سائادەت

版权声明：转载时请以超链接形式标明文章原始出处和作者信息及本声明
logs/74574259.html

مەن شىئېر يىزىۋاتىمەن
شىئېر مىنى يىزىۋاتىدۇ.
تۇيغۇنى قوغلىغان قەلەم
قەلەمنى ئورىغان تۇيغۇ
تۆت كوچا دوقمۇشىدا ئېزىۋاتىدۇ.
ئۈركىگەن كىيىكتەك چاچرىغان چىكىت
كۆك رەڭنى ئەگەشتۈرۈپ قېچىۋاتىدۇ
مىڭەمدە تەۋەللۇت بولغان بوۋاق كۈي
نەپەس يولۇمغا تۈرىۋاتىدۇ
ئاشقازاندىن باتنىغىنىچە
بىلەكلەرگە كۈچىۋاتىدۇ
جەينىمكىمدە توسۇلۇپ بىردەم
بېغىشىمدا يىغلاۋاتىدۇ
بەشيۈز گىرادۇسلۇق كۆزئەينەك
ياش ئاققۇزۇپ كۈلىۋاتىدۇ
يۈرەكنىڭ قانلىرى توسۇلغاچ ئۇزاق
رەھىمسىز قاتىلغا ئايلانغاچ بارماق
ھەرىپلەردىن تىزىلغان تارماق
كونتىرول تاختىدا ئۆلىۋاتىدۇ.