سەرخىل تەرمىلەر بلوگى

 تۇرمۇش ھەزىللىرى


                                                            مۇھەممەد  رۇزى

          1
يېتىپ قاپتۇ خىلۋەت كوچىدا ،
گاھى ئىڭراپ، گاھى گاھى بۇلۇپ شۈك.
قۇچىقىدا قۇرۇق بوتۇلكا ،
كىيىملىرى پاسكىنا قۇسۇق ،
قىزغىنىشىپ يالىشار ئۇنى
ئېچىرقىغان ئۈچ لالما كۈچۈك

              2
<<شائىرىڭ>>غا ئىسنات يەتكۈزدۈڭ،
بولمىغاچغا ھېچبىر قىممىتىڭ .
توقماق بۇلۇپ تەگدى بېشىڭغا
<<شېئىر>> دىگەن <<سۈيۈملۈك>>ئېتىڭ.

بېسىۋالدى  تەنقىت ئۈستۈڭدىن ،
ئالرايىڭدىن يەكلەندىڭ شۇ ئان .
توۋا قىلىپ <<شېئىر>> بولغانغا ،
<<پەرياد>>دىدىڭ كۈتۈرۈپ چۇقان .

ئاخشام كىلىپ تېخى دۇنياغا ،
كۆزلىرىڭنى يۇمدۇڭ سەھەردە .
سېنى كۈچۈپ يازغان <<شائىر>>نىڭ،
<<شائىرلىقى>>كۆمۈلدى <<يەر>>گە.

            3   
ياخشىلارغا قىلىسەن ھەسەت،
تۆھپىسىدىن كۆزۈڭ قىزىرىپ .
سەنمۇ ئادەم بىلگىنكى كەتسۇن
كۈزۈڭ ئەمەس،يۈزۈڭ ئەمەس قىزىرىپ .

              4         
ماڭا ئىگىل دىسەڭ ئەگەردە ،
ئىگىلمەيمەن بولساڭمۇ كاتتا .
ئەلگە ئىگىل دىسەق ئەگەردە ،
ئىگىلىمەن ئۆلگىچە ھەتتا .

              5
ئالتە يىتىم ئانىسىزلىق دەردىنى
تولا تارتىپ مۈكچەيگەندە بىلىمىز .
پاناھ بۇلۇپ زەپ بىر مىھرىبان ئانا،
<<سۇغا >>قاندى <<قاغجىرىغان>> دىلىمىز .

شۇندىن بۇيان بولدى ئۆيلەردە نۇرستان،
تۇيۇندۇق زەپ تېتىملىق ئاش تائامغا.
بىز سۆيۈنگەچ ئۇنىڭ قىزغىن مىھرىدىن ،
كۈيۈپ قاپتۇ دادام يېڭى<<ئانام>>غا.

مەنبە: شىنجاڭ گېزىتى 20774- سان