باش ئاغرىشقا قىزىتما قوشۇلۇپ كەلسە كۆپىنچە يەللىك خاراكتېرلىك باش ئاغرىقى بولىدۇ.مەسلەن: مېڭە پەردە يەللىكى، ئۆپكە يەللىكى، بادام تەنچە يەللىكى. باش ئاغرىغاندا قۇسۇش ئالامىتى كۆرۈلسە ماڭلاي ئىچكى قىسمىدىكى بېسىمدىن بولغان بولىدۇ.باش ئاغرىشقا باش قېيىش قوشۇلۇپ كەلسە مېڭە ئۆسمىسى، ئومۇرتقا غولىدا قان يېتىشمەسلىك كېسەللىكلىرى بىلەن مۇناسىۋەتلىك بولىدۇ.باش ئاغرىشقا قىزىتما، كۆڭۈل ئاينىش، يۆتەل، دىماق پۈتۈش، چۈشكۈرۈش ۋە مۇسكۇل بوغۇملىرى ئاغرىش قوشۇلۇپ كەلسە كۆپىنچە زۇكامدىن بولغان بولىدۇ.
باش ئاغرىغاندا قوللىنىدىغان ئۇسۇللار: جىددىيلىك، ھارغىنلىق، مەستلىكتىن بولغان باش ئاغرىش مۇۋاپىق ئارام ئالغاندىن كېيىن ئۆزلىكىدىن ياخشىلىنىپ كېتىدۇ.بېشى ئاغرىيدىغانلار مۇۋاپىق ئارام ئېلىشقا دىققەت قىلىشى، يېتەرلىك ئۇيقۇغا كاپالەتلىك قىلىشى، روھىي جىددىيلىكنى پەسەيتىپ، غەم-ئەندىشە ۋە زىيادە بېسىمدىن ساقلىنىش كېرەك.دورا كار قىلمايدىغان بولۇپ قېلىش ۋە ئاستا خاراكتېرلىك باش ئاغرىشنىڭ ئالدىنى ئېلىش ئۈچۈن قالايمىقان دورا ئىچمەسلىك كېرەك.باش ھەددىدىن زىيادە قاتتىق ئاغرىغاندا چوقۇم دەرھال دوختۇرخانىغا بېرىپ تەكشۈرتۈش كېرەك. ئىز تورى بەك ياخشى
باش ئاغرىقىنى پەسەيتىش ئۇسۇللىرى:
مۇز بىلەن سوغۇق ئۆتكۈزۈش. بۇباش ئاغرىقىنى پەسەيتىشنىڭ ئەڭ ياخشى ئۇسۇلى.مۇز مۇسكۇللارنىڭ تارىيىشىنى ئازايتىپ، نېرۋىلارنى بېسىۋالغان قان تومۇرلارنىڭ بېسىمىنى ئازايتىپ، ئاغرىش سىگنالىنىڭ چوڭ مېڭىگە يەتكۈزۈلۈشىنى تىزگىنلەپ، ماددا ئالمىشىشنى پەسەيتىش ئارقىلىق ئاغرىقنى توختىتىدۇ.تېرىنى ئاسراش ئۈچۈن مۇزنى لۆڭگە ياكى ياغلىققا ئوراش، ھەر قېتىملىق سوغۇق ئۆتكۈزۈش ۋاقتى 20 مىنۇتتىن ئېشىپ كەتمەسلىكى كېرەك.
باش ئاغرىقىنى بارماق بىلەن ئۇۋۇلاپ توختىتىش. بۇنىڭدا ئۈچ خىل ئۇسۇل قوللىنىشقا بولىدۇ.بىرىنچى ئۇسۇل: بىر قول بىلەن باشنىڭ ئارقا تەرىپىنى چىڭ تۇتۇۋېلىپ، يەنە بىر قولنىڭ باش بارمىقى ۋە ئوتتۇرا بارمىقى بىلەن باشنىڭ ئىككى چېككە پەللىسى ئۇۋۇلىنىپ، باش كەينىگە قايرىلىدۇ، بۇنىڭ بىلەن مېڭىگە قان يەتكۈزۈلۈپ، قان بېسىمى تەڭشىلىپ ئاغرىق پەسەيتىش مەقسىتىگە يەتكىلى بولىدۇ. ئىككىنچى ئۇسۇل: باش بارماق بىلەن قوشۇما پەللە تەكرار بېسىلىدۇ ۋە تەدرىجىي يۇقىرىغا قارىتىپ، تاكى باشنىڭ چوققا قىسمىغىچە بارماق بىلەن بېسىلىدۇ.ئاندىن ئىككى چېكە قايتا بېسىلىدۇ.ئۈچىنچى ئۇسۇل: باش بارماق بىلەن قول پەنجىسى تۇتاشقان پەللە ئۇۋۇلىنىدۇ. ئىز تورىدا ئىزلىرىمىز قالسۇن!
مۇتەللىپ ياقۇپ تەييارلىغان
خەتكۈچلەر:
