Cubase 7 ۋە Nuendo 6 ئىلان قىلىنىدۇ

ahmatjan

Steinberg شىركىتى  Cubase 7 ۋە Nuendo 6 نى ئىلان قىلدى.

Steinberg شىركىتى 12- ئاينىڭ 5-كۈنى Cubase 7 بىلەن تاقىتىدىكەن .

  


يېڭى نەشىردىكى Cubase 7 نىڭ يۇمشاق دېتالىنىڭ ئاۋاز تەڭشەش كۆزنىكىنىڭ كۆرۈنىشى ، ئەنئەنىۋىي سىيرىلما كونۇپكىلار ، ياڭراقلىقىنىڭ كۈچكۈكلىكى ، ئەقلى ئىقتىدارلىق ئىجادىيەت ياردەمچىسى ، VariAudio 2.0 دىكى ئاكورىد يۆتكەش ئىقتىدارى ...كىشىنى تولىمۇ جەلىپ قىلىدۇ.



Cubase  رەقەملىك ئۈن تەھرىرلەشتىكى رەھبەر دېتال بولۇش سۈپىتى بىلەن پۈتۈن دۇنيادىكى نۇرغۇن مۇزىكانتلار ، ئىجادىيەتچىلەر، سازەندىلەر ، ۋە سەنئەتكارلارنىڭ قىزغىن ياقتۇرۇپ ئىشلىتىشىگە ۋە ياخشى كۆرىشىگە سازاۋەر بولدى.

2012-يىلى 11- ئاينىڭ 14-كۈنى يېڭىدىن ئىلان قىلىنغان Cubase 7 دېتالى Steinberg شىركىتىنىڭ 30 يىلدىن بويانقى بارلىق تىرىشچانلىقلىرىن قولغا كەلگەن نەتىجىلىرىنى مۇجەسسەملەپ ، يېڭىلىق يارىتىش ۋە ئىشلەشتىكى يۇقىرى ئۈنۈمنى يادرو قىلغان يوقىرى سۈپەت بىلەن مەيدانغا كەلدى. Cubase 7 بۇنىڭدىن ئىلگرىكى نەشىردىكى قارىغاندا يېڭى بولغان ئاۋاز تەڭشەش سۇپىسىنى ئىجاد قىلىپ چىقتى . ھەمدە ئۇنىڭدىن باشقا ئەقلى ئىقتىدارلىق ئىجادىيەت ياردەمچىسى ، VariAudio 2.0 دىكى ئاكورىد يۆتكەش ئىقتىدارى قاتارلىق ئادەمنى ھاياجانغا سالىدىغان ئىقتىدارلار ئىشلەتكۈچىنىڭ مۇزىكىنى ئىشلەش جەريانىدا تېخىمۇ قۇلايلىق ۋە تېخىمۇ بىخەتەر ھەل قىلىش چارىسى بىلەن تەمىنلىدى.

بۇ قىتىمقى Cubase 7 نىڭ ئىككى خىل نەشىرى بولۇپ ،بىرسى تولۇق مۇكەممەل نەشىردىكى Artist نۇسخىسى، بو تولۇق نۇسقىسىدا كىيىنكى ئەۋلاد ئۈن ماتورىدىكى ئايلانما سىترولۇق بىر تەرەپ قىلىش ئىقتىدارلىرىنى ھازىرلىدى.

Cubase دىكى ماستىرلاش دۇنياسى :

1.   پۈتۈنلەي يېڭى بولغان ئۈن تەڭشەش سۇپىسى



ئەسلىدىكى ئەنئەنىۋىي ئۈن تەڭشەش سۇپىسىنىڭ كۆزنىكى 10 يىللىق بوران-چاپقۇننى بېشىدىن كەچۈرگەندىن كىيىن ،  شىركىتى بۇ قىتىملىق يېڭىدىن ئىشلەنگەن Cubase 7 دە يېڭى بولغان ئۈن تەڭشەش سۇپىسىنى قوللاندى. مىڭ نەچچە يۈز نەپەر دۇنياغا داڭلىق كەسپى خادىملارنىڭ تەكلىپ پىكىر بېرىشى ۋە تەكشۈرۈپ تەتقىق قىلىش ئارقىلىق ئاخرى بۇ لەھىيەنى قوللانغان، بۇ قىتىملىق لاھىيەدە ئاخىرى Cubase 7 گە يالغۇز ئىشلىتىش ۋە ئارا يۈز كۆرۈنىشىنىلا ئۆزگەرتىش بولماستىن بەلكى دېتالنىڭ ئۈن ھۆججەتلىرىنى تېخىمۇ توغرا ئۆلچەملىك بىر تەرەپ قىلىش ، ۋە ئۈنۈم بەرگەندىكى ئىنكاس تىزلىكى بۇنىڭدىن ئىلگىرىكى نەشىرلىرىگە قارىغاندا زور دەرىجىدە ياخشىلانغان. بۇ يېڭى لاھىيەلەنگەن كۆزنەكنى ھەتتا چوڭايتىپ پۈتۈن ئىكران ھالەتكە ياكى بولمىسا ئۆزىمىز خالىغان چوڭلۇقتا ئۆزىمىزنىڭ ئىكرانىمىزنىڭ ئىھتىياجى بويىچە تەڭشەپ ئىشلەتكىلى بولىدىكەن . (بۇ خىل ئىقتىدار ناھايىتى ئۆزگىچە بولۇپ 2 ياكى ئۇنىڭدىن ئارتۇق ئىكراننى ئۇلاپ ئىشلەتكەندە ئۈنۈمىنى كۆرگىلى بولىدۇ.) ئۇنىڭدىن باشقا قانال رايونى （Channel Zone）ئارقىلىق  سىز كۆرمەكچى بولغان يوللارنى ئۆزىمىز خالىغان ئورۇنغا يۆتكەپ ئىشلىتەلەيمىز.  ھەتتا بىر يولغا بىرىلگەن بارلىق EQ ، دىينامىكلىك ئۈنۈم، ۋە ئۇنىڭدىن باشقا بارلىق تەڭشەكلەرنى گورۇپپا قىلىپ بەلگە قويۇپ ساقلاپ كىيىنكى قىتىم بىرلا ۋاقىتتا ھەممە ئۈنۈمنى بىللە ئەكىرىشكە قۇلايلىق ياراتقىلى بولىدىكەن. (دىمەك بىر يالغۇز مۇزىكا ئىشلىگۈچى ئۈچۈن ئۇنىڭ ھەر قىتىم باس گىتتارغا بىرىدىغان ئۈنۈملىرى ۋە ئىشلىتىدىغان قىستۇرما دېتاللىرى ئوخشاش بولسا بىرلا قىتىم ساقلىۋىلىپ كىيىنكى قىتىم شۇ يەردىن ئەكىرسە ھەر بىر دېتالىنى بىردىن بىردىن تاللاشقا كىتىدىغان ۋاقىتنى تىجەپ قالغىلى بولىدۇ. )

