كەتمەن ساداسى

版权声明：转载时请以超链接形式标明文章原始出处和作者信息及本声明
logs/34741851.html

شېئىرسىز دۇنيا


ساداقەتجان ھاجى


شېئىرسىزمۇ گۈزەلدۇر دۇنيا،
شېئىرسىزمۇ گۈللەر ئېچىلار.
شېئىرسىزمۇ زۇلمەتتە قالغان
روھىمىزغا نۇرلار چېچىلار.

شېئىرسىزمۇ يىغلىيالايمىز،
شېئىرسىزمۇ كۈلىمىز يەنە.
شېئىرسىزمۇ ياشىيالايمىز،
شېئىرسىزمۇ ئۆلىمىز يەنە.

شېئىر ئۇنچە مۇقەددەس ئەمەس،
شائىرمۇ ھەم ئەمەس ئەۋلىيا.
شېئىر يېزىش - سۆيگۈ يا ھەۋەس،
شائىر بولساڭ بولغىن بىرىيا.

«قەلىمىمدىن قان ئاقتى» دىمە،
ۋىجدانىڭنى پەش قىلىپ تولا.
سەن بىر ئۆمۈر دىيەلمىگەننى
دىيەلەيدۇ كىچىك بىر بالا ...

**********************
2008-يىل 4-ئاي. قەشقەر
**********************
باشقا توربەتلەرگە كۆچۈرۈپ يوللىماڭ
**********************