقاندەك غەيرى ئەھۋالنىڭ بولىشىغا ئىشەنمەيدۇ ۋە مېھمانساراي دىرېكتورىنىڭ شۇنچە قارىشى تۇرىشىغا قارىماي بۇ ئۆيدە بىر كېچە يىتىپ سىناپ بېقىشتا چىڭ تۇرىدۇ. دېرىكتورمۇ ئۇنىڭ جاھېللىقىغا ئامال قىلالماي ئاخىرى بۇ ئۆينى ئۇنىڭغا ئامەت تىلىگەچ ئىچىپ بېرىدۇ. ئۇنداقتا بۇ ئۆيدە راسلا شۇنداق كارامەت بارمۇ؟ مېكمۇ مۇشۇ ئۆيدە ئۆزىنى ئۆلتۈرۋالامدۇ ياكى باشقىلارغا بۇنىڭ پۈتۈنلەي بىر سەپسەتىلىكىنى ئىسپاتلاپ بېرەمدۇ؟ نەتىجىسىنى يەنىلا فىلىمدىن ئىزدەڭ.

[ فىلىم ئۇچۇرى ]

فىلىم نامى : ۋەھىمىلىك 1408-ئۆي (幻影凶间 1408 )
قويۇلغان ۋاقتى : 2007-يىلى 6- ئاينىڭ 22- كۈنى (ئامېرىكا)
فىلىم خارەكتىرى : قورقۇنۇچلۇق فىلىم
رىجىسسور : Mikael Håfström
فىلىم ئۇزۇنلۇقى : 140 مىنۇت /  112 مىنۇت
باشقا ناملىرى : 1408 ، 幻影凶间 1408
ۋەقەلىكى : بىر يازغۇچىنىڭ ماتېرىيال توپلاش جەريانىدىكى يولۇققان بىر قېتىملىق ئاجايىپ سەزگۇرەشتىسى.
كەمىنىنىڭ باھاسى : مەن كۆرگەن ئەڭ ياخشى قورقۇنۇچلۇق فىلىملەرنىڭ بىرى.

سۈزۈك نۇسخىسىنى چۈشۈرۈش  :

HR-HDTV نۇسخىسىنى چۈشۈرۈڭ  |  مەنبە :  تورخۇمار