يەر شارى خەۋەر تورى 25-ماي خەۋىرى؛ لەگلەك تورى تەرجىمىسى: نېگىرىيە ئارمىيىسى بوكو ھەرەم تېرور تەشكىلاتىغا قارشى بۇ ھەپتە ئاخىرىدا ھۇجۇم قوزغىغان بولۇپ، ھەربىي ھەرىكەت جەريانىدا 30نەپەر تېرورچىنى ئېتىپ تاشلىدى. نېگىرىيە دۆلەت مۇداپىئە مىنىستىرلىقى باياناتچىسى چرىس ئولۇكولاد ئېلان قىلغان يازما باياناتىدا، ئارمىيە قىسىملىرىنىڭ ھەربىي ھەرىكەت جەريانىدا 30 نەپەر بوكو ھەرەم تەشكىلاتى ئەزاسىنى ئۆلتۈرگەنلىكىنى، 13 دانە مىلتىق، بىر ئاپتۇمات، بىر راكىتائاتار ۋە نۇرغۇن ھەربىي ئەشيانى قولغا چۈشۈرگەنلىكىنى ئېيتقان. يەنە بىر تەرەپتىن نېگىرىيەنىڭ شەرقى شىمالىدىكى ئاداماۋا ئۆلكىسىدە بوكو ھەرەم تېرور تەشكىلاتى ھۇجۇم قوزغاپ ئاز دىگەندە 10 كىشىنىڭ جېنىغا زامىن بولغان.
نېگرىيە ئارمىيىسى، نېگىر ۋە چادنىڭ ھەمكارلىشىشى بىلەن ئاداماۋا، بورنو ۋە يوبى ئۆلكىلىرىدە بوكو ھەرەم تېرور تەشكىلاتىنىڭ كونتروللىقىدىكى زېمىنلارنى قايتۇرۋالغان ئىدى. ئارمىيە بىر قانچە ئاي ئىلگىرى مەزكۇر تېرور تەشكىلاتىنىڭ سامبىسا ئورمانلىقىدا ئەسىر قىلىپ تۇتۇپ تۇرىۋاتقان نۇرغۇن كىشىلەرنى قۇتقۇزغان ئىدى. بىرلەشكەن دۆلەتلەر تەشكىلاتىنىڭ بىلدۈرىشىچە، نېگىرىيەدە بوكو ھەرەم تېرور تەشكىلاتىنىڭ 2014-يىلىدىن بۇيانقى قۇراللىق ھۇجۇملىرىدا 7 مىڭ 300 كىشى ئۆلگەن.