Waves 9 قىستۇرمىسىنى قاچىلاش (1-ئۆچۈرۈش)

ahmatjan

   Waves 9 قىستۇرما دېتالىنى ئۆلچەملىك قاچىلاش دەرىسلىكى

1 -  [ بۇرۇنقى قاچىلىغان Waves نى مەشخۇلات سىستىمىسىدىن ئۆچۈرۈپ تاشلاش ]

دەرىسلىك يازغۇچىسى: ئەخمەتجان مەخمۇت

  مەزكۇر دەرىسلىك 5 قىسىم بولۇپ ، بۇ تۇنجى سائەتلىك دەرىس. كىيىنكى قىسىملىرى تورداشلارنىڭ ئىھتىياجىغا ئاسەسەن قاراپ يوللىنىلىدۇ . ئەگەر ھەممە ئەزالار تولۇق بىلىپ ، بۇلار ھىچكىمگە لازىم بولمىسا داۋاملاشتۇرۇلمايدۇ .

   بىرىنجى باسقۇچ : ئەسلىدىكى تۆۋەن نەشىردىكى Waves  قىستۇرما دېتالىنى ئۆچۈرىۋىتىش

    دىيارىمىزدىكى نۇرغۇنلىغان كومپيوتېر تېخنىكىسىدىن پايدىلىنىپ مۇزىكا ئىشلەۋاتقان مۇزىكانتلار ۋە ھەۋەسكارلار نۆۋەتتە Waves  قىستۇرما دېتالىنىڭ 7.0 ياكى ئۇنىڭدىن تۆۋەن نەشىرىنى ئىشلىتىۋاتقان بولىشى مۇمكىن . لىكىن ھازىرقى ئەڭ يېڭى نەشىرى v9r15 بولىۋاتىدۇ. (بۇ دىگەنلىك Waves نىڭ 9.0 نەشىرىنىڭ ئالتىنجى قىتىم تارقىتىلغان بولىقى دىگەن گەپ ، نەچچە ئاي كۈن ئىلگىرى V9r1 تارقىتىلغان ئىدى. بۇنىڭدىن ئىلگىرىكى نەشىرىلىرىگە قارىغاندا ئىقتىدار جەھەتتىن چوڭ ئۆزگىرىش يوق پەقەت شۇ بەزى مۇھىم بولغان يوچۇقلارنى ۋە دېتالنىڭ مۇقىملىقىغا مۇناسىۋەتلىك ئورۇنلارغا ئۆزگەرتىش كىرگۈزۈلگەن ، ئۇنىڭدىن باشقا يەنەWaves NLS مۇ مۇشۇنىڭ ئىچىگە قوشۇۋىتىلگەن ) تۆۋەندىكى باسقۇچلار كومپيوتېرىغا ئىلگىرى Waves قىستۇرما دېتالىنىڭ بۇرۇنقى تۆۋەن نەشىرىنى قاچىلىغان كومپيوتېرلار ئۈچۈن يېزىلدى. ئەگەر سىز ھازىر كومپيوتېرىڭىزغا ئەزەلدىن قاچىلاپ باقمىغان بولسىڭىز بۇ باسقۇچتىن ئاتلاپ ئۆتۈپ كەتسىڭىز بولىدۇ. (يەنى بىۋاستە ئىككىنجى باسقۇچتىن باشلىسىڭىز بولىدۇ.)

بۇ دېتالنىڭ ئەسلىدىكى نەشىرىنى كومپيوتېردىن چىقىرىۋىتىش ئادەتتىكى يۇمشاق دىتاللارنى  «كونترول تاختىسى» نىڭ ئىچىدىكى «پروگرامما ۋە ئىقتىدار» دىگەن بۇيرىقىدىن پايدىلىنىپلا پاك-پاكىزە يۇيىۋەتكەندەك ئۇنداق ئاسانلا ئىش ئەمەس. بۇنىڭ ئۈچۈن بىز ھازىر دىگەن مەشخۇلاتتىن باشقا يەنە قالدۇق ھۆججەتلەرنى ئۆچۈرۈش، تىزىملاش جەدىۋىلىدىكى خاتىرىسىنى تازىلاش قاتارلىق بىر قاتار زۈرۈر بولغان مەشخۇلاتلارنى ئېلىپ بېرىشقا توغرا كىلىدۇ.

1.        Waves قىستۇرما دېتالىنىڭ ئەسلى نەشىرىنى ئۆچۈرۈش
يۇقىردىكى چۈشەندۇرۈشتە ئېيتىپ ئۆتۈلگەندەك بىز كومپيوتېرىمىزنىڭ «باشلاش» تىزىملىكىنى تاق چەككەندىن كىيىن ئوك تەرەپتە «كونترول تاختىسى» دىگەن تىزىملىكنى تاق چىكىمىز .

ئىجرا بولغاندىن كىيىنكى چىققان كۆزنەكتىن «پروگرامما ۋە ئىقتىدار» دىگەن بۇيرۇقىنى ئېجرا قىلىمىز.

ئۇنىڭدىن كىيىن Waves  قىستۇرما دېتالىغا مۇناسىۋەتلىك تۈرنى تاللاپ مائۇسنىڭ ئوڭ تەرەپ كونۇپكىسىنى تاق چەكسەك
«ئۆچۈرىۋىتىش» دىگەن بۇيرۇقنى ئېجرا قىلىپ بۇ قىستۇرما دىتالنى كومپيوتېردىن ئۆچۈرۈپ تاشلايمىز .

ئىككىلەنمەي يۇيۇۋىتىمىز . ھەمدە داۋاملىق يېڭى نەشىرىدىكى دېتاللارنى قاچىلاپ سىنايمىز .

داۋاملىق قورىقمىغان ھالدا ئۆچۈرىۋىتىڭ . چۈنكى بۇ رەھبەر دېتالغا چېقىللالمايدۇ .

2.    ئۆچۈرۈش خىزمىتى نورمال تاماملانغاندىن كىيىن باشقا ھەرقانداق مەشخۇلاتنىڭ ئېلىپ بارماي كومپيوتېرنىڭ نورمال ئۇسۇل بويىچە قايتا قوزغىتىمىز. (بۇ باسقۇچ يالغۇز بۇ قىستۇرما دىتال ئۈچۈنلا ئەمەس بەلكى ئۇنىڭدىن باشقا مۇتلەق كۆپ ساندىكى يۇمشاق دېتاللارنى ئۆچۈرگەندە ئېلىپ بىرىشقا تىگىشلىك بولغان مۇھىم بىر باسقۇچلارنىڭ بىرى.)

3.        توۋەندىكى مۇندەرىجە ۋە شۇ مۇندەرىجە ئاستىدىكى ھۆججەت ۋە ھۆججەت قىسقۇچلارنى ئۆچۈرىۋىتىڭ . (سۈكۈتتىكى قاچىلاش مۇندەرىجىسى مىسالغا ئېلىندى ، ئەگەر سىز باشقا دىسكىلارغا ياكى باشقا مۇندەرىجىلەرگە قاچىلىغان بولسىڭىز ، تۆۋەندىكىلەرگە ماس ھالدىكى ھۆججەتلەرنى ئۆچۈرسىڭىز بولىدۇ)

ئەگەر مەشخۇلات سىستىمىڭىز Windows 7  بولغان بولسا ، ئۇنداقتا تۆۋەندىكى مۇندەرىجىلەرنى ئۆچۈرۈڭ .

C:\Program Files\Waves
C:\Users\Ahmatjan\AppData\Roaming\Waves
C:\Users\Ahmatjan\AppData\Roaming\Waves Audio
C:\Users\Ahmatjan\AppData\Roaming\Waves Preferences

ئەگەر مەشخۇلات سىستىمىڭىز Windows XP  بولغان بولسا ، ئۇنداقتا تۆۋەندىكى مۇندەرىجىلەرنى ئۆچۈرۈڭ .



C:\Program Files\Waves
C:\Documents and Settings\Ahmatjan\UserData\Waves
C:\Documents and Settings\Ahmatjan\UserData\Waves Audio
C:\Documents and Settings\Ahmatjan\UserData\Waves Preferences


4.        تىزىملاش جەدىلىدىكى قالدۇق خاتىرىلەرنى ئۆچۈرۈپ تاشلاڭ، يەنى «باشلاش» تىزىملىكىدىن «ئېجرا» كۆزنىكىنى ئېچىپ Regedit بۇيرۇقىنى توغرا يېزىپ «جەزملەشتۈرۈش» كونۇپكىسىنى باسسىڭىز

، تىزىملاش جەدىۋىلىنىڭ «تەھرىرلىگۈچ» سىگە كىرىسىز ، ئاندىن Waves قا مۇناسىۋەتلىك تۆۋەندىكى ئىككى تۈرنى ئۆچۈرىۋىتىمىز.