كەسپى بولغان خىزمەت لىنىيەسى :

Cubase 7 نىڭ ئۈن تەڭشەش ۋە ماستىرلاش خىزمەت ئۈنۈمى ئىلگىركىگە قارىغاندا تېخىمۇ يۇقىرى كۆتۈرۈلدى. مەسىلەن A/B ھالىتىنى سېلىشتۇرما قىلىش ، بارلىق ئۈنۈملىگۈچلەرنىڭ شۇۋاقىتتىكى ئۈنۈم بىرىش ئۈنۈمىنى ئاڭلاش ( يەنى bypass) ئىقتىدارى ، قىستۇرما دېتاللارنى ئىزدەش ئىقتىدارى قاتارلىقلار ھازىرلاندى.

دۇنيادىكى مۇزىكا ئىشلەش ساھەسىدىكى داڭلىق خادىملارنىڭ مەسلەھەتى ۋە Steinberg شىركىتىدىكى تېخنىك خادىملارنىڭ تىرىشىشى ئارقىسىدا ئۇلار ئاخرى يېڭىچە پىكىردىكى قانال باشقۇرۇش بۆلىكىنى ئىجاد قىلىپ چىقتى. قانال باشقۇرۇش بۆلىكى سىزنىڭ كەسپى ئۈن كارتىڭىزدىكى بارلىق ئۈن ۋە MIDI نىڭ كىرىش چىقىش يوللىرىنى كۆز ئالدىڭىزغا نامايەن قىلىپ سىزنىڭ باشقۇرۇشىڭىزغا زور قۇلايلىقلارنى ئېلىپ كىلىدۇ . بۇنى ئەمەلىي خىزمەت قىلىش جەريانىدا تولۇق ھىس قىلالايسىز .



قانال مەركىزى :

يېڭىدىن لاھىيەلەنگەن قانال تەڭشەش كۆزنىكى ئادەمنى ھوزۇرلاندۇرۇپ ناھايىتى تىزلا سىز نۆۋەتتە تاللىغان ياكى ئىشلەتكەن قانالغا مۇناسىۋەتلىك بارلىق ئۇچۇرلارنى كۆرسىتىپ بىرەلەيدۇ.



ئاۋازغا ماسلاشتۇرۇلغان ئىقتىدار :

Cubase7 دە تولۇق نەشىردىكى   Voxengo’sCurveEQ دېتالى سەپلەنگەن بولۇپ ئۇنىڭ سىزىقلىق ئىپادىلەش ھالىتى ۋە ئەڭ كىچىك ھالەتتىكى 64 بۆلەكلىك تەڭشىگۈچ ھالىتى بولۇپ ئۇنىڭ ئىنتايىن كەسپى بولغان دولقۇن ئانالىز قىلىش سىزگە ئىنتايىن توغرا بولغان تىنىچ ۋە دىينامىكلىق ھەركەتچان ئانالىز سىخمىسىنى سېلىشتۇرۇپ كۆرسىتىپ بىرەلەيدۇ.



ئۈن ياڭراقلىقىنىڭ يۇقىرى تۆۋەنلىكىنى كۆرۈش:



ئۆتكەنكى بىر نەچچە يىلدىن بويان ئۆلچەملىك ئۈن ياڭراقلىقىنىڭ قىممىتى بارغانسىرى يۇقىرى ئۆرلەشكە باشلىدى. بولۇپمۇ تىلىۋىزىيە ئېلان ساھاسىدە تېخىمۇ گەۋدىلەندى. ياڭراقلىقنىڭ خەلقىئارالىق ئۆلچىمى بىلەن ماس قەدەملىك تەرەققىياتنى ساقلاپ قىلىش ئۈچۈن ھەمدە دىينامىكلىق ھەركەتچان دائىرىنىڭ ئۆلچىمىنىڭ ئۆز ئىچىگە ئېلىش ئۈچۈن يېڭىدىن تەرەققى قىلىۋاتقان  EBU R128 ياڭراقلىق ئۆلچىمىنى مۇكەممەل قوللايدىغان شىكالىنى ئۆزىگە مۇجەسسەم قىلدى. ئۇ سىزنىڭ ھەر ۋاقىت مۇزىكىڭىزنىڭ ياڭراقلىق ئۆلچىمىنى كۆرۈپ تۇرۇشقا ھەمدە EBU R128 ئۆلچىمى بويىچە كۆرسىتىپ بېرىدىغان بولدى.

