ياپونىيە تاراتقۇلىرىنىڭ 4-دېكابىردىكى خەۋىرىگە قارىغاندا، ياپونىيەنىڭ ياسۇكۇنى ئىبادەتخانىسى پارتلاتقان جىنايەت گۇماندارى ۋەقەدىن كىيىن ئاللىقاچان كورىيەگە قېچىپ بېرىۋالغان بولۇپ، كورىيە ساقچى دائىرلىرى يەنە بىر قېتىم «سىياسىي جىنايەتچى» سەۋەبلىك جىنايەت گۇماندارىنى ياپونىيە تەرەپكە ئۆتكۈزۈپ بېرىشنى رەت قىلىشى مۇمكىن ئىكەن، ياپونىيە كورىيەلىكلەرگە قارتا «قىسقا مۇددەت چېگرىدىن كىرسە ۋىزا بېجىرىشنى كەچۈرۈم قىلىش» سىياسىتىنى قايتىدىن قاراپ چىقىپ، رەسمى پاسپورتى بولمىغان كورىيەلىكلەرنى چېگرىدىن كىرگۈزمەسلىكنى ئويلىشىۋاتقان. خەۋەردە دېيىلىشچە، 11-ئاينىڭ 23-كۈنى ياپونىيەنىڭ ياسۇكۇنى ئىبادەتخانىسىدا يۈز بەرگەن پارتلىتىش ۋەقەسىنى كورىيەلىك بىر ئەر كەلتۈرۈپ چىقارغان بولۇپ، بۇ جىنايەت گۇماندارى ۋەقەدىن كېيىن كورىيەگە قايتىپ كەتكەن. ياپونىيە ساقچى دائىرىلىرىنىڭ خەۋەر قىلىشىچە، ساقچى دائىرىلىرى بۇ ئەرنىڭ توكيودىكى تۇرۇشلۇق جايىنى ئاغدۇرغان، ۋەقەدىن بىر نەچچە كۈن ئىلگىرى، بۇ ئەر «قىسقا مۇددەتلىك چېگرىدىن كىرسە ۋىزا بېجىرىش كەچۈرۈم قىلىنىدۇ» دېگەن پايدىلىق سىياسەتتىن پايدىلىنىپ ياپونىيەگە كىرگەن.  ياپونىيە ئىچكى ئىشلار ئەمەلدارى يۇشىخىدى سۇگا 3-دېكابىر مۇخبىرلارنى كۈتۈۋېلىش يىغىنىدا كورىيە ھۆكۈمىتىنىڭ ئاخبارات توپلاش ۋە جىنايەت گۇماندارلىرىنى ئۆتكۈزۈپ بېرىش جەھەتتە ياپونىيە بىلەن ھەمكارلىشىشىنى ئۈمىد قىلدى.  خەۋەردە دېيىلىشچە، 2011-يىلى جۇڭگولۇق ئەر لىيۇ چىياڭ ياسۇكۇنى ئىبادەتخانىسىنىڭ چوڭ دەرۋازىسىغا ئوت قويۇۋەتكەن، ھەمدە ياپونىيەنىڭ كورىيەدە تۇرۇشلۇق باش كونسۇلخانىسىغا كۆيدۈرگۈچ قۇتا ئاتقان، كورىيە يەرلىك سوت مەھكىمىسى ئەينى چاغدا ئۇنىڭ قىلمىشىنى «مەردلەرچە جىنايەت ئۆتكۈزۈش» دەپ قاراپ، ئۇنى ياپونىيە ھۆكۈمىتىگە ئۆتكۈزۈپ بېرىشنى رەت قىلغان. خەۋەرگە قارىغاندا، بۇ قېتىمقى قىزىق نۇقتا «كورىيە جىنايەت گۇماندارىنى ياپونىيەگە ئۆتكۈزۈپ بېرەمدۇ يوق» دېگەن مەسىلە ئۈستىگە مەركەزلەشكەن. گەرچە ياپونىيە بىلەن كورىيە ئوتتۇرىسىدا جىنايەت گۇماندارىنى ئۆتكۈزۈپ بېرىش شەرتنامىسى بولسىمۇ لېكىن بۇنىڭ ئالدىدا جۇڭگولۇق ئەر لىيۇ چىياڭنىڭ مىسالى بولغانلىقى ئۈچۈن، كورىيە يەنە بىر قېتىم «سىياسىي جىنايەتچى» دېگەننى باھانە قىلىپ، ياپونىيەنىڭ ياسۇكۇنى ئىبادەتخانىسى پارتلاتقان جىنايەت گۇماندارىنى ياپونىيەگە ئۆتكۈزۈپ بەرمەسلىكى مۇمكىن.