گوللاندىيەدىكى بىر شىركەت دۇنيادىكى تۇنجى سۇ ئۈستى لەيلىمە دېھقانچىلىق مەيدانى لايىھەلەۋېتىپتۇ، بۇ يىل مايدا گوللاندىيەدىكى ئەڭ چوڭ پورت شەھىرى روتتېردامنىڭ سىشدام پورتىدا سۇغا چۈشۈرۈلىدىكەن. مۆلچەرلىنىشىچە، بۇنىڭغا 3 مىليون ياۋرو سەرپ قىلىنىدىكەن.

لايىھەلىگۈچىنىڭ دېيىشىچە، لەيلىمە دېھقانچىلىق مەيدانى تىك تۆت تەرەپلىك چاڭگىغا ئوخشايدىكەن، ئۇزۇنلۇقى 40 مېتىر، كەڭلىكى 30 مېتىر بولۇپ، ئومۇمىي كۆلىمى 1200 كىۋادرات مېتىر كېلىدىكەن، ئاستى - ئۈستى ئىككى قەۋەتلىك، تۆت ئەتراپى سۈزۈك ئەينەك تام ئىكەن، ئۈستۈنكى قەۋىتىدە 600 كالا سىغىدىغان قوتان بار ئىكەن، ئۇلاردىن كۈنىگە 5000 لىتىر سۈت سېغىۋېلىنىدىكەن. ئاستىنقى قەۋىتىدە يايلاق رايونى، ئېنېرگىيە رايونى قاتارلىق تۈرلۈك مۇلازىمەت ئەسلىھەلىرى قويۇلىدىكەن.