ئەلالاشتۇرۇلغان ھاسىللاش كۆزنىكى :



يېڭى نەشىردىكى MixConvert سىزگە ناھايىتى يۇقىرى سۈپەتلىك ھاسىللاش ئىقتىدارىنى تەمىن ئىتىدۇ. LFE，Center ۋە Surround قاتارلىق پارامىتىرلارنىڭ ناھايىتى ئىنچىكە بولغان تەڭشەكلىرى بار. ئوخشاش بولغان بىر ھاسىللىغۇچقا ئوخشىمىغان ياڭراتقۇغا ئايرىم ئايرىم ھالدا ئوخشىمىغان ئۈنۈمدىكى تاق يوللۇق ۋە ستروئولىق تاللاش ئىقتىدارلىرى قېتىلغان. بۇنىڭىدن كۆرىۋىلىشقا بولىدىكى يۇقارقى ئىقتىدارلارنىڭ ھەممسى Cubase دىكى Control Room غا مۇجەسسەملەنگەن.

يىراق مۇساپىدىن كونتىرول قىلىش :



پۈتۈنلەي يېڭىدىن لاھىيەلەنگەن يېراق مۇساپىلىق كونتىرول تەھرىرلىگۈچ سىزنىڭ ھەر بىر ئۈنۈملىگۈچ ۋە چالغان سازلىرىڭىنىڭ پارامىتىرلىرىنى گىرافىكلاشتۇرۇلغان ھالەتتە ھەر بىر ئورۇنغا مۇقۇملاشتۇرغىلى بولىدۇ. ئوخشىمىغان شەكىلدىكى كونۇپكىلار ۋە ئۇنىڭدىكى ئاپتۇماتىك دوراش ئىقتىدارى سىزنىڭ شۇ پارامىتىرلارنى تەڭشىشىڭىزگە ئەڭ ياخشى ياردەمچى بولالايدۇ. بۇ يېراق مۇساپىلىق كونتىرول تەھرىرلىگۈچ تۆۋەندىكى قاتتىق دېتاللارنى قوللايدۇ: Avid System 5 MC, Avid Artist Series, Mackie Control, Steinberg Houston, WK-Audio’s ID, Yamaha DM2000 ...... قاتارلىقلار.

سىزنىڭ ئاكورىدلىرىڭىزنى تېپىپ چىقالايدۇ:



Cubase7 دا مەخسۇس ئاكورد يولى ئورۇنلاشتۇرۇلغان بولۇپ سىزنىڭ مۇزىكا ئىشلەۋاتقان ۋاقىتتىكى ئۇچرىغان ئاكوردقا مۇناسىۋەتلىك مەسىلىلەرنى بىر تەرەپ قىلىشىڭىزغا ياردەم قىلالايدۇ ھەمدە كىيىنكى قەدەمدىكى ئاۋازلارنى ئۆزگەرتىشكە ۋە تۈزەپ مۇكەممەللەشتۈرۈشكە ياخشى قۇرال بولالايدۇ. ئالىي voicing تاللاش تۈرى MIDI يول ۋە ئاۋاز يولىدىكى VariAudio تەرىپىدىن ئۆزگەرتىلگەن بۆلەكلەرنى تېپىپ چىقىپ ئۇنى ئاكورىد يولىدا ئايرىم كۆرسىتىپ بىرەلەيدىكەن.

ئەقلى ئىقتىدارلىق مۇزىكا ئىجادىيەت ياردەمچىسى :


  
سىز Cubase7 نى ئىشلەتكەن ۋاقتىڭىزدا ئۇ سىزنىڭ چوقۇم بىر مۇزىكىدا كاتتا بىر تالانتىڭىزنىڭ بولۇشىنى تەلەپ قىلمايدۇ. ھەمدە سىزنىڭ ئاكورد بەلگىلەش ۋە ئورۇنلاشتۇرۇش بىلىملىرىڭىزنىڭ ناھايىتى مۇكەممەل بولۇشىنىمۇ تەلەپ قىلمايدۇ. كۈچلۈك بولغان ئاكورد ياردەمچى قۇرالى سىزگە ئوخشمىغان ئۇسلوپتىكى زامانىۋىي ناخشىلاردىن تەرتىپ بويىچە زامانىۋىي ۋە جاز مۇزىكىلاردا كۆپ قوللىنىلىدىغان. ھەرخىل ئاكوردىلارنى سىزگە تىزىپ كۆرسىتىپ بىرەلەيدۇ. بۇ ئىقتىدار ئىجادىيەتچىلەر ئۈچۈن بەكلا قۇلايلىق.