[HKEY_LOCAL_MACHINE\SOFTWARE\Waves]
[HKEY_LOCAL_MACHINE\SOFTWARE\Propellerhead Software\ReWire\WavesReWireDevice



5.        ھەركەتچان ئۇلىنىش ھۆججەتلىرىنى ئۆچۈرىۋىتىڭ . (سۈكۈتتىكى قاچىلاش مۇندەرىجىسى مىسالغا ئېلىندى ، ئەگەر سىز باشقا دىسكىلارغا ياكى باشقا مۇندەرىجىلەرگە قاچىلىغان بولسىڭىز ، تۆۋەندىكىلەرگە ماس ھالدىكى ھۆججەتلەرنى ئۆچۈرسىڭىز بولىدۇ) .

ئۆچۈرىلىدىغان مۇندەرىجە بولسا :
C:\Program Files\Common Files\Disidesign\DAE\Plug-Ins
C:\Program Files\Steinberg\VstPlugins
C:\Program Files\VstPlugins
يۇقارقى مۇندەرىجىلەرنىڭ ئىچىدىن Waves قا ئالاقىدار بولغان بارلىق dpm  ۋە dll دىگەن كىڭەيتىلگەن نامدىكى بارلىق ھۆججەتللەرنى ئۆچۈرۈپ تاشلايمىز.

خۇلاسە : بۇيرۇق ئارقىلىق ئۆچۈرۈشرىتىن تاكى تىزىملاش جەدىۋىلىدىكى قالدۇق خاتىرىلەرنى ئۆچۈرگەن بارلىق جەرياندا ، ئەگەر مۇشۇ يازمىدا كۆرسىتىلگەن شۇ ھۆججەتلەر ۋە مۇندەرىجىلەر بار بولغان بولسا تەرتىپ بويىچە ئۆچۈرۈپ تاشلايمىز . بولمىسا تېخى ياخشى ، ئۇ چاغدا ئاۋارىچىلىقتىن قۇتۇلىمىز.  بارلىق مەشخۇلات تاماملانغاندىن كىيىن كومپيوتېرىمىزنىڭ يەنە بىر قىتىم قايتا قوزغىتىمىز.


مەن بۇرۇن مۇشۇ قىستۇرمىنى چۈشۈرۈش ھەققىدىكى بىر تىمامدا ئاساسلىق ئىقتىدارلىرىنى ئازراق چۈشەندۈرۈپ ئۆتكەن ئىدىم. شۇڭا دەسلەپكى يۇيۇش باسقۇچىدا بۇنى تەپسىلى يازمىدىم. ئەگەر زۈرۈر تېپىلسا ماكانداشلار ئىنكاس ئارقىلىق كۈچلۈك تەلەپ بولسا ئەلۋەتتە نۆلدىن باشلاپ تەپسىلى چۈشەندۈرۈپ چىقساممۇ بولىدۇ . لىكىن ھەممە ئەزالار تولۇق بىلىپ كەتكەن بولسا بۇنىڭ ھاجىتى يوق .

ahmatjan

تورداشلارنىڭ بىلمىگەن سۇئاللىرى بولسا ( كونىسىنى يۇيىۋىتىش جەھەتتە مۇشۇ جايدا سۇئال قالدۇرۇڭلار . ھەممە ئادەم تەڭ ئۆگەنسۇن. ئايرىم ئۇندىدار ، ياكى QQ ئارقىلىق سورىساڭلار ئوخشاش مەسىلىگە يۇلۇققانلارغا بىر-بىردىن ئوخشاش جاۋابنى نەچچە قىتىم دىيىشكە توغرا كىلىدىكەن . )

halastan

رەھمەت مىنىڭ بىشىمغا ئەمدى كەلدى بۇمەسىلە بۇنىمۇ ئۈگىنىۋالدىم  [ ئەخمەتجان ئۇستازغا يەنە بىرقىتىم رەھمەت سالامەت بولۇڭ:]handshake

makan

مەن بۇ تېمىنى ئۈندىدار سالونىمىزدا ھەمبەھىرلەپ قويدۇ،تېلىفونىڭىزدا ساقلىۋىلىپ مەشغۇلات قىلسىڭىزمۇ بولىدۇ....بۇ تېمىنىڭ داۋامى ئىنتايىن ئىسىل،دوسلار بىرلىكتە داۋامىنى ساقلاڭلار

Bulak

شۇنچە كۆپ ئادەم كۆرۈپ ئىنكاس يېزىش خوشياقمىغان ئوخشايدۇ . ئۇلارغا بىكارلىقلا نەرسە بولسا بولىدىغان ئوخشايدۇ . ئەخمەتجان مۇئەللىمنىڭ قەدىرىنى بىلمەيۋاتىدۇ . جاھاندا ھەممە نەرسە بىكارلىق بولسا قەدىرى بولمايدىغان ئوخشايدۇ . شۇڭا مىنىڭچە بۇنداق ياخشى ماقالىلەرنى پەقەت پۇل تۆلىگەن ئەزالارغىلا تەمىنلىگەن ياخشىمىكىن . داۋاملىق تىرىشىڭ . سىز نىمە چىقارسىڭىز مەن ھەقلىق سېتىۋالىمەن . مەن ماكاننى سۆيىمەن . قوللايمەن . ھەقلىق ئەزا قىىلساڭلار مەن پۇل تۆلەشكە رازى .

ahmatjan

Bulak يوللىغان ۋاقتى  2014-2-10 21:27
شۇنچە كۆپ ئادەم كۆرۈپ ئىنكاس يېزىش خوشياقمىغان ئوخشاي ...

ئېشىنى ئىچىپ قاچىسىنى چاقىدىغان تۇزكور ئەزالارمۇ يوق ئەمەس. بەزىسىنى بىلىپ تۇرىمەن ، لىكىن يۈزىگە سالمىدىم. چۈنكى ئۇلار ھامان شۇ بىلىمنىڭ قەدىرى ئۆتۈلگەندە ئاندىن بۇ تىمىلارنىڭ ماقالىلەرنىڭ ۋە شۇنداقلا بىر بىكەتنى 7 يىل بالا باققاندەك باققاننىڭ قەدىرىگە يىتىدۇ . بەلكىم ئۇلار ئۆگىنىپ شۇ بىلىمدىن پايدىلىنىپ كاللىسىدە يېڭى ئۇقۇملار ئارقىلىق تېخىمۇ كۆپ ئىقدىسادى ئۈنۈم يارىتىۋاتقان بولۇشى مۇمكىن ، لىكىن يىللاپ ئايلاپ ماكان ئۈچۈن بىر تىمىمۇ يوللىمايدۇ . ھەي...... قارىغاندا ھەقلىق بىكەت قىلىۋەتسەك قەدىرى بولىدىغان ئوخشايدۇ . مەن بۇرۇن نىمىشقا ئۇنداق دەيدىغاندۇ دەپ چۈشەنمەپتىكەنمەن. ھەقىقەتەن بىكارلىق نەرسىنىڭ قەدىرى بولمايدىغان ئوخشايدۇ .

millitim3

ئەسسالامۇ ئەلەيكۇم ماكان مۇنبىردىكى بارلىق چوڭ كىچىك .ئۇستازلار  ۋە دۇسلار  ياخشمۇسىلەر
مەن بۇ مۇنبەرگە يىڭى يىزىملاتقان بۇلساممۇ ئۇزۇندىن بىرى كىرىپ چىقىپ تۇرۋاتمەن .
مۇنبەردىكلەرنىڭ  مۇزىكىغا بۇلغان قىزقىشى ۋە ئىنكاسلىرى  شۇنداق قىزغىنكەن . مۇنبەر خىللا ئاۋاتلىشىپ قاپتۇ  
مەنمۇ شۇ ۋەجىدىن ماكانداشلار سىپگە قوشلىۋالدىم  ھەم مۇزىكا ئۇگنۇشنى 0 دىن  باشلىۋەتتىم .  مۇنبەردىكى بارلىق  چوڭ كىچىك ئۇزتازلارنىڭ  ياردىمنى ئايماسلىقنى  شۇنداقلا ياخشى تىمللىرنىڭ ئۇزۇلۇپ قالماسلىقنى  ئۇمۇد قىلمەن  . جاپاكەش ئۇستازلارنىڭ قوللىرغا دەت كەلىسۇن
   كەمىنە مىللىتىمدىن   ................

