بۇ يىل 41 ياشقا كىرگەن شالا ھازىر قارىماققا تولىمۇ نورمال. بىراق ئۇ 33 يېشىدا بەدەن ئېغىرلىقى 140 كىلوگرامدىن ئېشىپ كەتكەن بولۇپ، 50 كىلوگرام كېلىدىغان سىڭلىسىنىڭ ھەمراھلىقىدا تۇنجى يولدىشى بىلەن داغدۇغىلىق توي قىلغانىدى.

ئەينى ۋاقىتتىلا ئۇ سىڭلىسى بىلەن بولغان غايەت زور پەرقتىن خىجىللىق ھېس قىلغان بولسىمۇ بىراق 10 يىلدىن كېيىن ئاندىن ئورۇقلاشنى قارار قىلغان. شالا ئۆتكەن يىلى 7-ئايدا ئىككىنچى يەنى ھازىرقى يولدىشى بىلەن توي قىلغان، بىراق بۇ قېتىم ئۇنىڭ بەدەن ئېغىرلىقى ئارانلا 59 كىلوگرام كېلىدۇ.

2009-يىلىدىكى يېڭى يىللىق يىغىلىشتا 35 ياشلىق شالا ئۇسسۇل مۇراسىمىغا قاتنىشىپ، يېڭىدىنلا روژدېستۋو بايرىمى سەۋەبلىك تېخىمۇ سەمرىپ كەتكەنلىكىنى كۆرگەن دوستلىرىنىڭ ھەيرانلىق ئىچىدىكى نەزىرىدىن تولىمۇ خىجىل بولۇپ، شۇ كېچىسىلا ھاياتىدىكى ئەڭ مۇھىم قارارنى چىقارغان.

فرانسىيەدىكى ئۆيىگە قايتقاندىن كېيىن شالا ئوزۇقلىنىشىنى تىزگىنلەپ چېنىقىشنى باشلىغان. 2010-يىلى 1-ئايدا رەسمىي ھالدا ئورۇقلاشنى قارار قىلغان شالا مەلۇم ژۇرنالدا ئىشتىھا تىزگىنلەش داۋالاش ئۇسۇلى بىلەن تونۇشۇپ يولدىشىنىڭ مەدەت بېرىشى ئاستىدا بىر يىللىق دەرسكە تىزىملاتقان، شۇئان شالا ئۆزىنىڭ ئىشتىھاسى ۋە كەيپىياتىنى قانداق تۇراقلاشتۇرۇشنى ئۆگەنگەن.

شۇندىن تارتىپ ئۇ تاماقنى ئازايتىپ، كۈندە 4 قېتىم چېنىقىش ئۆيىگە بېرىشنى ئىزچىللاشتۇرغان، نەتىجىدە 9 ئايغا يەتمىگەن ۋاقىت ئىچىدە ئۇ ئوڭۇشلۇق ھالدا 45 كىلوگرام يېنىكلىگەن.

2011-يىلى، شالانىڭنىڭ بەدەن ئېغىرلىقى 60 كىلوگرام ئەتراپىدا تىزگىنلىنىپ، جەمئىي 80 كىلوگرام ئورۇقلىغان.

2012-يىلى 4-ئايدا ئۇ سابىق يولدىشى بىلەن ئاجرىشىپ، يىل ئاخىرىدا 26 ياشلىق ئادام بىلەن تونۇشۇپ 2015-يىلى 7-ئايدا ئۆزىدىن 12 ياش كىچىك بۇ يىگىت بىلەن توي قىلغان.