ئاكورىد ماسلاشتۇرۇش (Hermode Tuning) تېخنىكىسى ناھايىتى جانلىق ھالدا ئاكوستىكا جەھەتتىن بىلەشتۇرىۋىتىلگەن ئاۋازدىن شۇ ئۈن بەلگىنىڭ ئاۋازىنى ئايرىم تەڭشىيەلەيدۇ. مەسىلەن بەزى چوڭ ئاكوردلار بولۇپ قالسا ئۇنىڭ كىچىك ئاكوردقا ئۆزگەرتىشكە ئىمكانىيەت بولدى دىگەن گەپ. بۇنىڭدىكى تېخنىكا بىر قەدەر مۇرەككەپ بولۇپ ئاۋازلارنى پارچىلاپ ئامالنىڭ بېرىچە 3 ئاۋاز ياكى 5 ئاۋاز نى ئەڭ يۇقىرى دەرىجىدە 12 ئاۋازنىڭ بۆلۈنمىسىگە يېقىنلاشتۇرش ۋە ھىساپلاپ چىقىش ئۇسۇلى ئارقىلق ئەمەلگە ئاشۇرۇلغان. ئەلۋەتتە بۇ تېخى يېڭى تېخنىكا بولغاچقا داۋاملىق مۇكەممەللاشتۈرۈشكە مۇھتاج.



VariAudio 2.0  بىلەن ماقالىمىزدە بايا تىلغا ئېلىنغان ئاكورد يولى ناھايىتى مۇكەممەل بىرلەشتۈرىۋىتىلگەن بولۇپ ئاكوردنىڭ يۇقىرى تۆۋەنلىكىنى تۈزەش ئىقتىدارىمۇ قوشۇۋىتىلگەن. يېڭىدىن لاھىيەلەنگەن بۇ ئىقتىدار ناخشىچىنىڭ ئاۋازىغا ئاساسەن شۇنىڭغا ماس ھالدىكى ئاكورد ئاۋازلارنى تەڭشەپ بىرەلەيدۇ.

HALion Sonic SE گە يېڭى مەزمۇنلار قوشۇلغان:



ئەڭ يېڭى كىڭەيتىلگەن HALion Sonic SE دا 300 خىلدىن ئارتۇق يۇقىرى سۈپەتتىكى ھەرخىل چالغۇلارنىڭ ئاۋازى بار . مەسىلەن : natural pianos, breathing choirs, lush strings ۋە moving analog-digital textures قاتارلىقلار. بۇ يۇقىرى ئېنىقلىقتىكى ياخشى سۈپەتتىكى چالغۇلارنىڭ ئاۋازى HALion Sonic SE رەھبەر دېتالىنىڭ ئالىي نەشىرىدىن كەلگەن.

رىتىملار ئادەمنى ھاياجانلاندۇرىدۇ :



Steinberg شىركىتى Cubase 7 گە پۈتۈنلەي يېڭىدىن ئۈلگە ئېلىنغان دۇمباق ۋە رېتىم پاسلارنىڭ مودىلىنى قوشقان. يېڭىدىن قوشۇلغان 30 گورۇپپا دۇمباق ئاۋازلىرى GROOVE AGENT ONE دېتالى بىلەن بىرلىشىپ تېخىمۇ ئىسىل پەيزى بولغان رىتىملارنى ھاسىل قىلالايدۇ. شۇنىڭ بىلەن بىللە يەنە MIDI loop نىڭ ئۇدار تىزىلىشىغا تېخىمۇ رەڭ قوشالايدۇ.

نەچچە مىڭلىغان MIDI loop لار :

يېڭى نەشىردىكى Cubase 7 دا Sequel 3 دىن تاللاپ ئېلىنغان تېخىمۇ يۇقىرى سۈپەتتىكى MIDI loop لار قوشۇلغان بولۇپ بەزىدە ئىلھام كەلگەندە سىز ئۆزىڭىز چېلىپ يۈرمەي تەييار دۇمباقلارنى ئىشلىتىپ ئۆزىڭىزنىڭ مۇزىكىلىرىنى ئىشلىيەلەيسىز .



Steinberg VST Connect SE   دىگەن ئىقتىدارى سىزدىن باشقا Cubase 7 ئابونتلىرى بىلەن ئورتاق ھەمكارلىشىپ مۇزىكا ئىشلەش مەقسىتىگە يەتكۈزەلەيدۇ. ئۇنىڭدىن باشقا ئۆز-ئارا پاراڭلىشىش ، سۆزلىشىش ۋە بىۋاستە نەق مەيدان ئۈن ۋە سىنلارنىڭ ئىنتايىن مۇكەممەل ئۇلىنىپ ئۇچۇر يەتكۈزۈلىشى سىزنى يېڭىچە تەسىرگە ئىگە قىلالايدۇ .



بۇ ASIO-Guard قوغدىنىش تېخنىكىسى Steinberg تەجىربىخانىسىنىڭ يېڭى تەتقىقات نەتىجىسى بولۇپ سىز ئەگەر ناھايىتى مۇھىم بولغان مۇزىكا ئۈنگە ئېلىش خىزمىتىنى قىلىۋاتقاندا كومپيوتېرنىڭ مەلۇم سەۋەپلەر تۈپەيلىدىن خىزمەتنىڭ توختاپ قىلىشنىڭ ئالدىنى ئېلىش ئۈچۈن مۇشۇ تېخنىكا قوللىنىلغان بولۇپ پۈتۈن ھىساپلاش ئۇسۇلىنى ئۈنگە ئېلىشقا قارىتىدۇ. بۇ سىزنى خۇددى نەچچە ئون يىل ئىلگىرىكى تەقلدىي سىگنال دەۋرىگە قايتۇرۇپ قويغاندەك ھىس قىلدۇرىدۇ.

