ئىز تورى-爱智网

　　  جۇڭگو ئۇيغۇرچە رادىيو تورى 18-فېۋرال بېيجىڭ خەۋىرى: تايلاند باش مىنىستىرى ئاپسىت تۈنۈگۈن مۇنداق دېدى: تايلاند-كامبودژا چېگرا تالاش-تارتىشى مەسىلىسىدە، ھازىر ئۇرۇش توختىتىش كېلىشىمى ئىمزالاش ھەققىدە مۇزاكىرە قىلىشقا تېخى بالدۇرلۇق قىلىدۇ، ئاپسىت كامبودژانىڭ باش ۋەزىرى خۇڭسىن ئوتتۇرىغا قويغان مۇناسىۋەتلىك تەكلىپلەرگە جاۋاب قايتۇرغاندا يۇقىرىقىلارنى بىلدۈرگەن. خۇڭسىن: كامبودژا مۇشۇ ئاينىڭ 22-كۈنى ھىندونېزىيەنىڭ جاكارتادا ئېچىلىدىغان شەرقىي-جەنۇبىي ئاسىيا ئەللىرى ئىتتىپاقىغا ئەزا دۆلەتلەر دېپلوماتىيە مىنىستىرلىرى يىغىنىدا، تايلاند-كامبودژا دېپلوماتىيە مىنىستىرلىرىنىڭ ئۇرۇش توختىتىش كېلىشىمى ئىمزالىشى ھەققىدە تەكلىپ بېرىمەن، دېگەن. بىرلەشكەن دۆلەتلەر تەشكىلاتى خەۋپسىزلىك كېڭىشى 14-فېۋرال تايلاند-كامبودژا چېگرا توقۇنۇشى ھەققىدە يېپىق كېڭىشىش يىغىنى ئېچىپ، ئىككى تەرەپنى مەڭگۈلۈك ئۇرۇش توختىتىشنى ئومۇميۈزلۈك ئەمەلگە ئاشۇرۇشقا ۋە ئۈنۈملۈك سۆھبەت ئارقىلىق، تالاش-تارتىشنى تىنچ يول بىلەن ھەل قىلىشقا دەۋەت قىلغان.   تەرجىمان: گۈلبەھرەم مۇختار