Windows 10 سىناق ئېلان قىلىندى

ahmatjan · ۋاقتى: 2014-10-13 11:16:06

( بۇ پەقەت سىناق نۇسقىسى بولۇپ ھەقىقى نۇسقىسىنى تارقىتىش ۋاقتى ئېنىق ئەمەس )

ئۈرۈمچى ۋاقتى 9-ئاينىڭ 30-كۈنى كەچ سائەت 11:00 دە مىكروسوفت شىركىتى سان-فىرانسىسكو شەھىرىدە كىچىك كۆلەملىك مەھسۇلات تارقىتىش يىغىنى ئۆتكۈزۈپ، يېڭى مەشغۇلات سىستېمىسى Windows 10 نى ئېلان قىلدى. يېڭى سىستېمىدا باشلاش تىزىملىكى قايتۇرۇپ كېلىنگەن بولۇپ، باشلاش تىزىملىكىدە يەنە جانلىق تىزمىلارنى كۆرەلەيمىز. شۇنداق قىلىپ Windows 7 دىكى باشلاش تىزىملىكى ۋە Windows 8 دىكى جانلىق تىزمىلار بىرىكتۈرۈلۈپ، بىر سىستېما قىلىندى. بۇنداق بولغاندا Windows 7 ۋە Windows 8 نىڭ ئىشلەتكۈچىلىرى Windows 10 غا تېزلا كۆنۈپ كېتەلەيدۇ.

Windows 10 يان تېلېفون، تاختا كومپيۇتېر، ئۈستەل كومپيۇتېرى ۋە Xbox One نى ئومۇمىيۈزلۈك قاپلىغان تولۇق سۇپىلىق مەشغۇلات سىستېمىسى بولۇپ، ئىقتىدار جەھەتتە Windows 8 نىڭ سەزمە كونترول ئىقتىدارىنى ساقلاپ قالغان.

پۈتۈن سۇپىلىق مەشغۇلات سىستېمىسى مەھسۇلات ئېلان قىلىش يىغىنىدا مىكروسوفت Windows 10 نى «تارىختىكى ئەڭ مۇرەككەپ سۇپا» دەپ تەرىپلىدى. Windows 10 بارلىق قاتتىق دېتاللارنى قاپلىغان بولۇپ، بىر گەۋدىلەشكەن ئىشلەتكۈچى تەسىراتىنى بېرىدۇ. ئىجادىيەتچىلەر بۇ سۇپا ئارقىلىق كۆپ سۇپىلىق (سۇپا ئاتلىغان) ئەپلەرنى ئاچالايدۇ. يان تېلېفون، تاختا كومپيۇتېر، ئۈستەل كومپيۇتېرى ۋە Xbox One قاتارلىق ئۈسكۈنىلەردە ئوخشاش مەشغۇلات ئارايۈزى ۋە ئوخشاش بىر دۇكان بولۇپ، سۇپا ئاتلىغان ئۈسكۈنىلەردە ئىزدىيەلەيدۇ، سېتىۋالالايدۇ ۋە دەرىجە ئۆستۈرەلەيدۇ.

Windows 10 ھەرقانداق ئۈسكۈنىلەردە ئىجرا بولىدىغان بولۇپ، ئەشيا تورى (物联网) ئۈسكۈنىلىرىدىن كارخانا مەلۇمات مەركىزىدىكى مۇلازىمىتېرلار، 4 دىيۇملۇق ئۈسكۈنىلەردىن 80 دىيۇملۇق ئۈسكۈنىلەرگىچە، تاقالما بويۇم(可穿戴设备)، چوڭ تىپتىكى سودا ئۈسكۈنىلىرى، يەنە تېخى ئېكرانسىز ئۈسكۈنىلەردىمۇ نورمال خىزمەت قىلالايدۇ. بۇ ئۈسكۈنىلەردە كۇنۇپكا تاختىسى، مائۇس، سەزمە ئېكران ۋە قول ئىشارىسى قاتارلىق ھەرخىل مەشغۇلات شەكىللىرى بىلەن مەشغۇلات قىلىشقا، خالىغانچە ئالماشتۇرۇپ ئىشلىتىشكە بولىدۇ.

