دۇنيا خەۋەرلىرى تورى 26-ئاپرېل خەۋىرى؛ لەگلەك تورى تەرجىمىسى: تېرور تەشكىلاتى ISIS «ئىراق ۋە شام ئىسلام دۆلىتى تەشكىلاتى»نىڭ ئەنبار ۋىلايىتىنىڭ ئەل-گەرمە رايۇنىدىكى نازىم ئەس-سەرسار توسمىسىنى كونترول قىلىۋالغانلىقى ۋە يۇقىرى دەرىجىلىك قۇماندانلارنى ئۆز ئىچىگە ئالغان 142 نەپەر ئەسكەرنى ئۆلتۈرگەنلىكى بىلدۈرۈلدى. ھەربىي دائىرلەردىن ئېرىشكەن ئۇچۇرلارغا قارىغاندا، ISIS ئىراقنىڭ سالاھۇددىن بىلەن ئەنبار ئارىسىدىكى نازىم ئەس-سەرسار توسمىسىنى قوغداۋاتقان قىسىملار جايلاشقان 1.دىۋىزىيەگە قاراشلىق بىر ئەترەتنى كونترول قىلىۋالدى. تەشكىلات توسمىنى ئىگەللىۋالغان جەرياندا ئىراق ئارمىيىسى ۋە ئىراق ئاللاھ پارتىيىسى ھەربىي گازارمىسىدىن 90 كىشى ئۆلتۈرۈلدى. ئۆلگەنلەر ئارىىسدا 1.دىۋىزىيە قۇماندانى گېنىرال ھەسەن ئابباس بىلەن 1-ئەترەتتىن پولكوۋنىك ھىلال ماتار بار ئىكەن.
ISISتەشكىلاتى قۇراللىقلىرى 52 نەپەر ئەسكەرنى تۇتۇپ گەرمە توسمىسىغا ئاپىرىپ كىشىلەرنىڭ كۆز ئالدىدا ئۆلتۈرگەن، تەشكىلات يەنە 1-ئەترەتكە ئائىت لاگېردىكى نۇرغۇن قۇرال-ياراغ، تانكا ۋە ھەربىي ماشىنىلارنى ئولجا ئالغان.
بۇ جەرياندا ئەنبار ھەرىكىتى قۇماندانى گېنىرال مۇھەممەد خەلەف، خەلقئارا بىرلەشمە ئارمىيە قىسىملىرى ۋە ئىراق ھاۋا ئارمىيە قىسىملىرىنىڭ ISIS نىڭ كونتروللىقى ئاستىدىكى نازىم ئ‍ەس-سەرسار رايۇنىنى قايتۇرۋېلىش ئۈچۈن ھەرىكەت باشلىغانلىقىنى بىلدۈردى. گەرمە رايۇنى ئۆتكەن ئاي بېشىدا ISIS نىڭ قولىغا ئۆتۈپ كەتكەن ئىدى.