ﻧﯧﻤﯩﺸﻘﺎ ﺋﯩﻜﯩﻦ ﺑﯩﻠﻤﻪﻳﻤﻪﻥ،ﮬﻪﺭ ﻛﯜﻧﻰ ﺋﯘﻳﻘﯘﻏﺎ ﻛﯚﺯ ﻳﯘﻣﻐﺎﻥ ﯞﺍﻗﺘﯩﻤﺪﺍ ﺋﻪﺗﻪ ﭼﻮﻗﯘﻡ ﺗﻮﺭﺑﻪﺗﻜﻪ ﺋﯧﺴﯩﻞ ﻣﻪﺯﻣﯘﻧﺪﯨﻦ ﺑﯩﺮﻧﻰ ﻳﻮﻟﻠﯩﺴﺎﻡ ﺑﻮﻻﺗﺘﻰ ﺩﻩﭖ ﺧﯩﻴﺎﻝ ﻗﯩﻠﯩﻤﻪﻥ، ﻳﻮﻟﻼﻳﺪﯨﻐﺎﻥ ﻧﻪﺭﺳﯩﻠﻪﺭﻧﯩﯔ ﺋﻪﮬﻤﯩﻴﯩﺘﯩﻨﻰ، ﻗﻮﺭﺳﺎﻗﺘﯩﻜﻰ ﺋﯘﻣﺎﭼﻨﯩﯔ ﺋﻪﮬﯟﺍﻟﻰ ﺩﯦﮕﻪﻧﺪﻩﻛﻠﻪﺭﻧﻰ ﺋﻮﻳﻼﭖ ﺋﻮﺧﻼﭖ ﻗﺎﻟﯩﻤﻪﻥ، ﻧﻪﭼﭽﻪ ﻛﯜﻧﻠﻪﺭ ﺑﻮﻟﺪﯨﻜﻰ ﺗﺎﯓ ﺑﯘﻧﺪﺍﻕ ﺧﯩﻴﺎﻟﻼﺭﻧﻰ ﻗﯩﻠﻐﯩﻨﻰ.
ﻧﯘﺭﻏﯘﻥ ﻗﯧﺘﯩﻢ ﯞﺍﻱ ﻧﯧﻤﻪ ﻛﺎﺭﯨﻢ ﺧﻪﻕ ﺑﯩﻠﻪﻥ، ﺋﯚﺯﯛﻣﻨﻰ ﺋﻮﻳﻼﻳﭽﯘ ﮬﺎﺯﯨﺮﻗﻰ ﺯﺍﻣﺎﻧﺪﺍ ﻛﯩﻢ ﺑﯩﻠﻪﻥ ﻛﯩﻤﻨﯩﯔ ﻛﺎﺭﻯ، ﺑﯘ ﻣﯩﻨﯩﯔ ﺋﯚﮔﯩﻨﯩﺶ ﺩﻩﯞﺭﯨﻢ ﮬﻪﺭﮔﯩﺰ ﺋﯚﮔﯩﺘﯩﺶ ﺩﻩﯞﺭﯨﻢ ﺋﻪﻣﻪﺱ، ﺋﯘﻧﯩﯔ ﺋﯜﺳﺘﯩﮕﻪ ﻣﻪﻥ ﺋﯚﮔﻪﻧﮕﻪﻧﻠﻪﺭﻧﻰ ﺧﻪﻗﻠﻪﺭ ﺗﻮﺭﺩﯨﻦ ﺗﯧﭙﯩﭗ ﺋﯚﮔﯩﻨﻪﻟﻪﻳﺪﯨﻐﺎﻥ ﺗﯘﺭﺳﺎ ﺩﻩﭖ ﺋﻮﻳﻼﭖ ﻗﺎﻟﯩﻤﻪﻥ، ﻳﻪﻧﻪ ﺑﯩﺮﺩﻩﻣﺪﯨﻦ ﻛﯩﻴﯩﻦ ﺗﯘﺭﯗﭘﻼ ﻳﺎﻕ ﺑﯘﻧﺪﺍﻕ ﺑﻮﻟﺴﺎ ﺑﻮﻟﻤﺎﻳﺪﯗ، ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻣﺎﺗﯧﺮﯨﻴﺎﻝ ﻛﯚﺭﯛﺷﻜﻪ، ﺋﯩﺰﺩﯨﻨﯩﺸﻜﻪ ﯞﺍﻗﺘﻰ ﻳﻮﻕ، ﺋﯚﮔﻪﻧﮕﯜﺩﻩﻙ ﺷﺎﺭﺍﺋﯩﺘﻰ ﻳﻮﻕ، ﺋﯘﻻﺭ ﻣﻪﻥ ﺑﯩﻠﮕﻪﻥ ﻧﻪﺭﺳﯩﻠﻪﺭﻧﻰ ﺑﯩﻠﻤﻪﺳﻠﯩﻜﻰ ﻣﻮﻣﻜﯩﻦ، ﻟﯧﻜﯩﻦ ﻣﻪﻥ ﺑﯩﻠﮕﻪﻥ ﺋﺎﺷﯘ ﻛﯩﭽﯩﻜﻜﯩﻨﻪ ﺑﯩﻠﯩﻤﻠﻪﺭ ﺋﯘﻻﺭﻧﯩﯔ ﻛﺎﻟﻠﯩﺴﯩﺪﺍ ﯞﺍﻟﻠﯩﺪﻩ ﭼﺎﻗﻨﺎﭖ، ﺋﯘﻻﺭﻧﯩﯔ ﻗﯩﺰﯨﻘﯩﺸﯩﻨﻰ ﻗﻮﺯﻏﺎﭖ ﻗﺎﻟﺴﺎ ﺋﻪﺟﻪﺏ ﺋﻪﻣﻪﺱ ﺩﻩﭖ ﺋﻮﻳﻼﭖ ﻗﺎﻟﯩﻤﻪﻥ، ﻛﯩﻢ ﺑﯩﻠﯩﺪﯗ ﺋﻪﺗﻪ ﻧﯧﻤﻪ ﺋﯩﺶ ﺑﻮﻟﯩﺪﯗ، ﺑﯜﮔﯜﻥ ﺑﺎﺭﻻﺭ ﺋﻪﺗﻪ ﻳﻮﻕ ﺑﻮﻻﻣﺪﯗ…
ﻧﻪﺩﯨﻦ ﺋﻮﻗﯘﺩﯗﻣﻜﻰ ﺑﯩﺮ ﻳﺎﺯﻏﯘﭼﯩﻨﯩﯔ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ ”ﻳﺎﺯﻏﯘﭼﯩﻠﯩﺮﯨﻤﯩﺰﻧﯩﯔ ﺋﺎﺑﺪﯗﺷﯜﻛﯜﺭ ﻣﯘﮬﻪﻣﻤﻪﺭﺩﺋﯩﻤﯩﻦ ﺋﯘﺳﺘﺎﺯﺩﻩﻙ ﺗﺎﻛﺎﻣﻤﯘﻟﻼ ﻳﯩﺘﯩﺸﻨﻰ ﺳﺎﻗﻼﭖ ﺗﯘﺭﻣﺎﻱ ﺗﯧﺰﺭﻩﻙ ﺧﻪﻟﻖ ﺋﯜﭼﯜﻥ ﺑﯩﺮ ﻧﻪﺭﺳﻪ ﻳﯧﺰﯨﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ“ ﺩﯦﮕﻪﻧﺪﻩﻙ ﻣﻪﻧﻪ ﺑﯧﺮﯨﺪﯨﻐﺎﻥ ﺑﯩﺮ ﮔﯧﭙﯩﻨﻰ.
