ئاپتونوم رايونىمىزدىكى مەنزىرىگاھلاردا ئورتاق ئىشلىتىلىدىغان ساياھەت جەمكارتىسى 18-ئاپرېل تەڭرىتاغ بۇغدا كۆلى مەنزىرىگاھىدا رەسمىي تارقىتىلدى.
ئىگىلىنىشىچە، بۇ ساياھەت جەمكارتىسىنى شىنجاڭ مەنزىرىگاھلار بېلەت مۇلازىمىتى چەكلىك شىركىتى 20 مىليون يۈەن مەبلەغ ئاجرىتىپ، جۇڭگو يېزا ئىگىلىك بانكىسى بىلەن بىرلىشىپ، تارقاتقان، ساياھەت جەمكارتىسى كىملىك ئارقىلىق بېجىرىلىدىغان بولۇپ، 903 يۈەن بىلەن بېلەت باھاسى 7022 يۈەن قىممىتىدىكى 14 مەنزىرىگاھقا كىرگىلى بولىدىكەن. ساياھەت جەمكارتىسى يەنە مېھمانخانا، مەنزىرىگاھ، قار تېيىلىش مەيدانى، دېھقانلار شاتلىقى ئارامگاھى، ساياھەت خاتىرە بۇيۇملىرى دۇكانلىرى، ساياھەت كوپىراتىپى، ساياھەت لازىمەتلىكلىرى، خەلق ئاۋىياتسىيەسى قاتالىقلارنى بىرلەشتۈرۈپ، ئەڭ ئەرزان بېلەت بىلەن تەمىنلەپ، ئاپتونوم رايونىمىز ئىچى-سىرتىدىكى ساياھەتچىلەرگە ھەقىقىي نەپ يەتكۈزىدىكەن.
ساياھەت جەمكارتىسى بېجىرگەنلەر 4006003593 گە تېلېفون بېرىپ، مەنزىرىگاھلارنىڭ ئەھۋالىنى ئىگىلىسە بولىدىكەن.