ئېدۋارد سنوۋدىن ( Edward Snowden ) غەربى جەنۇپ (SXSW)چوڭ يېغىنىدا زىيارەتنى قۇبۇل قىلغان. ھەمدە بىر قاتار ئامېرىكا دۆلەت بىخەتەرلىك ئىدارىسى ( NSA ) غا مۇناسىۋەتلىك ئەڭ يېڭى ئوغۇرلۇقچە ئاڭلاش پىلانىنىڭ ھۆججەتلىرىنى ئاشكارىلىغان.

بۇ ھۆججەتلەرنىڭ مەلۇم بېتىدىن تېڭشۈن شىركىتىنىڭ ئالاقە يۇمشاق دېتالى بولغان QQ ۋە جۇڭگۇ كۆچمىسىنىڭ دەل ۋاقتىدا ئۇچۇرلاشقىلى بولىدىغان ئالاقە قورالى ئۇچقۇر خەت (飞信) مۇ NSA ئىدارىسىنىڭ ئوغۇرلۇقچە ئاڭلاش دائىرىسىنىڭ ئىچىدە ئىكەنلىكىنى كۆرۈۋالغىلى بولىدۇ.

بۇ ھۆججەتتە كۆرسىتىلىشىچە NSA شىركىتى 2010- يىلىدىن باشلاپ TURBINE ناملىق چوڭ كۆلەملىك ئوغۇرلۇقچە ئاڭلاش پىلان تۈرىنى باشلىغان بۇلۇپ ، بۇنىڭ ئەڭ ئاساسلىق ئالاھىدىلىكى بولسا تاللاش خاراكتېرلىك ئوغۇرلۇقچە ئاڭلاش مەقسىدىگە يەتكىلى بولىدۇ. بۇ تۈر NSA نىڭ ئوغۇرلۇقچە ئاڭلاش تىزىملىكىگە كىرگۈزۈلگەن ئوبىكىتلارنى ئاپتوماتىك تەڭشەپ ئۇلارنىڭ ئالاھىدىلىكىنى ئېنىقلاپ بېرىدىكەن، ھەم تېخىمۇ ئىچكىرلىگەن ھالدا ئوغۇرلۇقچە ئاڭلاش دائىرىسىنى كىچىكلىتىدىكەن.

　ئابونتنىڭ ئىشلەتكەن ئەسۋابىغا ئوڭۇشلۇق كىرگەندىن كېيىن،TURBINE ئابونتنىڭ ئەسۋابىدىن ھەرخىل ئۇچۇرلارنى يېغىۋالالايدۇ،  بۇ ئۇچۇرلار ئەسۋابنىڭ قاتتىق دېسكا IDسى، كۆك چىش ئۇچۇرى، Google ، ئالما ئېلانچىلىق ئىتتىپاقى ئېلان ئۈچۈن نورمال ئۇسۇلدا يېغقان ئابونىتلارنىڭ ھەرخىل ئۇچۇرلىرى ( بۇ ئۇچۇرلار ئېلانچىلىق ئىتتىپاقى قانۇنلۇق يېغقان ئۇچۇرلار، بىراق NSA شىركىتى تەرىپىدىن قانۇنسىز ئىشلىتىلىدۇ) ھەمدە بىر نەچچە دائىم ئىشلىتىدىغان يۇمشاق دېتاللارنبڭ يەرلىك ئابونت ھۆججەتلىرى قاتارلىقلارنى ئۆز ئىچىگە ئالىدۇ( QQبىلەن ئۇچقۇر خەتنىمۇ ئۆز ئىچىگە ئالىدۇ.)

يېغىش تاماملانغاندىن كېيىن، TURBINE بۇ ئۇچۇرلارنى بىر يەرگە يېغىپ رەتلەيدۇ، ئاندىن بىر نىسپىي بىرقەدەر تولۇق بولغان شەخسنىڭ ئالاھىدىلىكلىرىنى تەپسىلى سۆزلىگەن ھۆججەت شەككىللەندۈرىدۇ، ھەمدە داۋاملىق ئوغۇرلۇقچە ئاڭلاش كېرەكمۇ ياكى توختىتىش كېرەكمۇ ، ياكى بولمىسا ئوغۇرلۇقچە ئاڭلاش دائىرىسىدىن چىقىرىۋېتىش كېرەكمۇ دېگەنگە پايدىلىنىش ماتېرىيالى بولۇپ قالىدۇ.

ئىنتېركېپت (Intercept) تورىنىڭ تونۇشتۇرىشىچە، مەزكۇر پىلان ئىجرا قىلىنغاندىن بۇيان پۈتۈن يەر شارى تەۋەسىدە تەخمىنەن 85000 دىن 100000 غىچە كومپىيۇتېرلارغا ھۇجۇم قىلغان.

بىراق Facebook ئاخبارات ئېلان قىلغۇچىسى جاي نانكارو ( Jay Nancarrow ) بۇ ھۆججەتنىڭ مەزمۇنىغا قارىتا قەتئىي ئىنكار قىلىدىغانلىقىنى بىلدۈرۈپ مۇنداق دېگەن:« ھېچقانداق پاكىت ئېلان قىلىنغان بۇ قىلمىشنىڭ راستىنلا مەۋجۇت ئىكەنلىكى ئىسپاتلىيالمايدۇ. ھۆججەتتىكى Facebook قا قارىتا قىلىنغان ھۇجۇم ئۇسۇلى، ئالدىنقى يىلى پۈتۈن بېكەتنىڭ HTTPS كېلىشىمىنى ئىجرا قىلغاندىكى Facebook ئىناۋەتسىز دەپ بېكىتىلگەن.»

پەن تېخنىكا تورى خەۋىرى، لەگلەك تورى تەرجىمىسى