شىنخۇا تورىنىڭ 4-ئاينىڭ 25-كۈنى كىيىۋدىن بەرگەن تېلگىراممىسى ، ئۇكرائىنا ئىچكى ئىشلار مىنىستىرلكنىڭ 25-چېسلا ئېلان قىلغان ئۇچۇرىدا دىيلىشچە،8نەپەر غەرىبنىڭ ھەربىي ئىشلار تەكشۈرگۈچى خادىمى ۋە 5نەپەر ئۇكرائىنا ھەربىي تەرەپ ۋەكىلى شۇكۈنى چۈشتىن بۇرۇن ئۇكرائىنا شەرقىي قىسمدىكى شەھەر سىلاۋيانسىكقا كىرگەندە تۇتۇپ قېلىنغان.

ئۇكرائىنا ئىچكى ئىشلار مىنىستىرلكنىڭ ئۇچۇرىدا دىيلىشىچە،بىر تۈركۈم سالاھىيتى ئېنىق بولمغان كىشىلەر سالاۋيانسىك شەھەر ئەتراپىدىكى شەھەرگە تۇتشىدىغان يولدا ياۋروپا بىخەتەرلىك تەشكىلاتى ۋەكىللىرى ۋە ئۇكرائىنا ئارمىيە خادىملىرى ئولتۇرغان ئاپتومبىلنى تۇسۇپ، ئۇلارنى شەھەر مەركىزگە ھەيدەپ ئاپارغان.

نۆۋەتتىكى ھۆكىمەت ھازىر رۇسىيەگە مايىل كۈچلەرنىڭ ۋەكىللىرى بىلەن ئادەمنى قۇيۋىتىش توغىرلىق مەسلىھەتلەشمەكتە.

ئۇكرائىنا ئاخبارات ۋاستىللىرى شۇ كۈنى كەچ ياۋروپا بىخەتەرلىك تەشكىلاتىنىڭ ئۇقتۇرشىدىن نەقىل كەلتۈرۈپ دىيشىچە،تۇتۇپ قېلىنغان خادىملار ھەرگىزمۇ مەزكۇر تەشكىلاتنىڭ كۈزىتىش ئىتتىپاقى ئەزاسى ياكى چوڭ سايلامنى كۈزەتكۈچى خادىملىرى ئەمەس بۇلۇپ،بەلكى ئۇكرائىنا ھازىرقى ھۆكىمەت ياۋروپا بىخەتەرلىك تەشكىلاتىدىن ھەربىي ئىشلارنى تەكشۈرۈشكە تەكلىپ قىلىپ ئەكەلگەن خادىملار ئىكەن.

ئۇلارنىڭ ئىچىدە 4 نەپىرى گىرمانىيەدىن كەلگەن، قالغان 4نەپىرى ئايرىم -ئايرىم ھالدا چېخ،دانىيە،پولىشا ۋە شىۋىتشىيەدىن كەلگەن.

ھۆكىمەتكە ئېتراز  بىلدۈرگۈچىلەر تەرپىدىن سايلاپ چىقىلغان سالاۋيانسىك ‹‹شەھەر باشلىقى ›› بونىمالىيىفنىڭ دەلىللىشچە،ئۇنىڭ ئادەملىرى ھەقىقەتەن بىر چوڭ ئاپتوبۇسنى تۇتۇپ قالغان،ھەمدە ئاپتوبۇس ئىچىدە ئىشىلتىش چەكلەنگەن ئالاھىدە ئوق-دورىلارنى بايقىغان.

نۆۋەتتە ئۇلار ئاپتوبۇستىكى ھەممە ئادەمنىڭ سالاھىيتىنى ئېنىقلىماقتا.ئاپتوبۇستىكى كىشىلەرنىڭ ھەممىسى ئېتراز بىلدۈرگۈچلەر تەرپىدىن كونتىرول قىلىنغان شەھەرلىك دۆلەت بىخەتەرلىك ئىدارىسى بىناسىغا ئورۇنلاشتۇرۇلغان.