سائادەت
ئادەم بولساڭ بولغىن شەمشەر قېلىچتەك،بولما ھەرگىز ئىچى كاۋاك قۇمۇشتەك!
شۈمشەيگەن يىلانغا ئەيلىمە شەپقەت،
قايغۇغا ھامىلدار بىر دەملىك غەپلەت.
-
بىزنىڭ ئادەمگە - [شئېرلار]
2010-10-27
版权声明：转载时请以超链接形式标明文章原始出处和作者信息及本声明
logs/81027789.html
بىزنىڭ ئادەمگە
(ئاپاشلار تىلىدىن)
ئاڭلاپ تۇرغىن سېنىڭدىن ھەرگىزمۇ ۋاز كەچمەيمەن،
قۇرىساڭمۇ قاقشالدەك سېنى تاشلاپ كەتمەيمەن.
مەيلى بولغىن دىۋانە،ئىشى ئاقماس پالاكەت...
قوغلاپ بايلىق-پاراغەت ئۆزگە ئەرگە تەگمەيمەن.
سۈپۈرگە قىپ چېچىمنى،تۇتۇپ كەلدىم ئۆيۈڭنى،
تارتساممۇ كۆپ دەردىڭنى چىقارمىدىم ئۈنۈمنى.
كۈندە كۈلۈپ ئالدىڭغا چايلار قويدۇم ھۆرمەتتە،
بەزى تىللاپ-ئۇرساڭمۇ تۇتقۇزمىدىم خۇيۇمنى.
گۈل-غۇنچىدەك پەيتلىرىم ئۆتۈپ كەتتى قولۇڭدا،
زىلۋالىقتىن ئەسەر يوق ھەم مۈكچەيگەن بويۇمدا.
ئەبجەق كۆتەك ھارۋىدا يۆتكىگەنتىڭ تويۇمنى،
مانا ئالى ماشىنا بۈگۈن سېنىڭ يولۇڭدا.
(تېخى بەزى جىنلارمۇ يۈرەر سېنىڭ كۆيۇڭدا.)
ئېيتىپ قويغىن ئۇلارغا خام خىياللار قىلمىسۇن،
ئۇچۇر يوللاپ توختىما ي يۈرىكىمنى تىلمىسۇن.
ئۇۋىسىنى قوغدايدۇ قۇشمۇ ئاشۇ جېنىدا،
ئۆزلىرىچە يۇۋاش دەپ مىنى بۆزەك بىلمىسۇن.
ھۇش-كاللاڭنى سىلكىۋەت،30يىللىق ئۆيۈڭ بار،
مەندىن ئۆزگە كۆتۈرمەس خېلى تەلۋە خۇيۇڭ بار.
قۇچقاچلاردىن قول ئۈزۈپ ئەمدى تۆۋە قىلمىساڭ،
تۆت كۈنلۈك بۇ ئالەمدە كۆرىدىغان كۈنۈڭ بار.
收藏到：Del.icio.us
