ئاقسۇ شەھىرى بۇ يىل ئوتتۇرا، كىچىك كارخانىلارنىڭ تەرەققىياتىنى پائال قوللاپ، كارخانىچىلارنى غەمدىن خالاس قىلدى.

ئاقسۇ شەھەرلىك مالىيە ئىدارىسى بۇ يىل كىرگەندىن بۇيان، يۇقىرىدىن 21 مىليون 747 مىڭ يۈەن مالىيە خاراكتېرلىك ياردەم مەبلىغىنى قولغا كەلتۈرۈپ، ئۇنى پۇقراۋى كارخانىلارنىڭ سودا قەرز پۇلىنىڭ ئۆسۈم تولۇقلىمىسى، ئاز سوممىلىق كېپىللىك قەرز پۇل ئۆسۈم تولۇقلىمىسى، تاشقى سودىدىكى تاموژنىغا مەلۇم قىلىدىغان تالونلار خىراجىتى ياردەم پۇلى قىلىش بىلەن بىللە، بۇ پۇلدىن پايدىلىنىپ يەرلىك مەھسۇلاتلارنى ئېكسپورت قىلغان كارخانىلارنى مۇكاپاتلىدى.

پەن – تېخنىكا تىپىدىكى ئوتتۇرا، كىچىك كارخانىلارنىڭ تېخنىكىدا يېڭىلىق يارىتىش، يەرلىك ئالاھىدىلىككە ئىگە ئوتتۇرا، كىچىك كارخانىلارنىڭ تەرەققىياتىنى تېزلىتىش ۋە ئوتتۇرا، كىچىك كارخانىلارنىڭ خەلقئارادا بازار ئېچىشتىكى 27 تۈرىگە مەدەت بەردى. تاشقى سودا كارخانىلىرىنىڭ تەرەققىياتىنى ئىلگىرى سۈرىدىغان، ئوتتۇرا، كىچىك كارخانىلارنى تەرەققىي قىلدۇرىدىغان، ئاپتونوم رايون بېكىتكەن نۇقتىلىق تېخنىكىدا يېڭىلىق يارىتىش تۈرلىرىنى ياردەم مەبلىغى بىلەن قوللىدى.