نەپسىڭىزنى يىغىڭ دېگىنىمىزنىڭ ئىككى خىل مەنىسى بار. بىرى، «كېسەلنىڭ ئېغىزدىن كىرىشى»نىڭ ئالدىنى ئېلىش، يەنى تازىلىقى ناچار، زەھەرلىك يېمەكلىكلەرنى يېمەسلىك، يۇقۇملۇق كېسەللىكنىڭ ۋە يېمەكلىكتىن زەھەرلىنىشنىڭ ئالدىنى ئېلىشتىن ئىبارەت.

    ناچار غىزالىنىش ئادىتى: تاماقنى زىيادە كۆپ يىيىش، مۇھىم ئوزۇقلۇق ماددىلارنىڭ نىسبىتىنى تەڭشىمەسلىك قاتارلىقلارنى ئۆز ئىچىگە ئالىدۇ.

   ھازىرقى زامان تېببىي ئىلمىدە، ئۇزۇقلۇقنىڭ ئېشىپ كېتىشى، غىزالانغاندا ئوزۇقلۇق تەركىبى مول ماددىلارنى تەڭپۇڭ ئىستىمال قىلماسلىق، ياشانغاندا نۇرغۇن كېسەللىك پەيدا قىلىدۇ، دەپ قارالغان.

    نەپسىڭىزنى يىغىڭ دېگىنىمىز، ئىلمىي ئوزۇقلىنىشقا ئەھمىيەت بېرىپ، بەدەن ئېھتىياجىغا قاراپ قوبۇل قىلىش، ياخشى، ئوبدان يەپ، قورساق يېرىلغۇدەك تويۇشنى مەقسەت قىلماسلىق، قوبۇل قىلىدىغان  ئومۇمىي ئىسسىقلىق مىقدارىنى تىزگىنلەش، قەنت، شېكەر، ياغ، ئاقسىل ماددىسىنىڭ نىسبىتىنى مۇۋاپىق تەڭشەش، تاماق يېگەندە بەك تويۇنۇپ يېمەسلىكنى كۆرسىتىدۇ.

   نۇرغۇن كىشىلەر ياش ۋاقتىدىكى ساغلام ھالىتىگە قاراپلا ئۆزىنى ئاسراشقا، كېسەللىكنىڭ ئالدىنى ئېلىشقا ئەھمىيەت بەرمەيدۇ، كېيىن كېسەل بولۇپ ئاغرىق ئازابىدا قىينالغاندىلا، ئاندىن سالامەتلىكنىڭ قانچىلىك مۇھىم ئىكەنلىكىنى ھېس قىلىدۇ.

ئەمما ئۇلار بۇ چاغدا تولىمۇ كېچىككەن بولىدۇ، شۇڭا تېنىم ساغلام دېگۈچىلەرمۇ تۇرمۇش ئادىتىنىڭ نورمال بولۇشىغا، ئوزۇقلىنىشنىڭ تەرتىپلىك بولۇشىغا، بەدەن چېنىقتۇرۇش ۋە روھىي كەيپىياتىنىڭ نورمال بولۇشىغا ئالاھىدە ئەھمىيەت بېرىشى كېرەك.