ﺋﻪﺗﺮﺍﭘﯩﻤﻐﺎ ﻗﺎﺭﯨﺴﺎﻡ ﺗﻮﻧﯘﺵ ﺑﯩﻠﯩﺸﻠﯩﺮﯨﻤﻨﯩﯔ ﻛﯚﭘﯩﻨﭽﯩﺴﻰ ﮔﻪﺭﭼﻪ ﻛﻪﺳﭙﯩﻲ ﺳﺎﮬﻪﺩﻩ ﺧﯧﻠﻰ ﺑﯩﺮ ﺑﯩﻠﯩﻤﻠﻪﺭﻧﻰ ﺋﯩﮕﯩﻠﯩﮕﻪﻥ ﺑﻮﻟﺴﯩﻤﯘ ﻟﯧﻜﯩﻦ ﺋﯚﻳﯜﻡ،ﺑﺎﻻﻡ…
ﺩﯦﮕﻪﻧﺪﻩﻙ ﺗﯘﺭﻣﯘﺵ ﺋﯩﺸﻠﯩﺮﯨﻨﻰ ﺩﻩﭖ ﻗﻮﺭﺳﺎﻗﺘﯩﻜﯩﻨﻰ ﻳﻮﻟﻼﺷﻘﺎ ﯞﺍﻗﯩﺖ ﭼﯩﻘﯩﺮﯨﭗ ﺑﻮﻻﻟﻤﺎﻳﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ﮬﻪﻱ ﻣﻪﻧﻤﯘ ﺋﺎﺷﯘ ﻏﻪﻣﮕﻪ ﭼﯚﻛﯜﭖ ﻛﯧﺘﻪﺭﻣﻪﻧﻤﯘ ﺩﻩﭖ ﻛﯩﺘﯩﻤﻪﻥ.ﺑﻪﻟﻜﯩﻢ ﺋﯘﻻﺭﻧﯩﯔ ﯞﺍﻗﺘﻰ ﺑﺎﺭﺩﯗ؟ ﺑﻪﻟﻜﯩﻢ ﺑﯩﺰﻧﯩﯔ ﺳﻮﺋﺎﻝ ﺳﻮﺭﯨﺸﯩﻤﯩﺰﻧﻰ ﻛﯜﺗﯜﭘﻤﯘ ﺗﯘﺭﻏﺎﻧﺪﯗ؟
ﻳﻪﻧﻪ ﺷﯘﻧﺪﺍﻕ ﺑﯩﻠﯩﻤﻠﯩﻚ ﻛﯩﺸﯩﻠﯩﺮﯨﻤﯩﺰﻧﯩﯔ ﮬﻪﺭﻗﺎﻧﭽﻪ ﺋﺎﻟﺪﯨﺮﺍﺵ ﺑﻮﻟﺴﯩﻤﯘ ﯞﺍﻗﯩﺖ ﭼﯩﻘﯩﺮﯨﭗ ﺑﯩﺰ ﺋﯜﭼﯜﻥ ﻳﻮﻟﻼﯞﺍﺗﻘﺎﻥ ﺋﯧﺴﯩﻞ ﺋﻪﺳﻪﺭﻟﯩﺮﯨﻨﻰ ﺋﻮﻗﯘﭖ ﺋﯘﻻﺭﻧﯩﯔ ﺋﺎﻟﺪﯨﺪﺍ ﻣﻪﻥ ﻗﺎﻧﭽﯩﻠﯩﻚ، ﺷﯘﻻﺭ ﺷﯘﻧﭽﻪ ﺋﺎﻟﺪﯨﺮﺍﺵ ﺑﻮﻟﺴﯩﻤﯘ ﻳﻪﻧﻪ ﯞﺍﻗﯩﺖ ﭼﯩﻘﯩﺮﯨﭗ ﺋﯚﺯﯨﻨﻰ ﺋﻮﻳﻠﯩﻤﺎﻱ ﺧﻪﻟﻘﯩﻨﻰ ﺋﻮﻳﻼﭖ ﻳﯧﺰﯨﯟﺍﺗﯩﺪﯗ، ﻗﻮﺭﺳﺎﻗﺘﯩﻜﯩﻨﻰ ﺋﯚﺯ ﺋﯧﻠﯩﮕﻪ ﺗﯚﻛﯜﯞﺍﺗﯩﺪﯨﻐﯘ، ﻣﻪﻧﻤﯘ ﯞﺍﻗﯩﺖ ﭼﯩﻘﯩﺮﯨﭗ ﺑﯩﻠﮕﻪﻧﻠﯩﺮﯨﻤﻨﻰ ﻳﻮﻟﻼﻱ، ﺋﻪﺗﻪ ﻣﻪﻥ ﺑﺎﺭﻣﯘ ﻳﻮﻕ؟ ﺩﻩﭖ ﺋﻮﻳﻼﭖ ﻛﯩﺘﯩﻤﻪﻥ.