بىخەتەر قوزغىتىش ھالىتى :



ئىشلىىتىش جاريانىدىكى بايقالغان مەسىلىلەرنى توغرا دىئاگىنور قويۇش ۋە شۇنى ھەل قىلىش ئۈچۈن Cubase7 ئۆزىنىڭ بىخەتەر ھالەتتە قوزغىتىش ئىقتىدارىنى قوشتى. بۇ خىل ھالەتتە قوزغاتقاندا ئۆزىمىز تاللىۋالغان ياكى ئۆزگەرتىۋالغان خاسلاشتۇرۇلغان تەڭشەكلەرنى تاللاپ ئۆزگەرتىپ ياكى ئۇنىڭ چەكلەپ قويغىلى بولىدۇ. ياكى بولمىسا Cubase7 نىڭ تەڭشەكلىرىنى خۇددى يېڭى قاچىلىغان ھالەتكە قايتۇرغىلى بولىدۇ. ( بۇنى مەشخۇلات سىستىمىسىدىكى بىخەتەر ھالەتتە قوزغىتىش ئىقتىدارىغا تەقلىد قىلىندى دەپ قاراشقا بولىدۇ. )

يوللارنى ۋە قاناللارنى تىز سۈرئەتتە ئىزدەش :



Cubase7 گە يېڭىدىن قىستۇرما دېتاللارنى ئىزدەشتىن باشقا يەنە ھەر بىر يولغا چالغان چالغۇلارغا قويۇلغان ئىسىم بويىچە ئىزدەش ۋە ئۈن كارتىسىنىڭ چىقىرىش كىرگۈزۈش يوللىرىنى ناھايىتى تىز ھەم توغرا تاپالايدىغان ئىقتىدارلار قوشۇلدى. بۇ كۆپ يوللۇق چوڭ ھەجىمدىكى مۇزىكىلارنى (بولۇپمۇ ئۇسۇل مۇزىكسى ۋە ئوركىستىر بىلەن ئورۇنلىنىدىغان مۇزىكىلار) نى ئىشلىگەن ۋاقىتتا بۇنىڭ ئۈنۈمى تېخىمۇ گەۋدىلىك بولىدۇ. پەقەت ئىزدەش رامكىسىغا مۇناسىۋەتلىك ھالقىلىق ئاچقۇچلۇق سۆزنى كىرگۈزسەكلا شۇنىڭغا مۇناسىۋەتلىك بارلىق تەپسىلاتلار كۆز ئالدىمىزغا تىزلىكتە نامايەن بولىدۇ. بۇ ئارقىلىق مەلۇم بىر يولنى ئىزدەش ئۈچۈن كەتكەن ۋاقىتتىن تىجەپ قالغىلى بولىدۇ. بۇنىڭ بىلەن ئىشلىگۈچىلەرنىڭ ئىش ئۈنۈمى يۇقىرى كۆتۈرۈلىدۇ.

MemZap :

MemZap سىزنى يېڭىچە ئىقتىدارى سىزنى تېخىمۇ ھاياجانلاندۇرىدۇ.

Steinberg Hub:



بۇ قىتىملىق يېڭى نەشىرىدە Cubase قوزغالغاندا يېڭىچە ياردەم كۆزنىكى قوشۇلغان بولۇپ بۇ يەردە داۋاملىق ئورگان تەرەپ ئىلان قىلغان سىن دەرىسلىكلەر ئۇنىڭدىن باشقا يەنە RSS ئىقتىدارى قوشۇلغان بولۇپ داۋاملىق ھالدا شىركەتتىن ھەمدە Steinberg تور بىتىدىكى ۋە مۇنبەرلىرىدىكى ئەڭ يېڭى ئۇچۇرلار ،خەۋەرلەر ، يېڭىلايدىغان ياماقلار، مۇلازىمەتلەر ، ۋە مەھسۇلات ئۇچۇرلىرى بىلەن تەمىنلەيدۇ.

ئالىي نەشىردىكى سىن دەرىسلىكلەر :

ئىشلەتكۈچىلەر تور ئارقىلىق 4 سائەتتىن ئارتۇق توردا كۆرگىلى بولىدىغان سىن دەرىسلىكى ئارقىلىق Cubase نى داۋاملىق ئىلگىرلەپ ئۆگىنەلەيدۇ. ھەمدە يېڭى نەشىردىكى ئۆزگەرتىشلەرنىڭ تەپسىلى مەزمۇنىنى بىلىۋالالايدۇ. بۇ ئارقىلىق سىزنىڭ يېڭى نەشىردىكى دېتاللارنى ئۆگىنىشكە كەتكەن ۋاقتىڭىزنى قىسقارتالايدۇ.

=============================================================

Nuendo 6

بۇ يېڭى نەشىردىكى دېتالدا Cubase 7 دا قوشۇلغان يېڭى ئىقتىدارلار قوشۇلغاندىن باشقا يەنە IOSONO نىڭ Anymix Pro 1.3 ئۈن تەسۋىرى ۋە Upmixing قىستۇرما دېتالى ، Lane ياڭراقلىقى ، ADR Taker سىستىمىسى، 1.5 گېگابايىتلىق Pro Sound Effects Library لىق ئۈن ئالاھىدە ئۈنۈم مەنبەلىرى بار.



