شىنخۇا تورى خەۋىرى ،لەگلەك تورى تەرجىمىسى .

نەچچە ئون نەپەر ھەرمىللەت مۇتەخەسىسى ،ئالىملار ۋە ئاپتونۇم رايون ئىچى ۋە سىرتىدىكى نەشىرىياتلارنىڭ تىرىشىشى نەتىجىسىدە ،شىنجاڭ تارىخىدىكى ئەڭ چوڭ مەدەنىيەت ئۇلۇغ قۇرۇلىشى -شىنجاڭ مەدەنىيەت خەزىنىسىدىكى تۇنجى تۈركۈمدىكى ئەدەبىي ئەسەرلەر يېقىندا رەسمىي نەشىر قىلىندى .

مەدەنىيەت خەزىنىسى خەنزۇ ،ئۇيغۇر ،قازاق ،موڭغۇل ،قىرغىز ،شىبە يېزىقىدىن ئىبارەت ئالتە خىل يېزىقتا نەشىر قىلىنىپ پۈتۈن مەملىكەت ۋە دۇنياغا تارقتىلىدۇ ،تۈزگۈچىلەر ئەسەرلەرنىڭ يۇقىرى ئۆلچەملىك يۇقىرى سۈپەتلىك ،يۇقىرى سەۋىيەلىك بۇلۇشىغا كاپالەتلىك قىلىش ئۈچۈن ،شىنجاڭنىڭ نەچچە مىڭ پارچە مەدەنىيەت ئەسەرلىرى ئىچىدىن ياخشى ئەسەرلەرنى تاللاپ ئەستايىدىل تەكشۈرۈپ ،قايتا رەتلەش ئارقىلىق،ئىككى تۈركۈم ئىككى يۈز نەچچە خىل ئەسەرلەر ئادالوگىنى تۈزىدى .

يېقىندا بۇنىڭ 26 تومى نەشىر قىلىندى .ئۇ قەدىمىي دەۋىردىكى غەربىي يۇرتتىن تارتىپ ،ھازىرقى شىنجاڭدا ياشاۋاتقان ھەرقايسى مىللەتلەرنىڭ تارىختىكى داڭلىق مەدەنىيەت ئىجادىيىتىگە ،شۇنىڭ بىلەن بىرگە دۇنيانىڭ شىنجاڭدىن ئىبارەت بۇ سىرلىق تۇپراقنىڭ ئوخشىمىغان تارىخى دەۋرىدىكى تونۇشىغا ۋەكىللىك قىلالايدۇ .ھزاىر بېكىتىلگەن شىنجاڭ مەدەنىيەت خەزىنىسىگە قۇتادغۇبىلىك ،جاڭغىر ،ماناس ،تۈركىي تىللار دىۋانى قاتارلىق شىنجاڭدىكى ھەرمىللەت خەلقىنىڭ نادىر داڭلىق ئەسەرلىرى تاللاپ كىرگۈزۈلدى ،شۇنىڭ بىلەن بىرگە ،چوڭ تىپتىكى تارىخى ئەدەبىي ئەسەر لەر ،ۋە ھەر خىل كىتاپتىكى شىنجاڭغا ئائىت مەزمۇنلارمۇ شىنجاڭ مەدەنىيتى خەزىنىسىگە كىرگۈزۈلدى .

بۇنىڭدىن باشقا يەنە تارىخى شەخىسلەر ،ھەرقايسى مىللەتلەرنىڭ تارىخى ،خەلق ئەدەبىياتى قاتارلىق مەزمۇنلارنى ئۆزئىچىگە ئالغان ئەسەرلەر مۇ ،شىنجاڭ مەدەنىيەت خەزىنىسىگە كىرگۈزۈلدى .شىنجاڭ مەدەنىيەت خەزىنىسىنى تۈزۈش ئارقىلىق قەدىمكى دەۋىردىكى غەربىي يۇرت ،ھازىرقى شىنجاڭنىڭ بۇرۇنقى دەۋىردىكى ،مەركىزىي خاندانلىق بىلەن بولغان مۇناسىۋېتى ،بۇرۇنقى جۇڭگودىكى ھەرقايسى سۇلالە دەۋرلەر ،شىنجاڭدىكى ھەر مىللەت خەلقىنىڭ نەتىجىسى ئەكس ئەتتۈرۈلدى .شىنجاڭ مەدەنىيتى خەزىنىسىنىڭ تۈزۈلىشى ،يالغۇز شىنجاڭدىلا ئەمەس ،بەلكى دۆلىتىمىز ئىچى ۋە سىرتىدىمۇ خېلى چوڭ تەسىر كۆرسىتىدۇ .شىنجاڭ مەدەنىيەت خەزىنىسىنىڭ نەشىر قىلىنىشىغا ،شىنجاڭ ئىلىم ساھەسى ،نەشرىيات ساھەسىدىكى نۇرغۇن مۇتەخەسىسى ئالىملارنىڭ قان تەرى سىڭدى .

40 تىن كۆپ ئالىم ۋە مۇتەخەسسىستىن تەشكىللەنگەن تەھرىر مۇتەخەسىسلەر قوشۇنى ئاپتونوم رايونىمىزنىڭ ئىچى ۋە سىرتىدىكى 13 نەشىرىياتنى ئايرىم ھالدا نەشىر قىلىشقا ماسلاشتۇردى .

لەگلەك تورى ئۈندىدار سالونىنى قۇشىۋېلىڭ ،ئىزدەش نۇمۇرى :LEGLEK