يەر شارى تورىنىڭ ئۇنىۋېرسال خەۋىرى: جۇڭگونىڭ «لياۋنىڭ» ناملىق تۇنجى ئاۋىئاماتكىسى 25- سېنتەبر رەسمىي سەپكە قوشۇلدى. «تارىخ 2012- يىلى 9- ئاينىڭ 25- كۈنىنى مەڭگۈ ئېسىدە ساقلايدۇ، جۇڭگو دېڭىز ئارمىيەسى شۇنىڭدىن باشلاپ ئاۋىئاماتكا دەۋرىگە كىردى.» «لياۋنىڭ» ناملىق تۇنجى ئاۋىئاماتكىنىڭ باشلىقى، دېڭىز ئارمىيەسىنىڭ پودپولكوۋنىكى جاڭ جىڭنىڭ بۇ بىر جۈملە سۆزى جۇڭگو تاراتقۇلىرىدا كەڭ كۆلەمدە نەقىل كەلتۈرۈلىۋاتقان پەيتتە، خەلقئارادىكى جامائەت پىكرى مۇھىتىنىمۇ «جۇڭگونىڭ ئاۋىئاماتكا كۇلۇبىغا كىرگەنلىكى» دەك ئۇچۇرلار قوچۇۋەتتى.
«ۋاشىنگتون پوچتا گېزىتى» دە مۇنداق دېيىلدى: ئاۋىئاماتكىنىڭ ۋەزىپە ئۆتىشى جۇڭگونىڭ «كۆك سۇ دېڭىز ئارمىيەسى» قۇرۇش ئىرادىسىنى نامايان قىلدى.
ئەنگلىيە رادىيو شىركىتىنىڭ خەۋىرىدە مۇنداق دېيىلدى: تۇنجى ئاۋىئاماتكىنىڭ ۋەزىپە ئۆتىشى جۇڭگونىڭ قەد كۆتۈرۈۋاتقان چوڭ دۆلەتلىك ئورنىنىڭ نامايەندىسىدۇر.