2 ياشلىق بالىنىڭ ئەركىلىشى سەۋەب بولغان قاتىللىق......
بۇ مەزمۇن ئىز تورىدىن كۆچۈرۈلگەن
ئەسئەت ئىلگىرى جىدەل دېسە، پۇلغا سېتىۋالىدىغانلارنىڭ بىرى ئىدى، بىراق ئۇنى تۇرمۇش ئۆزگەرتتى. ئۇ ئۆيلىنىپ، ئايالى ۋە بالىسىنىڭ مۇھەببىتى تۈرتكىسىدە بۇرۇنقى يامان خۇيلىرىنى تاشلاپ، گۇما ناھىيە بازىرىدا ئاشخانا ئېچىۋالدى. بۇ 16-سىنتەبىر ئەسئەتنىڭ ئاشخانىسىغا ئۇنىڭ بىلەن بىر مەھەللىلىك قايىت بىلەن سېتىۋالدى كىردى. شۇ ئارلىقتا ئەسئەت ئىككى ياشلىق ئوغلى ئېرپاننى يېتىلەپ، قايىت بىلەن سېتىۋالدىنىڭ يېنىغا كېلىپ پاراڭلىشىپ ئولتۇردى. بىر چاغدا ئېرپان ئەركىلەپ، ئەسئەتنىڭ بارمىقىنى چىشلىمەكچى بولدى.
- بالام، قولۇمنى چىشلىمە، -دېدى ئەسئەت. بۇ چاغدا سېتىۋالدى: تور دۇنياسىدىكى چاقنىغان يۇلتۇز - ئىز تورى!
- كېلە بالام، مېنىڭ قولۇمنى چىشلىگىنە، -دېدى، ئېرپاننى يېنىغا تارتىپ.
- بالام ئۇنىڭ مەينەت قولىنى چىشلىمە، -دېدى قايىت مەقسەتسىزلا.
قايىتنىڭ شۇ بىر ئېغىز گېپى بىلەن جىدەل باشلىنىپ كەتتى.
- كىمنىڭ قولى مەينەتكەن؟ مەينەت بولسا ئۆزىمىز كۆتۈرىمىز ئاداش، بىرسىگە ئارتىپ قويمىدۇق، ئۆتكەندىمۇ ماڭا ئۇشۇقلۇق قىلغانتىڭ، بۈگۈن يەنە ئېتىشىسەنغۇ؟ -دېدى سېتىۋالدى ئورنىدىن تۇرۇپ.
- مۇنداقلا دەپ قويغان، نىمانچە قىلىسەن، گېپىڭ بار ئوخشىمامدۇ؟ -قايىتمۇ ئورنىدىن تۇردى. ئىككەيلەن بىر-بىرىگە خورازدەك ھۈرپىيىشىپ، ئاشخانا ئىچىدىلا ياقا سىقىشتى. سېتىۋالدى قايىتتىن بەستىلىك بولغاچقا، ئالدى بىلەن ھۇجۇمغا ئۆتتى، بىر مۇشت بىلەن قايىتنىڭ كالپۇكىنى يېرىۋەتتى. قايىتمۇ بوش كەلمىدى، ئۇ سەكرەپ چىقىپ، بىر مۇشت بىلەن سېتىۋالدىنىڭ ئاغزى-بۇرنىنى قان قىلدى. شۇ ئارىدا سېتىۋالدى بىر نەرسىگە پۇتلىشىپ يىقلىپ كەتتى. قايىت پۇرسەتتىن پايدىلىنىپ ساپلۇق بىلەن سېتىۋالدىنىڭ بېشىنى ئۇرۇپ يېرىۋەتتى. www.iz.la
جىدەل تېخىمۇ ئەۋج ئېلىپ، ئىككىيلەن قوللىرىغا پىچاق ئېلىشتى. بۇ چاغدا ئەسئەت ۋە باشقىلار ئۇلارنى ئاجرتىۋەتتى. قايىت بىر نىمىلەرنى دەپ غۇدۇڭشىغىنىچە ئۆيىگە ماڭدى. ئاشخانىدا قالغان سېتىۋالدى ئاچچىقىدا ئۇياقتىن بۇياققا ماڭغىلى تۇردى. ئۇ شۇ يوغان بەستى بىلەن جەينەكتەك بىرسىدىن تاياق يېگەنلىكىگە نومۇس قىلدىمۇ-قانداق، ئۆيىدىكىلەرگە تېلىفۇن بەردى.