ئەگەر سىناپ ئىشلىتىپ باقىدىغانلار بولسا چۈشۈرۈش ئادىرىسى :
http://windows.microsoft.com/zh-cn/windows/preview-iso

ئالىم ئەھەت تور خاتىرىسىدىن ئېلىندى

www.AlimAhat.com

ماكانداشلارنىڭ خاتا چۈشىنىۋالماسلىقىنى ئۈمۈد قىلىمەن . بۇ ھەقىقىي نۇسقىىسى ئەمەس . پەقەت يۇمشاق دېتال ئاچقۇچىلار ۋە قاتتىق دېتالنىڭ قوزغىتىش پىروگراممىسىنى تەتقىق قىلىپ ياساپ چىقىدىغانلار ئۈچۈن سىناق نۇسقىسى ، بۇ ھەقىقىي نۇسقىىدىن خېلىلا كۆپ پەرىقلىنىدۇ . قالغىنىنى شۇ ۋاقىتلار كەلگەندە بىلەرمىز . ئىگىلىنىشىچە تەخمىنەن 2015-يىلى كۈز پەسلىدە تارقىتىلىشى مۇمكىن ئىكەن.

PARUK213 · ۋاقتى: 2014-10-13 13:42:10

رەخمەت سىزگە ..مەنمۇ قاچىلاپ ئىشلىتىپ بېقىۋاتىمەن ،8گە قارىغاندا ياخشى كۆردۈم ..بۇلۇپمۇ باشلاش تىزىملىك ئەسلى ھالىتىگە قايتىپتۇ ،،،[img][/img]

گىتتارماھىرى · ۋاقتى: 2014-10-13 22:32:34

قايسى كۈنى بىر يەردە مۇشۇ كۆزنەك 8نى ئئىشلىتىپ بېقىپ ساراڭ قىلدى مىنى

ahmatjan · ۋاقتى: 2014-10-14 11:41:25

ئىمكان بار شارائىتتا ماكانداشلارنىڭ ئەڭ يېڭى مەشخۇلات سىستىمىسىغا كۆچۈشىنى ئۈمۈد قىلىمەن . بۇ سىلەر ئۈچۈن پايدىلىق، يەنە شۇ Ghost XP قاچىلاپ شۇنىڭدىن چىقالماي يۇرسەڭلار بارا-بارا جاھاندىن شاللىنىپ قالىسىلەر . كىيىن بۇ ساھەدىن چىكىنىپ چىقىشقا توغرا كىلىدۇ . Windows 8.1 نى ئىشلىتىشىڭلارنى تەۋسىيە قىلىمەن . ئۈن كارتىڭىزنىڭ قوزغىتىش پىروگراممىسى بولسىلا باشقا VST ۋە رەھبەر دېتاللار جەھەتتە چاتاق يوق.

MusicSun · ۋاقتى: 2014-10-14 15:11:50

سىز نىڭ ياردىمىڭىزگە مۆھتاج بوپ قالدىم ئەخمەتجان ئۇستاز بولسا چ چ نۇمۇرىڭزنى قالدۇرۇپ قويغان بولسىڭىز

شىرلان · ۋاقتى: 2014-10-15 09:55:57

رەھمەت ياخشى تىمىكەن

Bulak · ۋاقتى: 2014-10-19 00:30:39

ئەگەر باھاسى ئەرزان بولۇپ قالسا مەن چوقۇم ھەقىقىي دۇرۇس نەشىرىنى سېتىۋالىمەن . ماكاندىكى بارلىق دوسلارنىڭ ھەقىقىي نەشىرىنى سېتىىۋىلىشىنى ئۈمۈد قىلىمەن .
ئەخمەتجان ئۇستاز ، شۇ ۋاقىتتا ياردەم قىلارسىز .

ahmatjan · ۋاقتى: 2014-10-22 15:24:09

Bulak يوللىغان ۋاقتى 2014-10-19 00:30
ئەگەر باھاسى ئەرزان بولۇپ قالسا مەن چوقۇم ھەقىقىي دۇرۇ ...