ﻧﯘﺭﻏﯘﻥ ﺋﯘﺳﺘﺎﺯﻟﯩﺮﯨﻤﯩﺰ ﺑﺎﺭ ﺋﯩﺪﻯ ﺷﯘﻧﭽﻪ ﺑﯩﻠﯩﻤﻠﯩﻚ، ﺋﯘﻻﺭﻧﯩﯔ ﻗﯩﻠﻐﺎﻧﻠﯩﺮﯨﻨﻰ ﻳﺎﺯﻏﺎﻧﻠﯩﺮﯨﻨﻰ ﻛﯚﺭﯛﭖ ﻣﻪﻥ ﺗﯧﺨﻰ ﮬﯧﭽﻨﯧﻤﻪ ﺋﯚﮔﻪﻧﻤﻪﭘﺘﯩﻤﻪﻥ ﺩﻩﭖ ﻗﺎﻟﯩﻐﺎﻥ ﺋﯩﺪﯨﻢ، ﺋﯘﻻﺭ ﮬﺎﺯﯨﺮ ﻗﯧﻨﻰ؟ ﻧﯧﻤﯩﺸﻘﺎ ﺋﯘﻻﺭﻧﯩﯔ ﻳﺎﺯﻣﯩﻠﯩﺮﯨﻨﻰ ﺋﯘﭼﺮﯨﺘﺎﻟﻤﺎﻳﻤﻪﻥ؟ ﺑﻪﻟﻜﯩﻢ ﺗﯘﺭﻣﯘﺵ ﺋﯜﭼﯜﻧﺪﯗﺭ…
ﺋﻮﻳﻠﯩﻐﺎﻧﺴﯧﺮﻯ ﺷﻪﺧﺴﯩﻴﻪﺗﭽﯩﻠﯩﻜﻜﻪ ﺯﻭﺭﻻﯞﺍﺗﻘﺎﻥ ﺩﯗﻧﻴﺎ، ﺧﻪﻗﻠﻪﺭﺩﯨﻜﻰ ﺋﯚﮔﯩﻨﯩﺶ ﻗﯩﺰﻏﯩﻨﻠﯩﻘﻰ، ﻛﯧﭽﻪ ﻗﻮﺭﻗﯘﭖ ﻛﻪﻟﻤﻪﻳﯟﺍﺗﻘﺎﻥ ﺋﯘﻳﻘﯘ، ﺑﯩﺰﺩﯨﻜﻰ ﻛﻮﻣﭙﻴﯘﺗﯧﺮ ﺗﻪﺭﻩﻗﻘﯩﻴﺎﺗﻰ، ﻛﯚﺯﯛﻡ ﻛﯚﺭﯛﭖ ﺗﯘﺭﯗﯞﺍﺗﻘﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻗﺎﺗﺘﯩﻖ ﯞﻩ ﻳﯘﻣﺸﺎﻕ ﺩﯦﺘﺎﻟﻼﺭ، ﺧﻪﻗﻠﻪﺭﻧﯩﯔ ﺑﻪﻙ ﺋﻪﻗﯩﻠﻠﯩﻖ ﺑﻮﭖ ﻛﯧﺘﯩﺸﻰ، ﺗﯩﺮﯨﺸﭽﺎﻧﻠﯩﻘﻰ، ﺋﻪﺗﺮﺍﭘﯩﻤﺪﯨﻜﻰ ﺑﻪﺯﻯ ﺳﺎﯞﺍﻗﺪﺍﺷﻠﯩﺮﯨﻤﻨﯩﯔ“ﻛﻮﻧﺘﺮﻭﻝ ﺑﯩﻠﻪﻥ ﺱ ﻧﻰ ﺑﺎﺳﺴﺎ ﻛﯚﭼﯜﺭﻩﻣﺪﯗ؟ ”ﺩﻩﭖ ﺳﻮﺋﺎﻝ ﺳﻮﺭﺍﺷﻠﯩﺮﻯ، ﻗﺎﻳﺴﻰ ﺗﻮﺭﺑﻪﺗﻜﻪ ﻛﯚﭖ ﭼﯩﻘﯩﺴﻪﻥ ﺩﯦﺴﻪﻡ ”ﺭﯦﻦ ﺭﯦﻦ ”ﺩﯦﻴﯩﺸﻠﯩﺮﻯ، ﺑﯩﻠﯩﻜﻨﻰ ﺑﯩﻠﻪﻣﺴﻪﻥ،ﺋﯘﻳﻐﯘﺭ ﺋﺎﻛﺎﺩﯦﻤﯩﻴﻪ ﺗﻮﺭﯨﻨﻰ، ﻣﻪﺭﯨﭙﻪﺕ ﺗﻮﺭﯨﻨﻰ ﺑﯩﻠﻪﻣﺴﻪﻥ ﺩﯦﺴﻪﻡ ﻗﺎﺭﺍﭖ ﺗﯘﺭﻏﯩﻨﻰ، ﺧﻪﻧﺰﯗﭼﻪ ﺑﯩﻠﻤﻪﻳﺪﯨﻐﺎﻥ ﺑﯩﺮ ﺗﻮﺭﺩﺍﺷﻨﯩﯔ ﺟﺎﯞﺍﺩﺍ ﭘﺮﻭﮔﺮﺍﻣﻤﺎ ﺗﯜﺯﯛﺷﻨﻰ ﺋﯚﮔﻪﻧﻤﻪﻛﭽﻰ ﺋﯩﺪﯨﻢ، ﺗﯧﻠﯧﻔﻮﻧﻐﺎ ﭘﺮﻭﮔﺮﺍﻣﻤﺎ ﻳﯧﺰﯨﺸﻨﻰ ﺋﯚﮔﯩﺘﯩﭗ ﻗﯘﻳﯘﯓ ﺩﻩﭖ ﻳﺎﺭﺩﻩﻡ ﺳﻮﺭﺍﺷﻠﯩﺮﻯ…
ﺷﯘﻧﻰ ﺋﯘﻧﺘﯘﺳﺎﻕ ﺑﻮﻟﻤﺎﻳﺪﯨﻜﻰ ﺑﯩﺰﻧﻰ ﻣﯘﺷﯘ ﻛﯜﻧﮕﻪ ﺋﯧﺮﯨﺸﺘﯜﺭﮔﻪﻧﻠﻪﺭ ﺑﯩﻠﯩﻤﯩﻨﻰ ﺧﻪﻟﻘﯩﺪﯨﻦ ﺋﺎﻳﯩﻤﯩﻐﺎﻥ ”ﺋﯩﻠﯩﻤﻨﯩﯔ ﺯﺍﻛﯩﺘﻰ“ ﻧﻰ ﺗﻮﺧﺘﯩﻤﺎﻱ ﺑﻪﺭﮔﻪﻥ ﺋﻪﺯﯨﺰﻟﯩﺮﯨﻤﯩﺰﺩﯗﺭ، ﺑﯘ ﺋﻪﺯﯨﺰﻟﻪﺭﻧﯩﯔ ﻛﯜﺗﯩﺪﯨﻐﯩﻨﻰ ﺋﯩﺰﯨﻨﻰ ﺑﯧﺴﯩﭗ ﺩﺍﯞﺍﻣﻼﺷﺘﯘﺭﯨﺪﯨﻐﺎﻥ ”ﻛﯩﭽﯩﻚ ﺋﻪﺯﯨﺰﻟﻪﺭ“ ﻧﯩﯔ ﭼﯩﻘﯩﺸﯩﺪﯗﺭ، ﺷﯘﯕﺎ ﻛﻮﻣﭙﻴﯘﺗﯧﺮ ﻛﻪﺳﭙﯩﺪﻩ ﺋﻮﻗﯘﯞﺍﺗﻘﺎﻥ ﯞﻩ ﺋﻮﻗﯘﻣﺎﻱ ﭘﺎﺭﺗﯩﺰﺍﻥ ﮬﺎﻟﻪﺗﺘﻪ ﺋﯘﻳﻐﯘﺭ ﻛﻮﻣﭙﻴﯘﺗﯧﺮ ﺋﯩﺸﻠﯩﺮﯨﻐﺎ ﺗﯚﮬﭙﻪ ﻗﻮﺷﯘﺵ ﺋﯜﭼﯜﻥ ﺗﯧﺮﯨﺸﯩﯟﺍﺗﻘﺎﻥ ﻗﯧﺮﯨﻨﺪﺍﺷﻼﺭﻧﯩﯔ ﺗﯧﺨﯩﻤﯘ ﺑﯩﺮ ﻳﯘﻗﯩﺮﻯ ﺑﻮﻟﻐﺎﻥ ﻗﯩﺰﻏﯩﻦ ﻛﻪﻳﭙﯩﻴﺎﺗﺘﺎ ﻳﯧﯖﯩﭽﻪ ﺗﻮﺭ ﺋﯚﮔﯩﻨﯩﺶ ﻣﯘﮬﯩﺘﻰ ﻳﺎﺭﯨﺘﯩﺸﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ.