يېسىۋىلەكنىڭ تەركىبىدە ئاقسىل ، ياغ ، كاربون سۇ بىرىكمىسى ، كالتسىي ، فوسفور ، ماگنىي قاتارلىق ئېلېمېنىتلار شۇنداقلا كۆپ خىل ۋىتامىنلار ئىنتايىن مول . ئۇنىڭ تەركىبىدە ئادەم بەدىنىنىڭ نورمال پائالىيىتىنى داۋاملاشتۇرۇشتا كەم بولسا بولمايدىغان ۋېتامىن C بىر قەدەر كۆپ بولۇپ ، ھەر 100 گىرام يېسىۋىلەك تەركىبىدىكى ۋىتامىن C نىڭ مىدارى 30- 60 مىللىيگىرامغا يېتىدىكەن . ئەمما نورمال ئەھۋالدا قۇرامىغا يەتكەن ئادەمنىڭ ۋىتامىن C غا بولغان ئېھتىياجى ھەر كۈنى 50- 100 مىللىيگىرام ، كىچىك بالىلارنىڭ 30- 50 مىللىيگىرامغىچە بولىدىكەن . ۋىتامىن C ئادەم بەدىنىدە توپلانمايدىغان بولغاچقا ، ھەر كۈنى ئۈزلۈكسىز تولۇقلاپ تۇرمىسا بولمايدىكەن . قىش پەسلىدە يېسىۋىلەك باھاسى ئەرزان ، ئوزۇقلۇق قىممىتى يۇقىرى قۇۋەت يېمەكلىكى بولۇپ ھېسابلىنىدىكەن .
www.iz.la
يېسىۋىلەك يەنە دورىلىق قىممەتكە ئىگە بولۇپ ، ئاشقازان- ئۈچەينى راۋانلاشتۇرۇش ، يۈرەك سىقىلىشنى تۈگىتىش ، مەسلىكنى يېشىش رولىغا ئىگە . يېسىۋىلەكنى كۆپ ئىستىمال قىلىپ بەرسە قەۋزىيەتنى داۋالاپ ، قورساق كۆپۈشكە داۋا بولىدۇ . يېسىۋىلەكنىڭ يىلتىزىنى قاينىتىپ ئىچسە زۇكامغا مەنپەئەت قىلىدۇ . يېسىۋىلەك ، زەنجىۋىل ، غولپىيازنى ئۇششاق چاناپ قازاندا قورۇپ مەيدىگە ياقسا ئاشقازان كېسىلىگە شىپا قىلىدۇ . يېسىۋىلەككە ئازراق ناۋات قوشۇپ سۇ بىلەن قاينىتىپ ئىچسە كۆكيۆتەلگە ئۈنۈملۈك مەنپەئەت قىلىدۇ ، زىيادە سەزگۈرلۈك تېرە ياللۇغىنى داۋالاشتا ‹‹ دورا ئۆسۈملۈكلىرى قامۇسى ›› دىكى رېتسىپتا ‹‹ يېسىۋىلەكنى ئۇششاق چاناپ يەرلىك ئورۇنغا سۈركەش كېرەك ›› دەپ كۆرسىتىلگەن . بۇنىڭدىن باشقا يېسىۋىلىك تەركىبىدە تالا ماددىسى بىر قەدەر كۆپ بولغاچقا ئۈچەي راكىنىڭ ئالدىنى ئالىدىكەن .
بۇ مەزمۇن ئىز تورىدىن كۆچۈرۈلگەن
پولات ئامانيار تەرجىمىسى
خەتكۈچلەر:
