ئادەتتە باللار ئاتا-ئانىلار بىلەن بىر يەرگە يىغىلىسىلا باللار توغۇرلۇق كۆپرەك گەپ ئاچىدۇ ، ئۆز بالسىنى باشقىلارنىڭ بالسىغا سېلىشىتۇرۇپ باشقىلارنىڭ بالسىغا يەتمىسە خاپا بۇلىدۇ . بالسىنى ئۇنۋېرسال تەربىيىلەپ باشقىلاردىن ئاشۇۋېتىش ئۈچۈن ، بالا ئۈگىنىشىنى خالمايدىغان ، قىزىقىمايدىغان نەرسىلەرنى ئۈگىنىشىكە زورلايدۇ ،ئەمىلىيەتتە باللارنىڭ جىسمانىي ۋە روھى جەھەتتىكى تەرەقىياتىدا پەرقى بۇلىدۇ . ھەر بىر بالىنىڭ ئۆزىگە خاس ئۆسۈپ يېتىلىش جەريانى ، ئۆزىگە خاس ئالاھىدىلىك ، ئۆزىگە خاس تالانىتى بۇلىدۇ . باللارنىڭ ئەمەلىي ئىقىتىدارى ، قىزىقىشى ئارتۇقىچىلىقى بىلەن ھىسابلاشماي ئۆزىنىڭ ئارزۇسىدەك قىلىپ تەربىيلەيمەن دەپ قارىغۇلارچە زورلاش ياخشى ئاقىۋەت ئېلىپ كەلمەيدۇ . مەسىلەن ، بەزى ئاتا-ئانىلار بالسىنىڭ مۇزىكىغا قىزىقىمايدىغانلىقىنى ، ھېچىقانداق سەنئەت تالانىتى يوقلىقىنى بىلىپ تۇرۇپ بالسىنى ھەر خىل چالغۇ ئەسۋابلىرىنى ئۆگىنىشىكە قىستايدۇ ، تەنتەربىيە پائالىيەتلىرىغا قىزىقىمايدىغانلىقىنى بىلىپ تۇرسىمۇ ( دەرسىتە چىكىنىپ كىتىسەن ) دەپ كۈن بۇيى ئۆيدىن چىققىلى قويمايدۇ . ھەتتا بىرلا ۋاقىتتا ھەر خىل دەرسىتىن سىرتىقى كۇرۇسىلارغا قاتناشتۇرۇپ باللارنى ھالدىن كەتكۈزۋېتىدۇ . بۇنداق قىلغاندا بالا ئاتا ئانىسىنىڭ ئارزۇسىنىڭ ئەكسىچە ، ئۇنىڭىدىنمۇ ، بۇنىڭىدىمۇ يوق ، ھەممىدە يېرىم يارتا بۇلۇپ چىقىدۇ .
شۇڭا ئاتا-ئانىلار باللىرىنىڭ ئالاھىدىلىكىنى بايقاش ، كۆزىتىشىكە ماھىر بۇلۇشى ، ئۇلارنى تالانتىغا قاراپ يىتەكلىشى ، ھەرگىزمۇ تاشنى تاياققا تاڭغاندەك قارىغۇلارچە زورلىماسلىقى ، ئۇلارغا ئارام ئېلىش ، كۆڭۈل ئېچىش ، ئۆز ئارزۇسى بۇيىنىچە يىتىلىش پۇرسىتى بىرىش لازىم .
مەنبە؛ ساغلام تۇرمۇش بىز ھەممىمىز ئىز تورىنى ياخشى كۆرىمىز!