بولىدۇ . مەن ئىلگىرى بىكەتتىك بىر نەچچە قېرىندىشىمىزغا 248 يۈەن باھادا Win 8 نى سېتىۋىلىپ بەرگەن ئىدىم. يەنە ئالدىمىزدا پۇرسەتلەر بولۇپ قالسا مەن چوقۇم ياردەم قىلىمەن . بۇ مەسىلىدە چاتاق يوق . ھەمدە بارلىق ئىقتىسادىي شارائىتى يار بىرىدىغان قېرىنداشلارنىڭ ھەقىقى نەشىردىكى Win8 نى ۋە تارقىتىلماقچى بولغان Win 10 نى قوللىشىڭلارنى ئۈمۈد قىلىمىز . مەن ئەخمەتجان ھەقىقىي نەشىردىكى دېتاللارنى سېتىۋىلىش ئىشلىرىدا بىجاندىللىق بىلەن ياردەم قىلىشقا تەييار تۇرىمەن . ماكان تورىدىكى دوسلارنىڭ مۇشۇ ياردەمگە كىرەك بولغانلارغا مىنى تەۋسىيە قىلىشىڭلارنى ئۈمۈد قىلىمەن .

ahmatjan · ۋاقتى: 2014-10-22 15:31:30

MusicSun يوللىغان ۋاقتى 2014-10-14 15:11
سىز نىڭ ياردىمىڭىزگە مۆھتاج بوپ قالدىم ئەخمەتجان ئۇست ...

بولىدۇ چاتاق يوق . ھەرقانداق ياردەم بولسا ئايىمايمەن . ئەگەر ئىمكان بولسا تەپسىلى قىلىپ تىما يوللىسىڭىز ، مەن ئۇنىڭغا ئىنكاس يازسام باشقىلارمۇ سىزگە ئوخشاش ئىشلارغا يۇلۇققان بولسا مەن شۇ يەردە قايتۇرغان بولسام . بولسا باشقا قېرىنداشلارمۇ شۇنداق قىلسا .......

Bulak · ۋاقتى: 2014-10-28 18:52:42

بۇ بەك ياخشى تىما بوپتىكەن ، لىكىن قارىسام ماكانداشلارغا يارىمىدىمۇ ، ئىنكاسلار ئاز بولۇشتىن سىرىت يەنە كۆرۈش قېتىم سانىمۇ ئازكەن . كۆپرەك تەشۋىق قىلىپ قويۇڭلار دوسلار . ئاۋاز مەنبەسى چۈشۈرۈشكە مۇناسىۋەتلىك بولمىسا ھىچنىمە كۆرمەمدۇ بۇلار ؟

ahmatjan · ۋاقتى: 2014-11-21 03:57:00

Bulak يوللىغان ۋاقتى 2014-10-28 18:52
بۇ بەك ياخشى تىما بوپتىكەن ، لىكىن قارىسام ماكانداشلار ...

ئۇلارغا نىسبەتەن كومپيوتېرغا سىستىما قاچىلىمايلا رەھبەر دىتالنى تۇرغۇزۇپلا ئىشلەتكۈسى بار ئوخشايدۇ.

كۇچار · ۋاقتى: 2015-1-31 17:29:35

سىز نىڭ ياردىمىڭىزگە مۆھتاج بوپ قالدىم ئەخمەتجان ئۇستاز بولسا TELنۇمۇرىڭزنى قالدۇرۇپ قويغان بولسىڭىز

دەۋېىر · ۋاقتى: 2015-6-26 14:22:58

رەھمەت سىزگە

مىكروبلوگ[ يېڭى | 24 سائەت | 7 كۈن | 30 كۈن ]

Windows 10 سىناق ئېلان قىلىندى