تۆۋەندىكىلىرى Cubase 7 دىكى قوشۇلغان بارلىق ئىقتىدارلار بولۇشتىن سرىت (مۇزىكا ئىجاد قىلىشقا مۇناسىۋەتلىك ئىقتىدارلاردىن باشقا) يەنە Nuendo 6 گە خاس بولغان يېڭى ئىقتىدارلارمۇ قوشۇلغان.

IOSONO نىڭ Anymix Pro 1.3 ئۈن تەسۋىرى ۋە Upmixing قىستۇرما دېتالى



بۇ ئىنقىلاب خاراكتىرلىك قىستۇرما دېتال سىزنىڭ ھەرخىل ئۆلچەمدىكى ئايلانما سىتىرىئولىق ئاۋازلارنى ئىشلىشىمىزگە زور قۇلايلىقلارنى تۇغدۇرالايدۇ. ئالىي دەرىجىلىك ئاۋاز تەسۋىر ئىقتىدارى ۋە ئايلانما سىتىرىئولىق ئاۋازلارنىڭ يېڭىدىن قۇرۇلغان ھىسابلاش ئىقتىدارى ۋە ئىچكى بۆلەككە ئورۇنلاشتۇرۇلغان ئوخشىمىغان ھالەتتىكى Upmix ھالەت تەڭشەكلىرى ساقلانغان. پەۋقۇلئاددە ھەقىلىلىككە يۈزلەنگەن ئاۋاز تەسۋىر سىستىمىسى ئاپتۇماتىك ھالدا بىر نەچچە ئاۋازلارنىڭ ئوتتۇرىسىدىكى ئارلىقنى ۋە EQ تەڭشەكلىرىنى تەڭشەشكە بولىدۇ.

Lane ياڭراقلىقى :



Nuendo 6 ئاۋازنىڭ ياڭراڭلىقى ئۈچۈن يېڭىدىن ئۆلچەم قوللنىلغان بولۇپ ، ئادەتتىكى ياڭراقلىقىغا مۇناسىۋەتلىك دېتال قۇراللاردا پەقەت شۇ دەقىقىدىكى كونكىرىتنى بولغان سانلارنى كۆرسىتىپ بىرەتتى. لىكىن Nuendo 6 دا ھەر بىر ئايرىم مۇستەقىل چالغۇ يولى ئۈچۈن ئايرىم ياڭراقلىق قىممىتىنىڭ ئەگرى سىزىقلىق ئىپادىلىنىشىنى بەلگىلىگىلى بولىدۇ.

ADR Taker سىستىمىسى:



يېڭىدىن كۆڭۈل قويۇپ  ئىشلەنگەن ADR Taker سىستىمىسى مۇكەممەل بولغان ADR ۋە ئادەم ئاۋاز بىرلەشتۈرۈش ئىقتىدارىنى ھازىرلىغان بولۇپ ئادەم ئاۋازىنى ۋە زىيارەتتىكى دىئالوگلارنى ناھايىتى يۇقىرى ئۈنۈمدە تىز ۋە توغرا بىر تەرەپ قىلالايدۇ. ( بۇ ئاساسلىقى ھازىرقى زامان كىنو ئىشلەش تېخنىكىسىدا كىنو ئارتىسلىرىنىڭ نەق مەيدان دىئالوگىنى ئۈنگە ئېلىشقا ئىنتايىن زۈرۈر بولىدۇ. شۇڭا Nuendo نىڭ تەتقىق قىلىش ۋە تەرەققى قىلدۇرۇش لىنىيەسى كىنوچىلىقنى مەركەز قىلغان ئاساستا بولىدۇ.). ئۇنىڭدىن باشقا 32 يول بەلگە سېلىش يولى تەمنلەنگەن بولۇپ ، ھەر بىر يولغا ئايرىم ئايرىم ھالدا خاسلىق ۋە ۋە يۇقىرى ئۈنۈمدىكى باشقۇرۇش سىستىمىسى ، مەخسۇس ئاۋاز ئېلىش كۆزنىكى ، دىئالوگگا ماسلاشتۇرۇلغان سىن يولى ، سىن count-in تېخنىكىسى  EDL تىزىملىكىنى ئەكىرىش ئىقتىدارى قاتارلىقلار بار.


1.5 گېگابايىتلىق Pro Sound Effects Library لىق ئۈن ئالاھىدە ئۈنۈم مەنبەلىرى



ھەممىسى 24 بىتلىق 48 كىلوگىرتىسلىق WAVE فورماتىدا بولۇپ . ھەرخىل ئالاھىدە ئۈنۈمدىكى ئادەم ئاۋازلىرى ، ھايۋاناتلارنىڭ ئاۋازلىرى ، ۋەھىمىيلىك ، فانتازىيلىك ، تەنتەربىيە . تەبىئەت ھادىسلىرىنىڭ ئاۋازلىرى تۈر بويىچە قوشۇلغان. بۇلارنىمۇ يىغىپ كەلسەك شۇ كىنو ئىشلىرىنىڭ ئىھتىياجى تۈپەيلى مەيدانغا چىققان.



