جۇڭگو ئاخبارات ئاگېنتلىقى ، ب د ت ، 9-ئىيۇل تېلېگراممىسى : پەلەستىن بىلەن ئىسرائىلىيە ئارىسىدا ئۇرۇش ئوتى قايتا تۇتىشىپ ، ۋەزىيەت بىردىنلا يامانلاشتى . پەلەستىن تەرەپنىڭ 9-ئىيۇلدىكى ئىستاتىستىكىسىغا قارىغاندا، توقۇنۇشتا 47 ئادەم قازا قىلغان ، 370 تىن ئارتۇق ئادەم يارىلانغان .

بۇ كۈنى ، ب د ت نىڭ باش كاتىپى بانكىمون توقۇنۇشىۋاتقان ئىككى تەرەپنى دەرھال زوراۋانلىقنى توختىتىشقا چاقىرىپ ، پەلەستىن ۋە ئىسرائىلىيە رەھبەرلىرىنىڭ خەلقئارا جەمئىيەتنىڭ قوللىشى ئاستىدا سۆھبەت ئۈستىلى ئالدىغا قايتىپ كېلىشىنى ئۈمىد قىلىدىغانلىقىنى ئېيتقان . بانكىموننىڭ باياناتچىسى بانكىموننىڭ پەلەستىن-ئىسرائىلىيە ۋەزىيىتى ھەققىدە نۇرغۇن دۆلەت رەھبىرى بىلەن تېلېفونلاشقانلىقىنى ئېيتقان .

پەلەستىن ھۆكۈمەت ئەمەلدارىنىڭ سانلىق مەلۇماتىغا قارىغاندا ، ئىككى كۈندىن بۇيان داۋاملىشىۋاتقان توقۇنۇشتا ئاز دېگەندە 47 ئادەم قازا قىلغان ، بۇنىڭ كۆپىنچىسى ئاۋام پۇقرا ئىكەن . ئىسرائىلىيە تەرەپتىن ھازىرچە ئادەم ئۆلۈش-يارىلىنىش ھەققىدە مەلۇمات كەلمىگەن . ئىسرائىلىيە ئاخبارات ۋاستىلىرىنىڭ كۆپىنچىسى ئىسرائىلىيە ئارمىيەسىنىڭ كەڭ كۆلەملىك ھەربىي ھەرىكەت قوزغىغانلىقىنى قوللايدىغانلىقىنى بىلدۈرگەن .