خەلق تورى 1-فېۋرال تېلېگراممىسى، ئامېرىكا تاراتقۇلىرىنىڭ «سەئۇدى ئەرەبىستان ئاخبارات» گېزىتىنىڭ خەۋىرىدىن نەقىل كەلتۈرۈشىچە، 31-يانۋار، سەئۇدى ئەرەبىستان دائىرىلىرى توققۇز نەپەر ئامېرىكا پۇقراسىنى قولغا ئالغان، بۇ كىشىلەر ئۆتكەن بىرنەچچە كۈندە قورشاپ تۇتۇلغان 33 نەپەر «تېررورلۇق» گۇماندارلىرىنىڭ ئىچىدىكى ئەزالار ئىكەن.

        بۇ گېزىت خەۋەر مەنبەسىنى ئاشكارىلاشنى خالىمىغان بىر خەۋەرنى نەقىل كەلتۈرۈپ مۇنداق دەيدۇ، بۇلارنىڭ ئىچىدىكى تۆت نەپەر ئامېرىكىلىق 26-يانۋار قولغا ئېلىنغان، قالغان بەش كىشى ئۆتكەن تۆت كۈن ئىچىدە تۇتۇلغان.

         بۇ گېزىتتە خەۋەر قىلىنىشىچە، قولغا ئېلىنغانلارنىڭ ئىچىدە 14 نەپەر سەئۇدى ئەرەبىستانلىق، ئۈچ نەپەر يەمەنلىك، ئىككى نەپەر سۈرىيەلىك، بىر نەپەر ھىندونېزىيەلىك، بىر نەپەر فىلىپپىنلىق، بىر نەپەر ئەرەب بىرلەشمە خەلىپىلىكىلىك، بىر نەپەر قازاقىستان پۇقراسى ۋە بىر نەپەر پەلەستىنلىك بار ئىكەن. ئەمما بۇ تېررورلۇق گۇماندارلىرى ئىچىدە ئىسلام دۆلىتى تەشكىلاتىغا چېتىشلىقلار بارمۇ-يوق ئېنىق ئىزاھلانمىغان. ئىسلام دۆلىتى تەشكىلاتى يېقىنقى بىرنەچچە ئايدىن بۇيان سەئۇدى ئەرەبىستانىنىڭ بىخەتەرلىك قىسىمى ۋە شىئە مەزھىپى ئەربابلىرىغا نىسبەتەن ئېلىپ بارغان كۆپ قېتىملىق ھۇجۇم قىلىش ۋەقەسىگە مەسئۇل بولىدىغانلىقىنى بىلدۈرگەن.