Nuendo 6 نىڭ يەنە بىر NEK دەپ ئاتىلىدىغان كىڭەيتىلگەن نۇسخىسى بولۇپ ئۇنىڭدا Cubase 7 دىكى مۇزىكا ئىجادىيىتىدىكى مۇناسىۋەتلىك ئىقتىدارلارنىڭ ھەممىسى قوشۇلغان. بۇمۇ شۇ مۇناسىۋەتلىك ئىھتىياجلىقلارغا قارىتىلغان. لىكىن شۇ ئىسىمىزدە بولۇشى كىرەككى بۇ ئىككى دىتالنى بىر شىركەت ئىشلىگەن بىلەن ئوخشىمىغان تەتقىقات گورۇپپىسى ئىشلەيدۇ .  بەزى ئورتاق قوللىنىلىدىغان تېخنىكىلار بار شۇنداقلا ئايرىم مۇستەقىل بولغان ھىساپلاش ئىقتىدارلىرى بار. شۇڭا ئۇلار بىرسى بىرسىنىڭ ئورنىنى ئالالمايدۇ. بىرسى يەنە بىرسىنىڭ ئۆز ئىچىگە ئالالمايدۇ. ماكان مۇزىكا مۇنبىرى سىلەرگە شۇنى تەۋسىيە قىلىدۇكى بىز مۇزىكا ئىشلىگۈچى بولۇش سۈپىتىمىز بىلەن يەنىلا ئورگان تەرەپ مۇزىكا ئىشلەش ئۈچۈن چىقىرىلغان Cubase دېتالىنى ئىشلىتىشىڭلارنى تەۋسىيە قىلىمىز.

ئالاھدە ئەسكەرتىش :

Cubase ئىشلەتكۈچىلىرىنىڭ ئىچىدە 2012-يىلى 10-ئاينىڭ 25-كۈنىدىن كىيىن CUBASE 6.5/6 ۋە CUBASE ARTIST 6.5/6 نىڭ مائارىپ نەشىرى ۋە بازار نەشىرىنى سېتىۋالغۇچىلارغا 2012-يىلى 12-ئاينىڭ 5-كۈنى ھەقىسز 7 نۇسقىسىغا نەشىر كۆتۈرۈش مۇلازىمىتى تەمىنلەيدۇ.

Nuendo 6 بولسا 2013-يىلىنىڭ بىرىنجى پەسلىدە بازارغا سېلىشى مۇمكىنكەن. گەرچە شۇ كۈنى  Cubase 7 نىڭ تارقىتىلىش كۈنى ئىلان قىلىنسىمۇ لىكىن بىرلا ۋاقىتتا بازارغا سېلىنمايدىكەن. 2012-يىلى 11-ئاينىڭ 14-كۈنىدىن كىيىن Nuendo 5 نى ئاكتىپلاشتۇرغان خېرىدارلار Nuendo 6 ھەقىقى بازارغا چىققان كۈنى ھەقىسىز نەشىرىنى كۆتۈرۈۋالسا بولىدىكەن.
http://www.steinberg.net/en/home.html

letip

كۆپ جاپا تارتىپسىز بورادەر!!! بەكمۇ ئەستايىدىل يېزىپىسز بۇ ماقالىنى ھەم يىڭى ئاتالغۇلارنى ئۇيغۇرچە نام بىلەن ئاتاپسىز... بەلكىم بۇ نامنى ئۆزىڭىز ئېجاد قىلغاندۇرسىز... ئىشىنىمەنكى بۇ بىر يىڭى ئوسلۇبتىكى يۇمىتال چۈشەندۈرمىسى شەكلىدە مەيدانغا كەلگەن ماقالىڭىزنى ھەممە دوسىتلار ياقتۇرۇپ ئوقۇيدۇ ھەم ساقلاپ خاتىرە قالدۇرىدۇ....   داۋاملىق تېرىشىڭ!!!

زامان

تىمىڭىزغا كۆپ رەخمەت ،بۇ راستىنلا ئىسىل خەۋەركەن

m-k-music

تازاكارامەت ئىش بولغىدەك،باھاسى نەچچە دوللەردۇ بۇ كاساپەتنىڭ؟

izna

پاھ ،ھەقىقەتەن ئىسىل خەۋەركەن.بىزنى مۇشۇنداق ئىسىل خەۋەر بىلەن خەۋەردار قىلغانلىغىڭىزغا كۆپتەشەككۈر!
Cubase 7نىڭ باھاسى قانچە پۇلدۇ؟

makan

1-تېما بولا مۇشۇنداق بولا،شۇنداق تەپسىلى خەۋەر بوپتۇ،شۇنداقلا چۈشۈنۈشلۈك بولپتۇ؛
2-بۇرۇن خەنچە مۇنبەرلەردە مۇشۇنداق تېمىلارنى كۆرسەم ھەۋىسىم كىلىتى،قاچانمۇ بىزنىڭ بالىلار مۇشۇنداق تېمىلارنى يوللايدىغان بولا؟ دەپ ئويلايتىم،ئەخمەتجان ھەقىقەتەن ۋاقىت چىقىرىپ تەپسىلى تەييارلاپتۇ،ئەجرىڭىزگە رەھمەت!
3-بۇنداق ئەجىر قىلغان ئىسىل تېمىنى جەۋھەرلىمەسلىككە،چوقىلىماسلىققا بانارىمىز يوق؛
بۇ تېمىدىن Cubase 7 ۋە Nuendo 6 نىڭ نۇرغۇن ئىسىل ئىقتىدارلىرىدىن خەۋەردار بولدۇم.

makan

بۇ گۇي قاچانمۇ بىز بىلەن يۈز كۆرۈشە؟
ئەرزانراق بولغان بولسا ھەقىقىي نەشىرىنى سېتىۋىلىپ ئىشلەكەن بولساق ئىسىل بولىتى.