millitim3

ئاللا ئاللا  ..... سالام يوللايمەن دەپ  دىمەكچى بۇلغان گىپىمنىمۇ ئۇنتۇپ قاپتىمەن ..  ئەخمەتجان  ئەپەندىم   يۇقارقى ئۇسسۇللار  cubase   ۋە nuendo  لارغىمۇ ئىشلەمدۇيا

ئابدۇرىشىت

ئەسسالامۇ ئەلەيكۇم ماكان مۇزىكا مۇنبىرىدىكى كەسىپداشلار، ئۇستازلار ..ھەممىڭلارغا مەندىن ئوتلۇق سالام.
       سالام ئەخمەتجان. قانداقراق ئەھۋالىڭىز؟ قايسى كۈنى قارلۇق شىركىتىدە كۆرۈشكەندىن بېرى كۆرۈشۈپمۇ بولالمىدۇق. ياخشى تۇرۇۋاتامسىز؟
         مەقسەتكە كەلسەك؛ ئۆيۈمگە تور ئەكىرەلمەي مۇنبەرنىمۇ ئارىلىيالمىدىم. مانا اللە نىڭ ئىلتىپاتى بىلەن 2 كۈن بوپتۇ بۈگۈن ئۆيگە تور ئەكىرگىلى. تېمىڭىزنى كېيىنرەك كۆرۈپ قالغان بولساممۇ، يەنىلا سىزگە تەشەككۈر ئېيتماي تۇرالمىدىم. بەك ئىسىل تېمېدىن بىرنى يوللاپسىز. ئەجىرىڭىزگە بارىكاللا !! بەزى ئىشلارنى كۆڭلىڭىزگە ئالماڭ. دائىم بۇنداقمۇ بولىۋەرمەس. ئەجىرىڭىزنى ئېگىمىز بېرىدۇ!!! ياخشى تېمىڭىز ئۈزۈلۈپ قالمىغاي! ھارمىغايسىز!!

ahmatjan

ئابدۇرىشىت يوللىغان ۋاقتى  2014-2-22 01:52
ئەسسالامۇ ئەلەيكۇم ماكان مۇزىكا مۇنبىرىدىكى كەسىپداش ...

ۋە ئەلەيكۇم ئەسسلام. مەنمۇ شۇ تۇرمۇشنىڭ ئىشلىرى بىلەن ئالدىراش بولۇپ قېلىپ پەقەتلا ئالاقىلىشالمىدىم. ئىنكاس قايتۇرمىسا كۆرگىلى بولمايدىغان تىمىلار بىلەن ئىنكاس قايتۇرمىسىمۇ 100% پايدىلىنالايدىغان ئىسىل يازمىلارنىڭ ئىنكاس قايتۇرۇلۇش ۋە دىققەن قىلىش نىسبىتىنى تارازىغا سالساق شۇ ھامان پەرىق چىقىۋاتىدۇ . مىنىڭچە ئۇلار ئۆزى تىما يېزىپ باقمىغاچقا بىلمەيۋاتىدۇ . شىرئەلى ئاكامنىڭ ‹ مەھمۇد ۋەتىنى› دىگەن ناخشىدا ‹ئالىملەر ئالىمنىڭ بىلەر قەدرىنى› دەپ تېكىسىت بار ئىدى . ( بۇ ئارقىلق ھەرگىزمۇ ئۆزۈمنى ئالىم دىمەكچى ئەمەس ، پەقەت كىم كىمنىڭ قەدىرىنى بىلىدۇ دىگەن نوقتىنىلا تىلغا ئالماقچى خالاس ).

