ئەلكۈيى-ئوكيان ماجىراسى

ahmatjan

ئەسسالامۇ ئەلەيكۇم ئەزىز ماكانداشلار ، پېقىر ئۇزۇندىن بېرى تۇرمۇش ھەلەكچىلىكىدە تورداشلارغا ياخشىراق بىرەر تىما تەييارلاپ بولالماي ئالدىڭلاردا تولىمۇ خىجىلمەن. نۇرغۇن ئىشلارنى ئىنسان قىلىمەن دەپلا قىلىۋالالمايدىكەن. لىكىن ھەرگىزمۇ ئىسىمدىن چىقىپ كىتىپ ۋە ياكى ئۇنتۇلۇپ قېلىپ تىما يازالمايۋاتقان ئىش يوق. بۇ ھەرگىزمۇ مۇمكىن ئەمەس. ماكان ئاكىمىز بىلەن مۇشۇ ھەقتە نۇرغۇن پىكىرلەردە ھەم سۆھبەت بولىمىز ، ھەمدە باشقىلار بىلەن يۈز تۇرانە كۆرىشىمىز، مەسىلىلەرنى ھەل قىلىش چارىسى ھەققىدە ئىزدىنىمىز . شۇڭا « نىمىشقا ..... قىلمايدۇ؟» ، « نىمىشقا ئۇنداق بولمايدۇ؟ » دىگەندەكلەرنى ئويلىغان ۋاقتىڭلاردا ئۆزۈڭلەرگە « ھايات ئىنسانلار بولغاندىكىن ، بىز ئويلىغاننى بەلكىم شۇلارمۇ ، ئويلاۋاتقاندۇ » دەپ توغرا چۈشىنىشىڭلارنى ئۈمۈد قىلىمەن. ھەممىدىن مۇھىمى بۇ بىر ئىككىلا ئادەمنىڭ 3000 ئادەم ئالدىدىكى قەرزى ئەمەس ، بەلكى ھەممەيلەننىڭ مەسئۇلىيىتى بار دەپ قارىشىڭلارنى چىن دىلىمدىن ئۈمىد قىلىمەن .

يېقىندا تور دۇنياسىدا ناھايىتى كۆڭۈلسىز ئىش يۈز بەردى. ئۇ بولسىمۇ ئەلكۈيى تور تېخنىكا شىركىتى قارمىقىدىكى ئەلكۈيى تورى ۋە قارلۇق شىركىتى قارمىقىدىكى ئوكيان تور بىكىتى ئوتتۇرىسا ئازراق ۋاراڭ-چۇرۇڭ كۆپىيىپ قالدى. ئىشنىڭ ماھىيىتى مەيلى قانداقلا  سەۋەبتىن كىلىپ چىقمىسۇن، ھەر ئىككى تەرەپكە ياخشى بولماي قالدى. قىسقىسى يەڭ ئىچىدە تۈگىسە ياخشى بولاتتى ، لىكىن بۇ پۈتۈن خەلىقنىڭ ئاغزىغا چىقىپ قالدى.  پېقىر مەيلى شەخسى نامىمدا بولسۇن ، ياكى ماكان تورى باشقۇرغۇچىسى نامىدا بولسۇن ، ھىچقايسى تەرەپكە يان بېسىش تەرەپتارىدا بولمايمەن. چوقۇم مۇنداق بولدى ، ياكى ئۇنداق بولدى ، پالانى ياخشىكەن ، پوكونى ئەسكىكەن دىمەيمەن.  

بۇ تىمىنى يېزىشتىكى ئاساسلىق مەقسەت بىلىم مۈلۈك ھوقوقىنى قوغداشقا، باشقىلارنىڭ ئەمگىكىنى ھۆرمەت قىلىشقا  ھەممەيلەن كۆڭۈل بۆلسەك دىگەن ئۈمۈتتىمەن. شۇ ئارقىلىق بىر ئىشنى ۋۇجۇدقا چىقىرىشنى نەقەدەر تەسلىكىنى ھىس قىلسا دىگەن ئۈمۈتتىمەن.


پايدىلىنىپ بېقىشىڭلار ئۈچۈن بىر نەچچە تور ئادىرىسى ئادىرىس بېرىلدى :



   http://www.okyan.com/html/news/Culture/2014/1124/6950.html


  http://bbs.misranim.com/thread-121907-1-1.html


مەن يەنە بىر ئالاھىدە ئەسكەرىتمەكچىمەنكى : بۇ بىر ساۋاق ئۈچۈن يوللاندى . تور دۇنياسىدىكى بىرسى بىرسىنىڭ ھەققىنى يىۋىلىشنىڭ ياخشى ئەمەسلىكى ، مەيلى قانداقلا ئۆزىنى قايىل قىلىپ يۈرسۈن خاتا ئىشنىڭ ھامان ياخشى ئاقىۋەت ئېلىپ كەلمەيدىغانلىقىنى بىلىۋىلىشىمىز ئىنتايىن زۈرۈر. ساختا پىلاستىنكىلار تۈپەيلىدىن ئالبۇم چىقىرىشقا پېتىنالمايۋاتقانلار ناھايىتى كۆپ. ئەمەلىيەت ھەممىنى ئىسپاتلاپ تۇرۇپتۇ.  شۇڭا بۇ تىما بىلەن ماكان تورىنى باغلىۋالماڭلار. بۇ ساۋاقلار بىزنى توغرا يولغا يىتەكلىسۇن ، ھەرگىزمۇ پىتنە تېپىپ ھالاك قىلمىسۇن.