muhtarmusic

بەك ياخشى ئىش بوپتۇ ،رەھمەت سىزگە ،لىكىن بىز قاچانلىققا cubase 7 نى ئىشلىتەرمىز بەكلا ئالدىراپ كىتىۋاتىمەن.تېما ئىگىسىگە رەھمەت.

ahmatjan

مىنىڭچە بۇ بازارغا سېلىنسا 5000 يۈەن ئەتراپىدا چىقىشى مۇمكىن. چۈنكى ھەممە نەرسىنىڭ باھاسى ئۆسۈپ كىتىۋاتىدۇ . يەرشارى خاراكتىرلىك ئىقدىسادى كىرىزىستە بۇ ناھايىتى ئەرزانلا باھاغا ئۇچراپ قېلىشى ئەمەلىيەتتىن بەك يىراق ئىش. مىنىڭچە بۇنىڭغا خەجلىگەن 5000 يۈەن پۇلنى Windows 8 نىڭ ھەقىقىي نۇسقىسىنى سېتىلىۋىلىشقا ئىشلەتسەك مانا بۇ ھەقىقى ئىسىل ئىش بولاتتى. چۈنكى ئىككىسىنىڭ ئوتتۇرىسىدا 20 ھەسسە پەرىق بار. رەخمەت ئېيتىشقا توغرا كەلسە Microsoft شىركىتىگە ھەقىقى رەھمىتىمىزنى بىلدۈرگىنىمىز ياخشى . ئەگەر تولۇق ئىقتىساد بولسا ھەممىسىنىڭ ھەقىقى نەشىرىنى ئىشلەتسەك ئۇ تېخىمۇ ياخشى. ( مىنى خاتا چۈشەنمەڭلار جۇمۇ مەن پەقەت مۇشۇ ئىككىسىنىڭ ھازىرقى ھالىتىنىڭ پۈتۈن مىللەتكە بولغان پايدىلىق تەرىپىنىڭ يۇقىرى تۆۋەنلىكى بويىچە ھەمدە بىرلا ۋاقىتتا قانچىلىك كىشىگە تەسىر قىلالايدىغانلىقىغا قاراپلا سېلىشتۇرۇپ قويدۇم خالاس ، ھەرگىزمۇ cubase 7 نىڭ ھەقىقى نەشىرىنى سېتىلىۋىلىشقا بولغان قىزغىنلىققا سوغۇق سۇ سەپكەنلىك ئەمەس. )  توردا خەت ئارقىلىق ئۆزىمىزنىڭ كۆڭلىدىكى يازغاچقا ئىنتۇناتسىيەسىنى تەڭ ئىپادىلىگىلى بولماي خاتا چۈشىنىشتىن خالىي بولغىلى بولمايدىكەن. شۇڭا ئالاھىدە ئەسكەرتىپ قويدۇم.

YAMAHA

تىڭىزغا رەخمەت . ياخشى خەۋەركەن

505705200

تېمىڭىزغا كۆپ رەخمەت    ھەقىقەتەن يېڭلىقنىڭ ئۈستىگە يېڭىلىڭ چىقىپتۇ   

PARUK213

رەخمەت سىزگە ،.،.،زامان تەرەقى قىلغانسىرى مۇزىكا ئىشلەش بارغانسىرى ئاسانلىشىپ كېتەمدۇ نىمە ...........

makan

ئەقلى ئىقتىدارلىق مۇزىكا ئىجادىيەت ياردەمچىسى :







  
سىز Cubase7 نى ئىشلەتكەن ۋاقتىڭىزدا ئۇ سىزنىڭ چوقۇم بىر مۇزىكىدا كاتتا بىر تالانتىڭىزنىڭ بولۇشىنى تەلەپ قىلمايدۇ. ھەمدە سىزنىڭ ئاكورد بەلگىلەش ۋە ئورۇنلاشتۇرۇش بىلىملىرىڭىزنىڭ ناھايىتى مۇكەممەل بولۇشىنىمۇ تەلەپ قىلمايدۇ. كۈچلۈك بولغان ئاكورد ياردەمچى قۇرالى سىزگە ئوخشمىغان ئۇسلوپتىكى زامانىۋىي ناخشىلاردىن تەرتىپ بويىچە زامانىۋىي ۋە جاز مۇزىكىلاردا كۆپ قوللىنىلىدىغان. ھەرخىل ئاكوردىلارنى سىزگە تىزىپ كۆرسىتىپ بىرەلەيدۇ. بۇ ئىقتىدار ئىجادىيەتچىلەر ئۈچۈن بەكلا قۇلايلىق.

بۇ دەششەت ئىقتىداركەن......
بۇنىڭ ئىقتىدارلىرى مۇشۇنداق تەرەققىي قىلسا كىيىنچە ئاغزىمىزدا بىرەر مۇزىكىنى غىڭشىپ بەرسەك ئاپتۇماتىك ئاكوردلاشتۇرۇپ بېرىدۇ بەلكىم.

MUSICPRO

ياخشى خەۋەركەن !بىزمۇ خەۋەردار بولدۇق ، رەخمەت سىزگە ئەخمەتجان

ئىزنار

ئالدىراش يۈرۈپمۇ مۇشۇنداق ئىسىل تېمىدىن خەۋەردار قىلغىنىڭىزدىن تولىمۇ خۇرسەن بولدۇم.