فىرانسىيە ‹‹پارىژلىقلار گېزىتى ›› نىڭ 10-ئىيۇندىكى خەۋىرىگە قارىغاندا، فىرانسيەنىڭ دىپلوماتىيە مىنىستىرى فابىيۇس 9-ئىيۇن ئالجىرىيە پايتەختى ئالجىر شەھىرىدە فىرانسىيە بىلەن ئالجىرىيەنىڭ ئىقتىسادىي ھەمكارلىق يىغىنىغا قاتناشقاندا نەچچە قېتىم مۈگدەپ قالغان

يەر شارى ۋاقىت گېزىتى ئۇنىۋېرسال خەۋىرى : فىرانسىيە ‹‹پارىژلىقلار گېزىتى ›› نىڭ 10-ئىيۇندىكى خەۋىرىگە قارىغاندا ، فىرانسيەنىڭ دىپلوماتىيە مىنىستىرى فابىيۇس 9-ئىيۇن ئالجىرىيە پايتەختى ئالجىر شەھىرىدە فىرانسىيە بىلەن ئالجىرىيەنىڭ ئىقتىسادىي ھەمكارلىق يىغىنىغا قاتناشقاندا نەچچە قېتىم مۈگدەپ قالغان ، ئالجىرىيەدىكى بىر خۇسۇسىي تاراتقۇ بۇ كۆرۈنۈشنى تېلېكامېرادا سۈرەتكە ئېلىۋالغان ، كېيىن فىرانسىيە تاراتقۇلىرىنىڭ تور بېكەتلىرىدە ئېلان قىلىنىپ، تورداشلارنىڭ مۇنازىرىسىنى قوزغىغان . سىن كۆرۈنۈشىدە ئايان بولۇشىچە ، فابىيۇس گەرچە يىغىندا نەچچە قېتىم ئۆزىنى سەگەك تۇتۇشقا ئورۇنغان بولسىمۇ ، ئەمما يەنىلا مۈگدەك بېسىپ ، نەچچە قېتىم ئۇخلاپ قالغان .

ئىگىلىنىشىچە ، بۇ فابىيۇسنىڭ رەسمىي سورۇنلاردا تۇنجى قېتىم ئۇخلاپ قېلىشى ئەمەسكەن . 2012-يىلى ھوللاند زۇڭتۇڭ سايلىمى قوماندانلىق باش ئىشتابىدا چاقىرغان ئاخبارات ئېلان قىلىش يىغىنىدا ، يەنە ۋاشىنگتوندا ھوللاندقا ھەمراھ بولۇپ، ئەنگلىيە باش ۋەزىرى كامېرون بىلەن كۆرۈشكەندە ، فابىيۇس ئۇخلاپ قالغان . شۇ سەۋەبتىن كىشىلەر ئۇنى ‹‹ئۇيقۇخۇمار فابىيۇس›› دەپ ئاتىۋالغان .