ئامېرىكا پىرېزىدېنتى ئوباما 10-ئىيۇل ئىسرائىلىيە باش مىنىستىرى نېيتانىياخۇ بىلەن تېلفۇنلاشتى، ئوباما پەلەستىن ئىسرائىلىيە توقۇنۇشىنىڭ يەنىمۇ يامانلىشىپ كېتىشىدىن ئەندىشە قىلىدىغانلىقىنى بىلدۈردى، ھەمدە ئامېرىكىنىڭ ئىككى تەرەپنىڭ ئۇرۇش توختىتىشىدا ياراشتۇرۇش ئىلىپ بېرىشنى خالايدىغانلىقىنى ئېيتتى.
ئوباما تېلىفوندا پەلەستىن قوراللىق خادىملارنىڭ ئىسرائىلىيەگە راكىتامىيوت قويۇپ بېرىش ھەرىكىتىنى يەنە بىر قېتىم كۈچلۈك ئەيىبلىدى، ھەمدە ئىسرائىلىيەنىڭ ئۆزىنى قوغداش ھوقۇقىنى قوللايدىغانلىقىنى بىلدۈردى.

باشقا خەۋەرلەرگە قارىغاندا، پەلەستىن پىرېزىدېنتى ئابباس 10-ئىيۇل بېيجىڭدا زىيارەتتە بولىۋاتقان ئامېرىكىنىڭ دۆلەت ئىشلىرى كاتىپى كېررى بىلەن تېلېفونلىشىپ، ئىككى تەرەپنىڭ غەززادا ئۇرۇش توختىتىشنى ئىلگىرى سۈرۈش ئۈچۈن بىرلىكتە تىرىشچانلىق كۆرسىتىشىنى ئۈمىد قىلغان. ئىسرائىلىيىە دۆلەت مۇداپىئە ئارمىيەسىنىڭ غەززاغا قارىتا ھەربىي ھەرىكىتى 10-ئىيۇل ئۈچىنجى كۈنىگە قەدەم قويغان، ھاۋادىن قىلغان ھۇجۇمدا پەلەستىنلىك 86 كىشى قازا قىلغان، 500 دىن كۆپرەك كىشى يارىلانغان.

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK