سائادەت

ئوغلۇم(1)

يىڭى ئۇمۇت بىلەن تۇغۇلدۇڭ،
مىھرىمنى گويا دەريا قىپ ئوغلۇم.
تەلمۇرۇپ كۆزۇمگە گۇڭراشلىرىڭ،
(ئانا)بولغاننى ئەسكەرتىپ ئوغلۇم.

(ئوغلۇم)دىگەن ئوتلۇق سۆزۇمدىن،
مىھرىم ئۆكيانىغا چۆككەيسەن ئوغلۇم.
ھەقىقى مىننەتسىز ئەللەيلىرىمدىن،
ئانىلىق باغرىمغا قانغايسەن ئوغلۇم!

چەكسىز مىھىر-مۇھەببەت بىلەن،
داداڭ ئىككىمىز ساڭا قۇل ئوغلۇم.
ئارزۇيىمىز ۋەتەنچۇن قۇل قىلىش سىنى،
مەڭگۇگە سەگەك بول،دانا بول ئوغلۇم.

ئوغلۇم(2)

بۇگۇن مەكتەپ قوينىغا ماڭدىڭ،
كۆزلىرىمدە پەخىرلىك ياشلار.
ئاشۇ مەكتەپ،يىڭى بىلىملەر،
سىنى ئادەملىك يولىغا باشلار.

جېنىم ئوغلۇم ئۇمۇدۇم سەندە،
ئۇستازىڭنىڭ پەخرى بۇلۇپ قال.
بىزلا ئەمەس،پۇتكۇل دۇنيانىڭ،
ئۇمۇدى ئۇچۇن،مۇستەھكەم ھۇل سال!

پەخىرلەنسۇن سەندىن بارچە كائىنات،
چۇنكى سەن ئەمەس مىنىڭلا ئوغلۇم.
بىر ئوغۇل تۇغۇلسا دۇنيا تىترەيمىش،
پۇشايمان قىلمىسۇن يەر-زىمىن ئوغلۇم.

(سائادەت يازمىلىرى)