adil0997

ئەسسالامۇ ئەلەيكۇم ئۇستازلار، ماكانداشلار، مەنمۇ بىر مۇزىكا ھەۋەسكارى، 6  ، 7 يىلنىڭ ئالدىدا مەنمۇ ئاددەتتىكى كومپىيوتېردا(ھىچقانداق كەسپى ئاۋاز كارتىسى ۋە باشقىلار...نى ئىشلەتمەي ) cubase , nuendo قاتارلىق ئاۋاز يۇمتاللىرىدا ئادەتتىكى ئاۋازلارنى تەھرىرلەپ باققان(تەھرىرلەش دىگىلىمۇ بولماس)، بىر ناخشىنى تەھرىرلەش ئۈچۈن جىق ئەجىر كېتىدىكەن. كېيىن خىزمەت ،تۇرمۇش ئالدىراشلىغى بىلەن تاشلىغان ئىدىم،لىكىن ئىچىمدىكى بۇ مۇزىكا ئوتى مېنى ئولتۇرغۇزماي ،‹‹ماكانىم››دەك نەپ تېگىدىغان مۇنبەردىكى ئەزالار سېپىگە قوشىلىۋالدىم.  مەن باشقا بىر قىسىم مۇزىكا توربەتلىرىنى ئارىلاپ چىقتىم، بۇنىڭدەك ئەمەلى نەپ تىگىدىغان تور بەتلەر يوق دىيەرلىككەن، كۆپ قىسىملار يەنىلا بۇ ئەجىرنىڭ قەدىرىگە يېتىدۇ.

mardan琴

ئەسسالامۇ ئەلەيكۇم ماكان تور بىكىتىدىكى بارلىق ئۇستازلار ياخشىمىۇ سىلەر ؟  ماڭا بىر ئىشقا ياردەم قىلساڭلا بوپتىكەن ، مەن waves9نى قاچىلاي دەپ يەشسەم error luanching installerدىگەن خەت چىقىۋىلىپ قەتئى يىشىلمىدى . waves9نى قايتا يىڭىدىن چۈشۈرۈپ يەشسەممۇ ئوخشاش win7，xpسېستىمىلارنى قايتا قاچىلىساممۇ يەنە ئوخشاش ، ئەخمەتجان ئۇستاز سۆزلىگەن دەرىسلىك بويىچە پاك پاكىز ئۆچۈرۈپ قايتا قاچىلىساممۇ يەنە ئوخشاش ، ياردەم قىلساڭلا بوپتىكەن ؟

ahmatjan

mardan琴 يوللىغان ۋاقتى  2014-3-27 23:34
ئەسسالامۇ ئەلەيكۇم ماكان تور بىكىتىدىكى بارلىق ئۇستاز ...

بولسا ئىكراندىكى چىققان شۇ خاتالىق ئۇچۇرىنى كومپيوتېرنىڭ دىتالى ئارقىلىق رەسىمگە تارتىپ ئىنكاسقا يوللاپ قويۇڭ ، مەن شۇنىڭغا ئاساسەن دىئاگىنور قويۇپ شۇنى ئامال قىلىشقا تىرىشىپ باقاي.

مىسران

ahmatjan يوللىغان ۋاقتى  2014-5-8 01:16
بولسا ئىكراندىكى چىققان شۇ خاتالىق ئۇچۇرىنى كومپيوتې ...

مۇشۇنداق پايدىلىق تىمىلارنى داۋاملىق يوللاپ تۇرغايسىز قولىڭىزغا دەرت كەلمىسۇن

ahmatjan

مىسران يوللىغان ۋاقتى  2014-7-9 20:50
مۇشۇنداق پايدىلىق تىمىلارنى داۋاملىق يوللاپ تۇرغايس ...

بولىدۇ . بۇ تىمىنىڭ داۋامى بار ئىدى . يوللاشقا پەقەت ۋاقىت چىقىرالمايۋاتىمەن . دەھشەت ئالدىراش بولۇپ كىتىۋاتىمەن . ئاللا خالىسا ئىشلار ئىزىغا چۈشكەندە داۋاملىق مۇشۇ ھەقتە تىما يوللايمەن . داۋاملىق دىققەت قىلىپ تۇرۇڭ. ھەممىدىن مۇمىمى تىمىلىرىمىزنى ئۈندىدار ئارقىلىق ھەمبەرىرلەپ دوسلار چەمبىرىكى ئارقىلق تەشۋىق قىلىپ قويسىڭىز مانا مۇشۇنىڭ ئۆزى سىزنىڭ بىكىتىمىز ئۈچۈن كۈچ چىقارغىنىڭىز . سىزدەك  ئەزالار بولغاچقا بىكەت مۇشۇنداق كىتىپ بارىدۇ . رەھمەت . ئەتراپىڭىزدىكىلەرگە تەشۋىق قىلىپ قويۇڭ . نۇرغۇن مۇزىكانىت دوسلار  مۇشۇنداق دەرىسلىكلەر بار بىكەتنى تېخىچە بىلمەيدىكەن .