جەلىپكار تور خاتىرىسى

ئانامغا يىزىلغان خەت

ئاپتورى: ئەكبەر جاپپار دەردى 
 
( نەسىر )

قەدىرلىك ئانا ،   - جىنىم بالام ئۇنداق قىلمىغىن ، داداڭدەك ياخش ئادەم بولغىن ، سىېنىڭ تومىرىڭدا ئېقىۋاتقىنى داداڭ بىلەن مېنىڭ  پاك قېنىمىز ، تارختىن بىرى ئەۋلادىمىز ئىچىدىن سەندەك بۇنداق كەيپى – ساپا قىلىدىغان  ئادەم چىققان ئەمەس ، -  دەپ  نەچچە مىڭ قېتىملاپ كۆز يېشى قىلىپ  باشلىرىمنى سىلاپ يىلىنىپ تۇرۇپ  ، قىلغان نەسىھەتلىرىنىڭنى ئاڭلىماي ، دادامدىن مىراس قالغان بارچە بىساتلارنى   تۈگۈتۈپ ، سېنىڭ كېسەلجان ،قىسقىسى  مەندىن ئايرىلساڭ تېكەندەك يالغۇز قالىدىغانلىقىڭنى بىلىپ تۈرۈپ ،  تۈرمىنى ماكان قىلىپ ياتقان  مەندەك بىر ئەقىلسىز ئوغلۇڭنى كەچۈرەرسەنمۇ ؟
   قەدىرلىك ئانا،  مەن  تۈرمىگە كىرگەندىن كېيىن ئويلانسام ،   بىز  بىرگە ياشاۋاتقان كۈنلەردە ،سېنىڭدەك بىر ئۇلۇغ ئىنساننىڭ باغرىنى   يېرىپ چۈشۈپ  ھەمدە ، بۇ دۇنيادا ھىچقانداق نەرسىگە تەڭ قىلغىنى بولمايدىغان   ئاق   سۈتۈڭنى ئېمىپ چوڭ   بولغان ئىنسان بالىسى بولساممۇ   ،ھەقىقى  ئىنسان بالىسى قىلىدىغان ئىشلاردىن بىرەرنىمۇ  قىلىپ   باقماپتىمەن .    سېنىڭ ماڭا سىڭدۈرگەن ئەجرىڭگە جاۋاپ قايتۇرۇش تۈگۈل  ئەكسىچە ساڭا بىر ئۆمۈر يەتكۈدەك ئازاپ ئاتا قىپتىمەن  .    « ئاق » تاماكىنىڭ خۇمارى تۈتۈپ كەتكەن چاغلاردا چىكەي دېسەم   پۇل يوق ئۆيگە كىرىپ ،  ئانا ، پۇل بەر دېسەم       بالام مەندە پۇل يوق، دەپ يىلىنساڭمۇ،    مەن ، بىر ئاماللارنى قىلىپ  خۇمارىڭنى ئاز تولا بىسقىتۇردىغان ئىشنى قىلاي دەپ تالاي قېتىم  توختىماي تىترەۋەتقان بەدەنلىرىمنى سىلاپ ياشلىرىمنى سۈرۈتكەن  بولساڭمۇ ، - سەن يالغان  سۆزلەۋاتىسەن  دادامدىن قالغان پۇللار قېنى ؟  شۇ پۇللاررنى بەر    دەپ    گېلىڭنى بوغۇپ   يانچۇقلىرىڭنى ، ئۆيلەرنى ئاختۇرۇپ،  قولۇمغا چىققان نەرسىلەرنى ئېلىپ ،  توسقىنىڭغا ئۇنماي سېنى ئىتتىرۋېتىپ چىقىپ كىتىپ ،ئۇ نەرسىلەرنى ،  سېتىپ  پۇلىغان « ئاق » تاماكا ئېلىپ چىكىپ ،پەس  خۇمارىمنى بىردەملىك بىسىقتۇرغىنىمنى ، ھەتتا ھىلىقى كۈنى كېچىدە  شۇنچە قارشىلىق قىلساڭمۇ ئۇنماي ،قۇلىقىڭدىكى ھالقىنى يۇلۇپ ئېلىپ  ،  قۇلىقىڭدىن  چىپىلداپ ئېقىۋاتقان قانغىمۇ قارىماي  سىرىتقا چىقىپ كەتكىنىمنى ، شۇ سەۋەپتىن  ئىككى قۇلىقىڭنىڭ دورا ئېلىشقا پۇل يوق يېرىڭداپ ئالتا ئايدا ئاران ساقايغانلىقىنى  ئويلىسام ، ھەي، قانۇن ماڭا ئەسلى ئۆلۈم جازاسى بەرگەن بولسا بولاپتىكەن ، مەن ۋاختىم توشقاندا ئاشۇ ئانامنىڭ يۈزىگە قانداقمۇ قارارمەن دېگەنلەرنى ئويلاپ بۇقۇلداپ يىغلاپ كىتىمەن .
  قەدىرلىك ئانا ، سەن ئۆتكەندە مېنى تۈرمىگە يوقلاپ كەپتىەنسەن ، ساقچىلاردىن بۈ خەۋەرنى ئاڭلاپ  باغرىڭغا ئۆزەمنى ئىتىپ ، تاپانلىرىنڭنى سۆيۈم ، جىنىم ئانا ، مېنى كەچۈرگىن، دەي دېگەنلەرنى ئويلىغان بولساممۇ ، نىمىشقىكى  سېنى كۆز ئالدىمغا كەلتۈرسەم  يۈرىگىملا ئەمەس ، پۈتۈن بەدەنلرىم ،  ماڭا ،- ھەي ، ئازغۇن ئىنسان سەن ئەمدى ، ئاشۇ  دەردىڭدە يۈرىگى زەرداپ بولۇپ كەتكەن ئاناڭغا  قايسى يۈزۈڭ بىلەن قارايسەن دېگەدەك قىلىپ ، ساقچىلارغا سەن بىلەن كۆرۈشمەيدىغانلىقىمنى ئېيتىپ ،ياتاققا كىرىپ بېشىمنى يوتقانغا   پۈركەپ نەچچە سائەت يىغلىدىم . ئاڭلىسام سەن مېنى نېمىشقا كۆرۈشمەيدىكەن ، مەن بالامنىڭ بۇرۇنقى  قىلغان ئىشلىرىنى يۈزىگە سالمايمەن ،  ئۇ بۇندىن كېيىن  ياخشى ئادەم بولسىلا مەن رازى ،  ئۇنى ئېلىپ چىققان بولساڭلا  نىرىدىن بولسىمۇ چىرايىنى بىر كۆرۋالاي، دەپ سىرىتتا يىغىۋاتقان قارغا قارىماي قاراڭغۇ چۈشكىچە تۈرمە دەرۋازىسى ئالدىدا يىغلاپ  تۈرۈپسەم . بۇ خەۋەرنى ئاڭلاپ نەچچە كۈنگىچە سېنىڭ مىسكىن چىرايىڭ كۆز ئالدىمغا كىلىۋىلىپ كۆزلىرىمدىن تاراملاپ ياش ئېقىپلا تۈردى .ياق ، ئۇ ياشلار كۆزۈمدىن ئەمەس  يۈرىگىمدىن ئاقتى، ئاققاندىمۇ ھەقىقى پۈشايمان يېشى ئاقتى .
 قەدىرلىك ئانا ، مەن ئەمدى بىلىۋتىمەن ، بۇ دۇنيادا تۈرقى ئىنسان بولسىمۇ قىلغان ئىشلىرىنى ھايۋانمۇ قىلمايدىغان بىر قىسىم ئىنسانلار بولىدىكەن . قىسقىسى  مەنمۇ  بۇرۇن شۇ ئىنسانلار قاتارىدا ياشاپ كەپتىكەنمەن  . ئەمدىلىكتە ئۆزەمنىڭ ئۆتۈپ كەتكەن ھايات مۇساپەمنى  ئىسىمگە ئالسام ، « ئاق » تاماكىغا پۇل تىپىش ئۈچۈن قىلىپ يۈرگەن ئىشلىرىمنى ئويلىسام ،ئۆزەمگە يۈز كىلەلمەيمەن . ئۆزەمگىلا ئەمەس ساڭا ، رەھمەتلىك ئاتامنىڭ روھىغا ، مەن باغرىغا دەسسەپ چوڭ بولغان پاك تۈپراققا يۈز كىلەلمەيمەن .
  قەدىرلىك ئانا ، مەن بۇ يەردە  ھەر دائىم تەڭرىدىن تىنىڭنىڭ سالامەت بولىشىنى ، مېنىڭ يېڭى ئادەم بولۇپ چىققىنىمنى كۆز كۆزۇڭ بىلەن كۆرىشىنىڭنى تىلاۋاتىمەن .  سەن ماڭا ئىشەم ، مەن بۇ سەككىز يىل جەريانىدا    ئۆشنەمگە ئارتىۋالغان جىنايەت كۈلاسىنى سېلىۋېتىپ يېڭنىڭغا  يېڭىچى ئادەم بولۇپ بارىمەن  ،  بۇ مېنىڭ يۈرەك سۆزۇم .