سابىق سوۋېت ئىتتىپاقىنىڭ رەھبىرى ستالىن يولغا قويغان چوڭ تازىلاش سىياسىتىنىڭ ئاخىرلاشقىنىغا 70 نەچچە يىل بولۇپ قالدى. رۇسىيە ئارخىپ ئىدارىسى يېقىندا ئاشكارىلىغان ماتېرىيالغا قارىغاندا، چوڭ تازىلاش سىياسىتىنى يولغا قويۇشنىڭ ماھىيىتى ئۇنچىلىك ئاددىي ئەمەس ئىكەن.1937-يىلى مارتتا سوۋېت ئىتتىپاقى ئىچكى ئىشلار كومىسسارىياتىنىڭ ئاخبارات ئەمەلدارى ئالېكساندىر ئورلو ئىسپانىيىدىكى ئالدىنقى سەپتە خائىنلىق قىلىپ، ئامېرىكىنىڭ قوينىغا ئۆزىنى ئاتقان. سوۋېت ئىتتىپاقىنىڭ ئىچكى ئىشلىرىدىن خەۋىرى بار ئورلو كېيىن يازغان ئەسلىمىسىدە سوۋېت ئىتتىپاقى ھۆكۈمىتىدىكى يۇقىرى قاتلامدىكىلەرنىڭ سىياسىي ئۆزگىرىش قوزغاش قەستىدە بولغانلىقىنى ئاشكارىلىغان. ئىگىلىنىشچە، سىياسىي ئۆزگىرىش قىلماقچى بولغانلارنىڭ ئارىسىدا ئىچكى ئىشلار كومىسسارىياتىدىكى يۇقىرى دەرىجىلىك ئەمەلدارلار بولۇپلا قالماستىن، يەنە سوۋېت ئىتتىپاقى دۆلەت مۇداپىئە كومىسسارىياتىنىڭ مۇئاۋىن كومىسسارى بىلەن تاشقى كاۋكاز ھەربىي رايونىنىڭ قوماندانى مارشال ئىگور بىلەن كىيىۋمۇ بار ئىكەن. ستالىن بۇ سىياسىي ئۆزگىرىش قەستىدىن خەۋەر تاپقاندىن كېيىن، كەسكىن تەدبىر قوللانغان.

          سوۋېت ئىتتىپاقىغا خائىنلىق قىلغان پروفېسسور ئارتۇر خانوۋمۇ مۇشۇنىڭغا ئوخشاش ماتېرىياللارنى ئاشكارىلىدى. ئۇ 1931-يىلىدىن 1935-يىلىغىچە سوۋېت كومپارتىيىسىنىڭ رەھبەرلىرى بىلەن يېقىن مۇناسىۋەتتە بولغان ئادەم ئىدى. ئۇ مۇنداق دېگەن: ستالىننىڭ ئەڭ چوڭ دۈشمىنى بۇخارىن قاتارلىقلار بىلەن مۇناسىۋىتىم ياخشى ئىدى، ئۇلارنىڭ پاراڭلىرىدىن سىياسىي ئۆزگىرىشكە ئالاقىدار مەزمۇنلارنى ئۇققان ئىدىم، ئۇلار دائىم ژسىياسىي ئۆزگىرىش ئەكسىلئىنقىلابىي ھەرىكەت ئەمەس، بەلكى پارتىيە ئىچىدىكى نورمال تازىلاش» دەيتتى. ئۇلار سىياسىي ئۆزگىرىش قوزغاشتىن بۇرۇن ستالىنغا قارىتا «فىزىئولوگىيەلىك تازىلاش» ئېلىپ بېرىشنى تەشەببۇس قىلغان. ستالىن بۇ خەۋەرنى ئاڭلىماي قالارمۇ؟ئەلۋەتتە ئاڭلايدۇ. شۇڭا مەملىكەت مىقياسىدا بۇخارىن بىلەن ئۇنىڭ ئەگەشكۈچىلىرىنى تازىلاشنى قارار قىلغان.