ۋاڭيى تورى خەۋىرى لەگلەك تورى تەرجىمىسى

« ۋاسكىتبول ئاۋانگارت گېزىتى » نىڭ خەۋەر قىلىشىچە گەرچە 2017-يىللىق تىيەنجىندا ئۆتكۈزۈلىدىغان مەملىكەتلىك تەنھەرىكەت يېغىنىغا يەنە ئىككى يىلدىن ئارتۇقراق ۋاقىت بولسىمۇ بىراق ھەرقايسى مۇسابىقىگە قاتنىشىدىغان كماندىلار ئارىسىدا تالانتلىقلارنى تالىشىش كۈرىشى باشلاندى. شىنجاڭنىڭ دۆلەتلىك تەنتەربىيە ئىدارىسىغا سۇنغان مەملىكەتلىك تەنھەرىكەت يېغىنىغا تىزىملىتىش توپچىلار تىزىملىكىدىن قارىغاندا جوۋ چىنىڭ ئىسمى يەنىلا شىنجاڭ ۋاسكىتبول كوماندىسىنىڭ تىزىملىكىدىن ئورۇن ئالغان. بۇ شۇنى چۈشەندۈرىدۇكى 2017-يىلىدىكى مەملىكەتلىك تەنھەرىكەت يېغىنىدا جوۋ چى لىياۋنىڭ كوماندىسىغا ۋەكىللىك قىلىپ توپ ئوينىماستىن بەلكى شىنجاڭ كوماندىسى ئۈچۈن توپ ئوينايدۇ.

تىيەنجىندا ئۆتكۈزۈلىدىغان مەملىكەتلىك تەنھەرىكەت يېغىنىنىڭ بەلگىلىمىسىگە ئاساسەن مۇسابىقىگە قاتنىشىدىغان كوماندا 2014-يىلىلا توپچىلارنى تىزىملاتسا بولىدىكەن. 2015-يىلى تىزىملاتسىمۇ بولىدىكەن. بىراق 2015-يىلىدىن باشلاپ ھەر يىلى مەزكۇر توپچىنى تىزىملىتىى كېرەك ئىكەن. بۇنداق بولغاندىلا ئاندىن مەزكۇر توپچى 2017-يىللىق تىيەنجىندا ئۆتكۈزۈلىدىغان مەملىكەتلىك تەنھەرىكەت يېغىنىغا قاتنىشالايدىكەن.

2013-يىلى جوۋ چى لىياۋنىڭ ياشلار كوماندىسىغا ۋەكىللىك قىلىپ مەملىكەتلىك تەنھەرىكەت يېغىنىنىڭ ياشلار گۇرۇپپىسى مۇسابىقىسىگە قاتناشقان ھەمدە چېمپىيۇنلۇقىنى قولغا كەلتۈرگەن ئىدى. ئەينى چاغدا جوچى نومۇر ئېلىش شاھى ، گاردىن قايتقان توپ ئېلىش شاھى ۋە قالپاق كەيۈزۈش شاھى قاتارلىق ئۈچ خىل مۇكاپاتقا ئېرىشكەن. ياشلار گۇرۇپپىسىنىڭ مۇسابىقىسىدە جوۋ چى ئوتتۇرا ھېساب بىلەن ھەر بىر مەيدان مۇسابىقىدە 20.8 نومۇر، 13.5 گاردىن قايتقان توپ ئالغان ۋە 4.8 قېتىم قالپاق كەيدۈرگەن.

بىراق مەملىكەتلىك تەنھەرىكەت يېغىنى ئاخىرلاشقاندىن كېيىن جوۋچى ئىختىيارى توپچىغا ئايلانغان ھەمدە لىياۋنىڭدىن ئايرىلىپ شىنجاڭ كوماندىسىغا قۇشۇلۇشنى قارار قىلغان. جوۋ چى شىنجاڭ كوماندىسى بىلەن يۇقىرى سوممىلىق توختام تۈزگەن. شۇ چاغدا گەرچە نۇرغۇن ئاخبارات ۋاستىلىرى جوۋ چىنى يەنىلا لىياۋنىڭ كوماندىسى ئۈچۈن مەملىكەتلىك تەنھەرىكەت يېغىنىغا قاتنىشىدۇ دەپ پەرەز قىلغان بولسىمۇ بىراق 2014-يىلى 1-ئايدا لىياۋنىڭ ۋاسكىتبولچىلار بىرلەشمىسىنىڭ مۇدىرى جوۋ چىنىڭ 2017-يللىق مەملىكەتلىك تەنھەرىكەت يېغىنىدا لىياۋنىڭ كوماندىسىغا ۋەكىللىك قىلىپ مەيدانغا چىقىدىغان ياكى چىقمايدىغانلىقى تېخى نامەلۇم ئىكەنلىكىنى بىلدۈرگەنىدى.

ئۇنىڭدىن باشقا ئەينى چاغدا لىياۋنىڭ ۋاسكىتبولچىلار جەمئىيىتىنىڭ مۇناسىۋەتلىك مەسئۇل خادىمىنىڭ ئېيتىشىچە ئۇلار جوۋ چى بىلەن تېخى بىرلىككە كېلەلمىگەن. بىراق ئۇلار تىرىشچانلىق كۆرسىتىپ جوۋ چى بىلەن توختام تۈزىدىغانلىقىنى ئېيتقانىدى. بىراق ھازىرقى ئەھۋالدىن قارىغاندا ئۇلار جوۋ چى بىلەن بىرلىككە كېلەلمىگەندەك قىلاتتى.

تىلغا ئېلىشقا ئەرزىيدىغىنى شۇكى مەملىكەتلىك تەنھەرىكەت يېغىنى مۇسابىقىگە قاتنىشىش ھۇقۇقى ئۈسىدە لىياۋنىڭنىڭ جوۋ چىغا نىسبەتەن توختام ئۇزارتىش ھۇقۇقى بار ئىدى. مەسىلە شۇكى لىياۋنىڭ بۇ توختام ئۇزارتىش ھۇقۇقىدىن بىر يىل ئىچىدە پايدىلىنالىشى كېرەك يەنى 2015-يىلىدىن بۇرۇن جوۋ چى بىلەن  بىرلىككە كېلىپ بولۇشى بولمىسا بۇ ھۇقۇقى بىكار بولۇپ كېتەتتى. بىراق ھازىر شىنجاڭ ئاللىبۇرۇن جوۋ چىنى تىزىملىتىش تىزىملىكىگە كىرگۈزۈپ بولدى. شۇڭا لىياۋنىڭنىڭ ھۇقۇقى ئەمەلدىن قالدى.

بۇ مۇسابىقە پەسلىدە جوۋچى جۇڭگۇ ئەرلەر كەسپىي ۋاسكىتبول بىرلەشمىسىدە ھەر بىر مەيدان مۇسابىقىدە ئوتتۇرا ھېساب بىلەن 14.6 نومۇر ۋە 7.4 گاردىن قايتقان توپ ئالدى. ئۇنىڭدىن باشقا جوۋچى يەنە تېخى بىرلەشمىنىڭ قاپاق كەيدۈرۈش شاھى. پۇتى قايرىلىپ كەتكەنلىك سەۋەبىدىن يېقىندىن بۇيان جوۋ چى مۇسابىقىگە قاتناشماي يارىسىنى داۋالاۋاتىدۇ.