- ئاتا، قايىت دېگەن ھارامزادە بېشىمنى يېرىۋەتتى، ئاغا-ئىنىلىرىمنى چاقىرغىن، قايىتنى ئەدەپلەپ قويايلى!-دېدى.
60 ياشقا كىرىپ قالغان ئاۋۇت ئاخۇن بالىسىغا تەربىيە قىلىشنىڭ ئورنىغا، سېتىۋالدىنىڭ ئاكىسى ساتتار، ئىنىسى ساۋۇتنى باشلاپ قايىتنىڭ ئۆيىگە باردى. سېتىۋالدى ئاللىقاچان كېلىپ بولغانىدى. بۇ مەزمۇن ئىز تورىدىن كۆچۈرۈلگەن
ئەسئەت سېتىۋالدىنىڭ قوشۇن تارتىپ كەلگەنلىكىگە قاراپ، دەرھال گۇما ناھىيلىك ج خ ئىدارىسىگە تېلېفۇن بەردى. ئاڭغىچە بۇ ئاغا-ئىنىلەر قايىتنىڭ ئىشىكىنى تېپىپ، مۇستلاشقا باشلىدى. ئۇلار قايىت ئۆيدىن چىقىشىغا مۇشت-پەشۋانى ياغدۇرۋەتتى. بۇ چاغدا قايىت يېنىدىن پىچىقىنى چىقىرىپ شىلتىغىلى تۇردى. بۇ جەرياندا سېتىۋالدىنىڭ دۈمبە، بېقىنى، ساتتارنىڭ كانىيى زەخمىلەندى.
ساقچىلار دېلو مەلۇماتىنى تاپشۇرۋېلىپ نەق مەيدانغا كەلگەندە، سېتىۋالدى بىلەن ساتتار قانغا مىلىنىپ ياتاتتى. ساقچىلار ئىككىيلەننى دەرھال قاغىلىق ناھىيىلىك دوختۇرخانىغا ئېلىپ ماڭدى، بىراق سېتىۋالدى قاغىلىق ناھىيسىگە بارغۇچە جان ئۈزدى، ساتتار بەختكە يارىشا دوختۇرخانىدا قۇتقۇزۋېلىندى.
ئىز تورى بەك ياخشى
گۇما ناھىيسى 17-سىنتەبىر جىنايەت گۇمەندارى قايىتنى توختۇتۇپ قويدى.
ئاۋۇت ئاخۇن نەچچە كۈندىلا ئون نەچچە ياش قېرىپ كەتكەندەك مۈكچىيىپ قالدى. ئېنىقكى، ئۇ ئوغلىنى بۇ بالا-قازادىن توسۇشنىڭ ئورنىغا شامال چىقىرىپ بەرگىنى ئۈچۈن بىر ئۆمۈر ئازاپلىنىدۇ، بىراق بۇنىڭ ئەمدى نېمىگە پايدىسى، چۈنكى ئۇ بۈگۈنكى ئازاب بىلەن ئوغلىنى تىرىلدۈرمەيدۇ-دە! بۇ مەزمۇن ئىز تورىدىن كۆچۈرۈلگەن
كىچىكىنە بىر ئىشلاردىن چوڭ ۋەقەلەرنىڭ كىلىپ چىقىشىدىن ساقلىنىش ئۈچۈن بالىلار تەربىيەسىنى ياخشى قىلىشىمىز ، ئاتا- ئانا بولغىچى بالىلارغا كۆڭۈل بۆلۈشىمىز ، ھەربىر ئىش ھەركتىگە كۆز قۇلاق بۇلۇشىمىز . بۇنداق قىلىغاندا بالىلار تەرتىپلىك ئۆسۈپ يىتىلەلەيدۇ .
